Euskal literaturak eta bertsolaritzak leku berezia izango dute ekain hasiera honetan Madrilen

Euskal literaturak eta bertsolaritzak leku berezia izango dute ekain hasiera honetan Madrilen

Ekainak euskal kultura eramango du Madrilera, Etxepare Euskal Institutuak antolatu dituen ekitaldiei esker. Asteazken honetan, ekainaren 4an, euskal literatura eta itzulpengintzari buruzko mahaingurua egingo da Madrilgo Liburu Azokan, Josu Zabaleta, Karlos Cid, Karmele Jaio eta Rikardo Arregirekin. Ondoren, ekainaren 9an, ahozko literatura izango dute hizpide Xabi Payak eta Asier Altuna zuzendariak eta ekainaren 9 eta 10ean Asier Altunaren "Bertsolari" (2011) dokumentala eskainiko da Mataderoko Zinematecan, zuzendaria bertan partaide.

Gehiago Irakurri…

EuskalKultura.com-ek Jose Mendiagueren bizitzari buruzko pastoralaren DVDak zozketatuko ditu

EuskalKultura.com-ek Jose Mendiagueren bizitzari buruzko pastoralaren DVDak zozketatuko ditu

Bost DVD ditugu gure irakurleen artean zozketatzeko. Jose Mendiague Diasporako bertsolari handiaren bizitzari buruzko pastoralaren grabaketa da, Zuberoako Arrokiaga herrian egina 2012ko udan, Aldudarrak Bideoren eskutik (www.kanaldude.tv). DVDetako bat lortu nahi baduzu, bidali zure izen-abizenak, helbidea eta telefonoa info@euskalkultura.com helbide elektronikora eta zozketan parte hartuko duzu.

Gehiago Irakurri…

Abian da Pello Mari Otañoren omenezko bertsopaper lehiaketa, Diasporarentzako atal bereziarekin

Abian da Pello Mari Otañoren omenezko bertsopaper lehiaketa, Diasporarentzako atal bereziarekin

Zizurkilgo Hernandorena Kultur Elkarteak “Pello Mari Otaño bertsopaper lehiaketa” antolatzea erabaki du, Argentinan hainbeste urtez bizi izan zen bertsolari handiaren oroimenean. Hain zuzen ere, antolatzaileek Diasporarentzako atal berezia sortu dute, Otañok Argentinako euskaldunekin izan zuen harremana gogoan, eta kontuan izanik "bera izan zela Ameriketan aritu zen lehen euskara-irakaslea". Hortaz gain, gazteentzako eta helduentzako beste bi atal ditu lehiaketak. Irabazleek 250 eta 500 euro jasoko dituzte.

Gehiago Irakurri…

Euskal Herriko eta AEBetako euskal bertsolariak aritu ziren kantuan Stanford University-n egin zen saioan

Euskal Herriko eta AEBetako euskal bertsolariak aritu ziren kantuan Stanford University-n egin zen saioan

Stanford-eko euskara ikastaroko ikasleek gelan proposatutako gaien gainean jardun zuten kantuan Amets Arzallus, Julio Soto eta Johny Curutchet bertsolariak iragan otsailaren 21ean unibertsitate ospetsu honetan egin zen saioan. Ekitaldia berezia izan zen, ez soilik unibertsitate honetara lehen aldiz bertsoak ekarri zituelako, baizik eta bertan Euskal Herriko eta Estatu Batuetako bertsolaritza tradizioak aritu zirelako buruz buruz. Stanfordeko euskara irakasle Iñaki Lopez de Luzuriagak aurkeztu zuen ekitaldia eta saioaren osagai gisa, bertsolariek ingelesez eta euskaraz erantzun zituzten entzuleen galderak.

