Sara Pagola eta Hiriko Kabinete burua euskal standeko bisitari Buenos Airesko Gizatalde Patioan

Sara Pagola eta Hiriko Kabinete burua euskal standeko bisitari Buenos Airesko Gizatalde Patioan

Berrogeitik gora kolektibitatek hartu zuten parte joan den larunbatean hiriburu argentinarreko Mayo Etorbidean Sukaldaritza Patioaren edizio berri batean. Azken bi urteetan bezala, euskal kolektibitateak bi ordezkari izan zituen ekitaldian, Laurak Bat eta Euskaltzaleak erakundeak. Ehunka lagunek bisitatu zuten gunea eta ehunka ere bertaratu ziren euskal txokora janariaren usain gozoak eta musika eta dantza ikuskizunek erakarrita. Bisitarien artean, Hiriko Kabineteko Burua den Horacio Rodriguez Larreta eta Eusko Jaurlaritzaren Ordezkari Sara Pagola.

Gehiago Irakurri…

Pergamino hiriak Lagun Onak EEko lehendakariorde Alicia Ruiz Moreno saritu du Emakumearen Egunean

Pergamino hiriak Lagun Onak EEko lehendakariorde Alicia Ruiz Moreno saritu du Emakumearen Egunean

Herriaren alde lan egiten duten andreen esfortzu eta ardura saritu zituen Pergaminoko Udalak joan den martxoaren 8an, Emakumearen Nazioarteko Egunaren baitan. Lagun Onak Euskal Etxeak ordezkari berezi bat izan zuen omenaldian; izan ere, Alicia Ruiz Moreno instituzioko lehendakariordeak jaso zuen diplometako bat, osasun arloan, Terapia Okupazionalean hain zuzen, izan duen ibilbideagatik. Euskal Etxeko kideek zinez txalotu dute euren buruzagi eta lagunari eginiko omenaldi hunkigarri hau.

Gehiago Irakurri…

Apirilean hasiko ditu aktibitateak Rosarioko Unibertsitateko Euskara eta Euskal Kulturaren Katedrak

Apirilean hasiko ditu aktibitateak Rosarioko Unibertsitateko Euskara eta Euskal Kulturaren Katedrak

Rosarioko Zazpirak Bat Euskal Etxeak eta hiriko Humanitate eta Arteen Fakultateak sinatutako hitzarmenaren baitan, datorren apirilaren 4an jarriko da abian Unibertsitateko Euskara eta Euskal Kulturaren Katedra. Zikloari ekiteko, Hizkuntza Minorizatuen Topaketa burutuko da hilaren 4ean, ostirala Fakultatearen egoitzan. Euskara klaseak, berriz, 8an hasiko dira eta astearte eta ostiraletan gauzatuko dira. Gaia aldatuta baina oraindik Rosarion, Zazpirak Bat euskal etxea bere burua gogoz ari da prestatzen mozorro-jai bat ospatzeko datorren asteko larunbatean.

Gehiago Irakurri…

Bartzelonako EE koordinatzaile bila ari da, elkartearen kultur jarduerak eta antolakuntza kudeatzeko

Bartzelonako EE koordinatzaile bila ari da, elkartearen kultur jarduerak eta antolakuntza kudeatzeko

Koordinatzaile postua bete nahi du Bartzelonako Euskal Etxeak eta lan honetan jardun nahi dutenei lehenbailehen CVa bidaltzeko deialdia egin die. Koordinatzailea Euskal Etxearen programaketa kulturalaz arduratuko da, eta horrez gain elkartearen ekonomiaren, kanpo harremanen, komunikazioaren zein juntaren koordinazioa ere hartuko du bere gain. Horrekin batera, Euskal Etxearen ekitaldi, ziklo eta jaialdien programaketa, produkzio eta posprodukzioa ere bere kargu izango ditu. Hautagaiek antzeko lanetan eskarmentua izatea eta titulazio egokia izatea eskatzen da.

Gehiago Irakurri…

Buenos Airesko Dekorazio-Arte Museoan Gure Arropa euskal erakusketa inauguratuko dute gaur

Buenos Airesko Dekorazio-Arte Museoan Gure Arropa euskal erakusketa inauguratuko dute gaur

Iluntzeko 7etan egingo da gaur Gure Arropa-Nuestra Ropa euskal erakusketaren irekitze ekitaldia Argentinako hiriburuko Dekorazio-Arte Museo Nazionalean. Laurak Bat-ek antolaturik, Magdalena Mignaburu-ren bilduma apirilaren 27ra bitartean egongo da ikusgai, arratsaldero. Erakusketaren baitan, Euskal Herriko kultura ezagutarazteko beste proposamen batzuk eskainiko zaizkio publikoari, hala nola saio artistikoak, Gernikako Bonbardaketaren urteurrena gogoratzeko ekintzak eta Aberri Eguneko ospakizuna. Gaurko ekitaldian parte hartu nahi dutenek, euren izenak eman ditzateke Laurak Bat-eko idazkaritzan.

