'Kanpoan diren Nafarren Eguna' bihar Izaban; 30 urte bete eta liburua kaleratu du Nafar Etxeen Federazioak

'Kanpoan diren Nafarren Eguna' bihar Izaban; 30 urte bete eta liburua kaleratu du Nafar Etxeen Federazioak

2014/06/13

Bihar ospatuko da Izaban 'Kanpoan diren Nafarren Eguna'. Urteroko hitzordu honen XXVI. edizioak gaur izango du aurrekaria, Larrako Erreserba Naturala bisitatuz eta biharko egitarauaren aurkezpena eginez. Bihar, beraz, goizeko 10:30etan abiatuko dira gauzak, harrera, kanpaiak, meza, kalejira, bazkaria, dantza eta zenbait erakustaldi tarteko; hori guztia, Nafar Etxeen Federazio Nazionalak 30 urte bete dituen honetan, kari horretara bere historia biltzen duen liburua atera duelarik.

Gehiago Irakurri…

Uruguaiko Legebiltzarra gaur euskal bake prozesuaren alde, Bakearen aldeko Aldarrikapena irakurriz

Uruguaiko Legebiltzarra gaur euskal bake prozesuaren alde, Bakearen aldeko Aldarrikapena irakurriz

Gaur osteguna, ekainaren 5ean, "Uruguai Euskal Herriko Bakearen Alde" elkarretaratzea egingo da Uruguaiko Parmentuan, Montevideoko Euskal Erria euskal etxeak bultzaturik, ganbera legegilearekin batera. Hizlari izango dira Ordezkari-Ganberako lehendakaria, Uruguaiko alderdi politiko guztietako ordezkariak, Lucia Topolansky senadorea, Julio Mª Sanguinetti lehendakari ohia, Nazioarteko Kontaktu Taldeko kide den Alberto Spectorowsky eta, Lokarriren izenean, Paul Rios koordinatzailea.

Gehiago Irakurri…

FEVAren agiria: "Ezinbestekoa da Aberri Eguna abertzaleok, garenaren lekukotasuna eman dezagun"

FEVAren agiria: "Ezinbestekoa da Aberri Eguna abertzaleok, garenaren lekukotasuna eman dezagun"

2014/04/17

Argentinako euskal etxeen bilgarri den FEVA (Federación de Entidades Vasco Argentinas edo Euskal Argentinar Erakundeen Federazioa) elkarteak agiria plazaratu eta helarazi digu Aberri Eguna 2014 dela-eta, deia luzatuz federazioko kide dituen euskal etxeei eta herrialdeko euskaldun guztiei zorionak emanez urte berri batez urteroko euskal festa hau iritsi delako eta euskaldunak eta euskaldunen lagunak oro gonbidatuz "behar bezala" ospa dezaten, "ezinbestekoa baita Aberri Eguna, abertzaleok, garenaren lekukotasuna eman" eta "gure nortasuna adieraz dezagun".

Gehiago Irakurri…

Basque Country marka, Jaurlaritzaren kanpo ekintza eta Diaspora mintzagai Marian Elorzak

Basque Country marka, Jaurlaritzaren kanpo ekintza eta Diaspora mintzagai Marian Elorzak

2014/04/14

Jaurlaritzaren Kanpo Ekintza eta honen muga eta jokatzeko esparrua, ekonomia eta aukera ekonomikoak, Basque Country marka --eta aldeak Espainia markarekin-- eta beste zenbait puntu ikutu ditu Marian Elorzak gaurkoan Deia egunkariak argitaratzen duen elkarrizketa batean. Urkullu gobernuko Kanpo Harremanetarako idazkari nagusia da Marian Elorza zumarragatarra. Míriam Vázquez kazetariak sinatzen du elkarrizketa.

Gehiago Irakurri…

Euskadiren Ordezkari Sara Pagolak Patagoniako Santa Cruz probintziako Hegoalde Argentinarra EEa bisitatu du

Euskadiren Ordezkari Sara Pagolak Patagoniako Santa Cruz probintziako Hegoalde Argentinarra EEa bisitatu du

Euskadiren Argentina eta Mercosur-erako Ordezkari Sara Pagolak Hegoalde Argentinarra euskal etxea bisitatu du joan den asteburuan, Santa Cruz probintzia australean. Euskal elkarteko Cesar Arizmendi lehendakariak eta bertako euskal komunitateko zenbait kidek errezibitu zuten Pagola, baita ere, bakoitza bere herrian, Comandante Luis Piedrabuena-ko alkate Jose Ramon Bodlovic-ek, eta El Calafate-ko alkate Javier Bellonik.

