Boiseko kaleetan Santa Ageda eskean kantari ibili ziren hiriko euskara ikasleak

Boiseko kaleetan Santa Ageda eskean kantari ibili ziren hiriko euskara ikasleak

Iragan otsailaren 3an Boiseko euskara ikasleak kalera kantuan atera ziren, Santa Agedaren tradizioari jarraiki. Ohitura bihurtu da Boiseko euskaldunen artean santa eskean ateratzea, beti ere euskara klaseetako ikasle eta irakasleen ekimenari esker. Taldera bildu ziren ere hiriko zenbait euskaldun eta ez euskaldunak ere; izan ere, euskaraz ez zekitenentzat kantuen letrak liburuxka batean bilduta banatu zituzten antolatzaileek. Giroa aparta izan zen eta Idahoko negu gorriari aurre egiteko gogoa eta kantuak jarri zituzten bertara bildu zirenek.

Gehiago Irakurri…

Zeintzuk dira euskarazko blog onenak? Eman zure botoa Azkue Fundazioaren "Blogetan" lehiaketan!

Zeintzuk dira euskarazko blog onenak? Eman zure botoa Azkue Fundazioaren "Blogetan" lehiaketan!

Azkue Fundazioak euskarazko blog onenak hautatzeko lehiaketa jarri du abian, Argia aldizkariaren sostenguarekin, euskerazko blogarien jarduna sustatu eta ezagutzera emateko asmoz. Guztira 115 blog proposatu dituzte internet erabiltzaileek sarietara, eta orain horien artean onenak aukeratzeko epea ireki da. Otsailaren 16a arte luzatuko da epe hori eta nahi duenak parte har dezake bozketan, lehiaketaren webgunean izena emanez, edo Twitter sare sozialaren bitartez. Zure aukera argi duzu? Eman botoa, bada!

Gehiago Irakurri…

Arrakastaz amaitu da Argentinako San Nicolasen Euskara Munduan-go 2014ko Udako Barnetegia

Arrakastaz amaitu da Argentinako San Nicolasen Euskara Munduan-go 2014ko Udako Barnetegia

Asteburuarekin bukatu da HABEk kudeatzen duen Euskara Munduan programako 2013-2016 tarteko hirugarren barnetegia, San Nicolas hiri argentinarreko Euzkal Etxean. Ikastaro trinkoa urtarrilaren 18an hasi zen eta Argentina, Brasil, Txile eta Uruguaiko ikasleak bildu zituen. Barnetegia bukatuta, irakasleentzako trebakuntza burutu zen Euzkal Etxea-ren egoitzan bertan. Euskara irakasleen lehenengo topaketa honetan euskal etxeetan dagoeneko aritzen diren ikasleak elkartu ziren euren esperientziak elkarrekin trukatzeko. Etorkizunari begira, 2014ko neguko barnetegiaren data -uztailaren 19tik 26ra- iragartzeaz gain, irakasleen topaketak udaro errepikatzeko asmoa ere adierazi du Kinku Zinkunegi HABEko ordezkariak.

Gehiago Irakurri…

Euskararen eta munduko 35 hizkuntzaren arteko hiztegiak sarean, jaitsi edo kontsultatzeko moduan

Euskararen eta munduko 35 hizkuntzaren arteko hiztegiak sarean, jaitsi edo kontsultatzeko moduan

Jakin nahi duzu euskarazko hitzak nola esaten diren ingelesez, italieraz, turkieraz, guaranieraz, kitxuaz, katalanez, errusieraz, txineraz edo beste hainbat hizkuntzez? Edo aukera eman nahi diezu hizkuntza horietako hiztunak izan daitezkeen zure lagun edo bisitariei euskarazko oinarrizko hiztegi bat ikas dezaten? Hori guztia eskaintzen du Hiztegitxoa.eu webguneak, inprimatzeko aukera ere barne, hizkuntza horietako 330 hitz erabilienei dagokienean. Bestetik, Kike Amonarrizi Sustatu.com-en irakurri diogunez, bada webgune europar bat, hitz bat ingelesez hautatu eta hitz horien kideak Europako hizkuntzetan ematen dituena, mapan, bakoitza mintzatua den eremu geografikoaren gainean.

Gehiago Irakurri…

Oxford Unibertsitateko Forum of Iberian Studies-en parte hartzeko lanak bidaltzeko epea irekita

Oxford Unibertsitateko Forum of Iberian Studies-en parte hartzeko lanak bidaltzeko epea irekita

Oxfordeko Unibertsitateak Iberiar ikasketen 16. edizioa beteko du datorren martxoan eta bigarrengoz euskarak leku berezia izango du bertan, Etxepare Euskal Institutuaren laguntzari esker. Antolakuntzak gonbitea luzatu die txostena aurkeztu nahi duten hizkuntzalari eta adituei, euren proposamenak bidal ditzaten hil honetako 31 baino lehen. Aurtengo gaia “Kultur eta hizkuntz aniztasuna Iberiar Penintsulan" izango da.