Gehiago Irakurri…

Argentinan euskal kultura irakatsi nahi duzu? Eman zuren izena Hator Hona programaren 10. edizioan

Argentinan euskal kultura irakatsi nahi duzu? Eman zuren izena Hator Hona programaren 10. edizioan

2013ko edizioa Euskal Herrian burutu ondoren, Necocheako Euzko Etxea-ko gazteek sortutako Hator Hona programa Argentinara bueltatuko da aurten uztailaren 18tik abuztuaren 10ra bitartean. Hiru aste horietan, hainbat euskal kultur adierazpen konpartituko dituzte Euskal Herritik bertara joandako zenbait gaztek euskal etxeko komunitatearekin, tartean, dantzak, musika, euskara, kirola eta sukaldaritza. Hator Hona 2014ko edizioan izena emateko epea apirilaren 20an bukatuko da; animatu, esperientzia bikaina baita!

Gehiago Irakurri…

Euskal musika eta dantzak indartsu sartu ziren San Telmo auzoan, Buenos Airesko II. Triki-poteoan

Euskal musika eta dantzak indartsu sartu ziren San Telmo auzoan, Buenos Airesko II. Triki-poteoan

Iazko arrakastaren ondoren, Triki-poteo berri bat antolatzeko erronka hartua zuen aurten ere bere gain Buenos Airesko Euskaltzaleak Euskaltegiak. Deialdiak erantzun ezin hobea izan zuen joan den larunbatean eta euskaltegiarekin bat eginez euskal instituzio gehiagoko kideak atera ziren hiriburuko kaleetara, tartean Laurak Bat, Nafar Etxea eta Iparraldeko Euskal Etxea erakunde hiriburutarren artean. Barnealdeko euskal etxeek ere izan zituzten ordezkariak ekitaldi berezi honetan, tartean Arrecifes, La Plata, Mar del Plata, Necochea eta San Nicolas hirietakoek. Iaz bezala, gainera, "Buenos Aires Tartan Army" elkarte eskoziarrak ere hartu zuen parte ekimenean.

Gehiago Irakurri…

Fermin Muguruzak "No More Tour" dokumentala aurkeztuko du ostiralean San Frantziskon

Fermin Muguruzak "No More Tour" dokumentala aurkeztuko du ostiralean San Frantziskon

Ostiralean South San Francisco-ko Basque Cultural Center euskal etxea zine emanaldi berezia egingo da, Basque Educational Society elkarteak antolatzen duen euskal zinema sailaren baitan. Fermin Muguruza musikaria bertan izango da "No More Tour" dokumentala aurkezteko. Irundarraren azken bira jasotzen du lanak: 55 kontzertu bost hilabetetan, egileen esanetan "erresistentzia eta elkartasun mapa bat".

Gehiago Irakurri…

Paraná-ko Presencia Vasca irratsaio argentinarrak ehun mezu jasoz hasi du bere 24. denboraldia

Paraná-ko Presencia Vasca irratsaio argentinarrak ehun mezu jasoz hasi du bere 24. denboraldia

Martxoaren hasierarekin batera, kaskoak jarri ditu berriro ere Federico Borras-ek 'Presencia Vasca' irratsaioaren 24. denboraldiari ekiteko. Entre Rios probintzia argentinarreko Parana hiritik, harrera paregabea izan zuen emanaldiak entzuleen artean. Izan ere ehun bat lagun jarri ziren kontaktuan programarekin agurtu eta ziklo berrian zorte ona opatzeko. Borrasek EuskalKultura.com-i azaldu dionez, saioak bere ohiko formatuaei eutsiko dio, Mikel Ezkerroren zutabea, elkarrizketak, berriak eta euskal musika barne; eta nobedade gisa, euskara zabaltzeko proposamen berri bat ere egongo da.

Gehiago Irakurri…

Eskual Etxeko Lamina eta Basajaun erraldoiek kolorez eta euskal giroz bete zituzten Pariseko Inauteriak

Eskual Etxeko Lamina eta Basajaun erraldoiek kolorez eta euskal giroz bete zituzten Pariseko Inauteriak

Iragan martxoaren 2an, Pariseko Eskual Etxeak (PEE) Inauterietako desfilean parte hartu zuen lehen aldiz eta nola! Elkartearen ordezkaritzak kolorez eta giro bikainez bete zuen kalejira, Basajaun eta Lamina erraldoiak buru zituelarik. Elkarteko kideak jo eta su ibili dira azken asteetan lantegi batean erraldoi hauek sortzen, Pariseko kaleetara euskal mitologia apur bat ekartzeko. Eurekin batera elkarteko bazkideak, Gazteria taldeko dantzari eta musikariak eta lagun asko, denak ala denak goitik behera mozorroturik. Euskal Etxeak jai egun eder honen argazkiak sareratu ditu bere Facebook orrian; jarraian, horietako batzuk.

Gehiago Irakurri… [ Erantzun bat ]


bisita