Gehiago Irakurri…

Lana: Eusko Jaurlaritzak bi lanpostu eskaini ditu NYeko Ordezkaritzan eta beste bat Mexikokoan

Lana: Eusko Jaurlaritzak bi lanpostu eskaini ditu NYeko Ordezkaritzan eta beste bat Mexikokoan

2014/02/18

Eusko Jaurlaritzak hiru lanpostu finkoren eskaintza zabaldu du, Kanpo Harremanetarako Idazkaritza Nagusiaren bitartez, bi Estatu Batuetako Euskadiren Ordezkaritzan, New Yorken; eta hirugarrena Mexikoko Ordezkaritzan, Mexiko Hirian. Lehenengo bi lanpostuetan, bat idazkaritza alorreko lana da eta beste bat enpresaritza, merkataritza eta market analyst arlokoa. Mexikokoa, berriz, enpresaritza teknikari arlokoa da. Hautagaitzak aurkezteko epea 2014ko martxoaren 3an bukatuko da.

Gehiago Irakurri…

Lehendakariak mezua zuzendu dio Diasporari, "munduan zehar dagoen euskal familia"ren balioa goretsiz

Lehendakariak mezua zuzendu dio Diasporari, "munduan zehar dagoen euskal familia"ren balioa goretsiz

2013/12/23

Iñigo Urkullu lehendakariak gabon-mezua zuzendu dio Diasporari, kargu honetan eman duen lehenengo urte honetako Gaztemundu eta Global Training proiektuak aipatu ondoren "gazte espiritu hori eta balore horiek" azpimarratzeko, "munduan zehar dagoen euskal familia" goretsiz eta komunitate bereko partaide aitortuz Euskadin zein Euskaditik kanpo bizi diren euskaldunen multzoa. Lehendakariak Jaurlaritzaren "konpromiso sendoa" berresten du "euskal komunitate osoarekiko harreman sareari" lagundu eta "gure Herriaren barne taupada partekatzen" jarraitzeko, Euskadi / Basque Country marka ezagutarazi eta aintzaesteko bidean.

Gehiago Irakurri…

Barcina presidentea buru egingo dira gaurtik aurrera Rosarion bertako Nafar Etxearen Mendeurren saioak

Barcina presidentea buru egingo dira gaurtik aurrera Rosarion bertako Nafar Etxearen Mendeurren saioak

2013/12/06

Nafarroako presidente Yolanda Barcina buru dela, gaur ostirala, abenduaren 6a, hasiko dira Argentinako Rosarion bertako Nafarroako Etxearen Mendeurrena ospatzeko antolatutako ekitaldiak gauzatzeko programa. Goizeko lehenengo orduan, hiriko alkate andere Monica Fein-ek 'Bisitari hautua' izendapena emanez errezibituko du Barcina, Argentinan dauden bost nafar etxeak ere lagun izango dituen ekitaldian. Asteburuan zehar presidentea nafar-argentinar etxeen federazioaren bilkurako partaide izango da, Buenos Aires, Mar del Plata, Mendoza, Bolivar eta Rosario bertako bost elkarteekin, eta baita egitarauko gailurra markatuko duen Mendeurreneko Oturuntzako buru ere, igandean Ezeiza aireporturaino iritsi eta itzulerari ekin aurretik.

Gehiago Irakurri…

Urkullu lehendakariak Euzko Etxearen Mendeurrenean parte hartuko du, gaur hasiko duen AEBetarako bidaiaren baitan

Urkullu lehendakariak Euzko Etxearen Mendeurrenean parte hartuko du, gaur hasiko duen AEBetarako bidaiaren baitan

Iñigo Urkullu lehendakaria gaur abiatuko da AEBetara, bertan astebeteko bidaia ofiziala egiteko. Bidaiaren helburua Euskadiren garapen-arlo guztiak ezagutaraztea da: politikoa, ekonomikoa, soziala eta kulturala. Hori dela eta, Ekonomiaren Garapen eta Lehiakortasuneko sailburu Arantxa Tapia AEBetan da dagoeneko, ekonomia-arloko zereginetan. Asteburuan New Yorken izango da Urkullu, Euzko Etxea elkartearen Mendeurreneko ekitaldietan parte hartzeko, AEBetako euskal komunitatearekin batera.

Gehiago Irakurri…

Urkullu lehendakaria New Yorkeko Eusko Etxearen Mendeurreneko ekitaldietan partaide izango da urrian

Urkullu lehendakaria New Yorkeko Eusko Etxearen Mendeurreneko ekitaldietan partaide izango da urrian

Iñigo Urkullu Estatu Batuetara joango da urrian, Europar Batasunetik kanpo lehendakari gisa egiten duen lehenengo bidaia ofizialean. Lehendakariak New York, Washington DC eta Milwaukee hiriak bisitatuko ditu urriaren 8tik 13ra bitartean, azken xehetasunak finkatzeke, eta, Diasporari dagokionez, New Yorkeko Eusko Etxea-ren mendeurreneko ekitaldietan hartuko du parte eta Estatu Batuetako euskal komunitateko ordezkariekin bilduko da Etxeorratzen Hirian zein Washington hiriburuan.

Gehiago Irakurri…


bisita