Argentinako EAJ-PNVren ehun urteko historiaz liburua plazaratuko du aurten Magdalena Mignaburuk

Argentinako EAJ-PNVren ehun urteko historiaz liburua plazaratuko du aurten Magdalena Mignaburuk

2013/02/15

Lanak 200 bat orri izango ditu eta ardatz kronologikoari jarraituko dio. Material osagarri anitz ere ekarriko omen du, tartean eranskin dokumentala eta argazki ugari. Argentinako EAJ-PNVren historiari buruzko liburua urtearen erdi aldera egongo da prest eta aurkezpenari dagokionez, egilearen asmoa, lehenengo aurkezpena azaroan egitea da, Sabino Arana Fundazioaren egoitzan, Bilbon; ondoren Donostian, Gasteizen, Iruñean eta Baionan egiteko eta, agian, baita Durangoko Liburu Azokan ere. Argentinako aurkezpena, Buenos Airesko Liburu Azokaren baitan litzateke, 2014an.

Gehiago Irakurri…

San Balendin egunean --eta urte osoan zehar-- erabiltzeko euskarazko zenbait piroporen zerrenda

San Balendin egunean --eta urte osoan zehar-- erabiltzeko euskarazko zenbait piroporen zerrenda

2013/02/14

Euskal Herrian eta euskaldunen artean San Balendin egunak ez du oihartzun handirik izaten --euskaldunek nahiago dituzte beste santu batzuk antza: Fermin, Sebastian, Inazio, Xabier, Prudentzio...-- baina EuskalKultura.com-ek egunaren aitzakia baliatu nahi du eta gure irakurleei piropoak --edo hotz goxoak, hala hobesten baduzu-- euskaraz botatzeko proposamena egin. Ez hori bakarrik: jarraian, handik eta hemendik bildu dugun euskal piropoen zerrendatxo labur bat osatu dugu.

Gehiago Irakurri…

Hispanoa? Ni euskalduna naiz; John Garamendi AEBetako kongresukideak argi dauka: I'm Basque

Hispanoa? Ni euskalduna naiz; John Garamendi AEBetako kongresukideak argi dauka: I'm Basque

2013/02/13

Associated Press berri agentziak artikulu deigarri bat plazaratu du, AEBetako Kongresuko diputatu hispanoen kopurua zehazteko zailtasunei buruz. Arrazoia zera da, zerrendatan batzuetan komunitate horretako kide gisa agertzen diren diputatuetako batzuk ez dutela euren burua hispanotzat jotzen. John Garamendi kongresukide euskal-kaliforniarrak, esaterako, argi dauka: I'm Basque (ni euskalduna naiz), dio. AEBetako 2011ko erroldan 53.045 lagunek onartu zuten euren burua euskaldunen ondorengotzat.

Gehiago Irakurri… [ 3 erantzun ]

EuskalKultura.com-ek antolatutako argazki kameraren zozketa: parte hartzeko azken egunak dituzu

EuskalKultura.com-ek antolatutako argazki kameraren zozketa: parte hartzeko azken egunak dituzu

2013/02/11

Argazki kameraren zozketaren azken txanpan sartu gara. Ostiralean, hilak 15, izango baita zure lanak aurkezteko azken eguna. Anima zaitez! Segi zure ordenagailuko disko gogorrera eta hasi bila, ziur baduzula euskal kultura, paisaia edo izaerari loturiko argazki ederrik. Bidalizkiguzu info@euskalkultura.com helbidera eta zozketan parte hartuko duzu, geroz eta argazki gehiago bidali, orduan eta aukera gehiago izango dituzu Canon PowertShot SX120 IS argazki kamera irabazteko (gehienez bost argazki pertsonako).

Gehiago Irakurri…

Peruko euskaldunek euren sustraiak gogoratu dituzte zortzi asteko kultur egitarau zabalarekin

Peruko euskaldunek euren sustraiak gogoratu dituzte zortzi asteko kultur egitarau zabalarekin

2013/02/08

Azken asteotan Peruko euskal komunitateak euskal ondareari buruzko makina bat jarduera egin ditu, Arantzazuko Amaren Anaidiak, San Martin de Porres Unibertsitateak eta Oiga Aldizkariaren Fondo Editorialak antolatuta. Egitaraua zabala izan zen: abenduaren 3an abiatu zen, Euskararen Egunaren karira egin ziren mintzaldiekin, eta egunotan amaitu da, Liman egin berri den anaitasun bazkari batekin.