Gehiago Irakurri…

Euskara Munduan: Udako Barnetegia eta Irakasleentzako Trebakuntza ikastaroa, urtarrilean San Nicolasen

Euskara Munduan: Udako Barnetegia eta Irakasleentzako Trebakuntza ikastaroa, urtarrilean San Nicolasen

2013ko urtarrilean bezala, 2014ko urtarrilean ere San Nicolaseko Euskal Etxe argentinarra Euskara Munduan programako Udako Barnetegiaren egoitza izango da. Ikastaroa 18an hasiko da eta 25ean bukatuko, Argentina, Brasil, Txile eta Uruguaiko ikasleak partaide. Berau bukatu orduko, beste ekintza bat burutuko da San Nicolasen, Euskara Munduan programa barnean baita ere. Euskal etxeetan egun irakasle direnek Metodologia Trebakuntza jardunaldi batean parte hartu ahal izango dute 25 eta 26an, larunbat eta igandez.

Gehiago Irakurri…

NABOk eta HABEk 2014an Estatu Batuetan euskara eskolak emateko hitzarmena sinatu dute

NABOk eta HABEk 2014an Estatu Batuetan euskara eskolak emateko hitzarmena sinatu dute

HABEk eta NABO federazioak (North American Basque Organizations) Ipar Ameriketan emango diren euskara eskolak babesteko hitzarmena sinatu dute. Hasi berri dugun 2013/2014 ikasturtean, AEB eta Kanadan 16 ikastalde arituko dira euskara ikasten, beste horrenbeste Basque club edo euskal etxetan. Guztira 205 ikasle eta 2.000 eskola ordu ematea aurreikusten da. Horrez gain, HABEk eta NABOk sinatu duten hitzarmenean bertako irakasleen prestakuntza plana sustatzeaz eta beren jardunerako beharrezkoak diren ikas-materialez hornitzeaz arduratuko da HABE.

Gehiago Irakurri…

Euskara eta hizkuntza politikak ardatz Complutense Unibertsitateko Eleaniztasunari buruzko saioetan

Euskara eta hizkuntza politikak ardatz Complutense Unibertsitateko Eleaniztasunari buruzko saioetan

Iragan azaroaren 25 eta 26an Madrilgo Complutense Unibertsitatea hizkuntzalari eta filologoen topagune bihurtu zen, Euskal Filologia sailak antolatutako Iberiar Penintsulako Eleaniztasunari buruzko Jardunaldiei esker. Lehen egunean portugalera izan zen ardatz, eta bigarrenean euskarak leku nabarmena izan zuen, Arantzazu Fernández Iglesiasek eta Karlos Cid Abasolok eskaini zituzten hitzaldiekin. Topaketaren aurkezlea Kike Amonarriz hizkuntzalari eta umorista izan zen. Amonarrizek "Tribuaren berbak" saioa aurkezten du ETB1-en eta Madrilgo egonaldia erreportaje berezia grabatu eta jardunaldietan erakusteko baliatu zuen.

Gehiago Irakurri…

Itxaso Cayero eta Aitor Iñarrak jasoko dute Izaskun Kortazarren lekukoa NABO Euskara teknikari gisa

Itxaso Cayero eta Aitor Iñarrak jasoko dute Izaskun Kortazarren lekukoa NABO Euskara teknikari gisa

Teknikari berria hautatzeko elkarrizketa eta prozedurak bukaturik, NABO Ipar Ameriketako euskal elkarteen batasunak erabakia hartu du eta Itxaso Cayero (Boisetik) eta Aitor Iñarra (San Frantziskotik) izango dira NABOko Euskara alorreko teknikari berriak, Martin Goicoecheak segitzen duela alor horretako arduradun (Euskara chairperson). Hala eman du gaur aditzera NABOk Astero bere astekariaren bidez. Biak eskarmentudunak dira euskararen alorrean eta lekukoa hartuko diote Izaskun Kortazarri urtarrilaren lehenean.

Gehiago Irakurri…

Euskara eta antzerkiaz ariko dira Madrilgo Konplutenseko Eleaniztasunari buruzko bigarren mintegian

Euskara eta antzerkiaz ariko dira Madrilgo Konplutenseko Eleaniztasunari buruzko bigarren mintegian

Madrilgo Konplutense Unibertsitateko Euskara Sailak, Etxepare Euskal Institutuaren sostenguarekin, Penintsula Iberiarreko Eleaniztasunari buruzko bigarren mintegia antolatu du. Eleaniztasuna gizartea aberasten duen kultura ondarea dela erakustea da mintegi honen helburua eta saioak azaroaren 25 eta 26an egingo dira. Euskarak tartea izango du bertan, bi hitzaldirekin: batean, Euskadiko eta Nafarroako hizkuntz politikak aztertuko dira eta bestean, euskaraz egiten den antzerkia. Mintegiaren aurkezlea Kike Amonarriz hizkuntzalari eta umorista izango da.

Gehiago Irakurri…


bisita