Gehiago Irakurri…

Google-k Alberto Larraguibel euskal txiletar zaldunaren jauzi historikoa gogoratu du

Google-k Alberto Larraguibel euskal txiletar zaldunaren jauzi historikoa gogoratu du

2013/02/07

Iragan otsailaren 5ean Google bilatzaile ezagunak omenaldia egin zion Alberto Larraguibel euskal-txiletar zaldunari eta, egunero milioika lagunek erabiltzen duten webgunearen portadan, Larraguibelek 1949an Viña del Mar-en egin zuen jauzi historikoaren marrazkia jarri zuen. Larraguibelek, Huaso zaldiarekin, mundu marka hautsi zuen, eta 64 urte beranduago indarrean jarraitzen du errekorrak.

Gehiago Irakurri…

Hemen dira Inauteriak: bihar Uztaritzen Ostegun Gizena ospatuko du Hartzaro Festibalak

Hemen dira Inauteriak: bihar Uztaritzen Ostegun Gizena ospatuko du Hartzaro Festibalak

2013/02/06

Bihar hasiko dira Aratusteak, Ostegun Gizanerarekin batera, eta Euskal Herriko bazterretan mozorroek, festek eta usadio zaharrek hartuko dituzte kaleak. Iparraldeari dagokionez, tradizio handiko jaia dira Inauteriak eta Lapurdin, adibidez, iragan otsailaren 1etik hona Hartzaro izeneko jaialdia egiten ari dira kari horretara. Bihar bertan Ostegun Gizenarekin batera "Tutak" tobera mustra egingo dute. Baina beste hamaika euskal lekutan ere lehertuko dira Inauteak. Diasporan, New Yorkeko eta Bartzelonako euskal etxeetan mozorro jaiak egingo dira datozen egunetan, baina beste hamaika izango dira festa honi ohore egingo dioten euskal elkarteak.

Gehiago Irakurri…

Urtea bizi-bizi hasi dute Boisen: Danborrada Ikastolan, zuzendaritza berria Euzkaldunak elkartean...

Urtea bizi-bizi hasi dute Boisen: Danborrada Ikastolan, zuzendaritza berria Euzkaldunak elkartean...

2013/01/30

Boise AEBetako hiri euskaldunena da ziurrenik, euskal jatorridun gizatalde zabala bizi baita bertan, alkatea bera buru. Boisen dago, esaterako, Estatu Batuetako Ikastola bakarra; ez da ohiko ikastola, euskaraz den eta euskal kultura lantzen duen haur eskola baizik. Egunotan Santa Ageda ospatzeko prestatzen ari dira umeak, eta berriki danborrada jotzen biziki gozatu zuten, Ikastolako irakasle Irune Sanchez berriztarrak EuskalKultura.com-i azaldu dionez. Bestalde, Boiseko Euzkaldunak euskal etxeak 2013ko zuzendaritza aukeratu du eta Martin Bilbao izango du presidente.

Gehiago Irakurri…

Euskal Herria neguan: Kepa Etchandy argazkilariaren irudiak sarean ikusgai Ibaifoto.com webgunean

Euskal Herria neguan: Kepa Etchandy argazkilariaren irudiak sarean ikusgai Ibaifoto.com webgunean

2013/01/30

Negu gorri-gorria ari gara izaten Euskal Herrian: euria, haizea, elurra, eta itsasoa ere zakar-zakar. Tarteka urdinguneak, eta eguzkirik ere badela ari gara ikusten. Kepa Etchandy argazkilari lapurtarrak urtaro ikusgarri hau baliatu du Euskal Herriari buruzko argazki sorta ederra egiteko. Ikusi nahi duenak www.ibaifoto.com webgunean du eskuragarri, Euskal Herriari buruzko beste 50.000 argazkiekin batera.

Gehiago Irakurri…

Gogoratu Canon argazki kamera bat irabazi dezakezula EuskalKultura.com-ekin. Bidalizkiguzu zure argazki eta testuak

Gogoratu Canon argazki kamera bat irabazi dezakezula EuskalKultura.com-ekin. Bidalizkiguzu zure argazki eta testuak

2013/01/22

EuskalKultura.com-ek aurrera darrai zozketa berriarekin, non aparteko sari bat eskura dezakezun: Canon PowertShot SX120 IS modeloko argazki kamera! Horretarako, euskal kulturari loturiko argazkiak bidali beharko dizkiguzu: dantza ikuskizunak, Danborrada, Inauteriak, pintxo-afariak... Eta argazkiak ateratzeko kamerarik ez baduzu, deskriba iezaguzu 10-30 lerrotan zure euskal etxeko jarduera edo ekitaldiren bat eta euskal etxe edo elkarte horren parte izateak zuretzako zer esan nahi duen.

Gehiago Irakurri…


bisita