Gehiago Irakurri… [ 3 erantzun ]

Amets Arzallus eta Julio Sotok bertso-saioa egingo dute gaur AEBetako Stanford University-n

Amets Arzallus eta Julio Sotok bertso-saioa egingo dute gaur AEBetako Stanford University-n

Amets Arzallus eta Julio Soto bertsolariek saioa egingo dute gaur arratsaldean Stanford-en, unibertsitate entzutetsuko Euskara Programak antolatuta. Emanaldia bertsolaritzari buruzko ekitaldi baten barruan egingo dute: 'Bertsolari' dokumentalaren trailerrarekin hasiko da arratsaldea, eta ondoren bertsoei eta bapatekotasunari buruzko mahaingurua egingo da. Saioa bertsoekin bukatuko dute Arzallusek eta Sotok. Ekitaldiaren antolatzaile da Iñaki Lopez de Luzuriaga, Stanfordeko euskara irakaslea eta Etxepare Euskal Institutuak saioa babestu du.

Gehiago Irakurri…

Sarean da jadanik Bertsolaritzaren Datu-Basea, gaiari buruzko informazio osoa eskuragarri jartzen duen ataria

Sarean da jadanik Bertsolaritzaren Datu-Basea, gaiari buruzko informazio osoa eskuragarri jartzen duen ataria

Bertsozale elkarteak sarean jarri ditu Xenpelar Dokumentazio Zentroaren edukiak eta bertsolaritzari buruzko datu basea aberatsa plazaratu du. Atari berri honen helburua bertso munduari buruz maila guztietako ikerkuntza bultzatzea da eta, aldi berean, zaletuei, bertso eskoletako ikasleei zein bertsolaritza sakonago ezagutu nahi dutenei informazioa ematea. Bertso saioen agenda, bertsolarien biografiak, txapelketen emaitzak, doinutegia eta bertso sortak izango dira bertan eskuragarri, besteak beste.

Gehiago Irakurri…

Apirilaren 30ean Belfast-en egingo den 4. Bertso Dinner-erako izen-emate epea irekita; 50 plaza bete dira jada!

Apirilaren 30ean Belfast-en egingo den 4. Bertso Dinner-erako izen-emate epea irekita; 50 plaza bete dira jada!

Adi Belfasteko euskaldunek antolatzen duten Bertso Dinner-era joan nahi duzuenok: izena emateko epea ireki berria da eta dagoeneko 54 lagunek hartu dute lekua. Aurten jaia apirilaren 30ean egingo da, eta Amets Arzallus eta Andoni Egaña izango dira gonbidatuak. Urtetik urtera gero eta jende gehiago biltzen da ekitaldi honetara: Belfasteko euskaldunak, euskal munduan interesa duten irlandarrak eta Euskal Herritik hegazkinez etorritako hainbat lagun (Biarritzetik eta Bilbotik 'low cost' hegaldiak baitaude Dublinera).

Gehiago Irakurri…

Argentinako lehen euskara irakasleak, Pello Mari Otañok, omenaldia jaso zuen La Platako Unibertsitatean

Argentinako lehen euskara irakasleak, Pello Mari Otañok, omenaldia jaso zuen La Platako Unibertsitatean

Pasa den ekainaren 18an, La Platako Unibertsitate Nazionalean, omenaldia egin zitzaion Pello Mari Otaño Barriola poeta, bertsolari eta Argentinako lehen euskara irakasle legez hartua denari, berenheriotzaren mendeurrenean. Otaño Zizurkilen (Gipuzkoa) jaio zen 1857an eta Rosarion (Argentina) hil zen 1910ean. Aztarna utzi zuen Otañok bere poesia eta bere jarrera abertzale, euskaltzale eta euskaldunen eskubideen eta identitatearen segidaren aldekoarekin.

Gehiago Irakurri…

Bertsoen poesia eta metaforak film batera bildu nahi dituzte Txintxua Films ekoizetxekoek

Bertsoen poesia eta metaforak film batera bildu nahi dituzte Txintxua Films ekoizetxekoek

2010/06/22

Ez da aise azaltzea bertsolaritza ezagutzen ez duenari, are gehiago euskara mintzatzen ez duenari, zertan datzan eta zer daukaten bertsolaritzak eta bertsoek Euskal Herrian astero-astero hainbeste jenderen arreta erakartzeko, izan telebistaz, izan Euskal Herriko geografian barrena antolatzen diren emanaldi eta hitzorduetan. Seguruenik lagungarri izango da langintza horretan Asier Altuna bergararra errodatzen eta egiten ari den 'Bertsolari' filma. Besteak beste San Frantziskoko Euskal Etxean ere filmatu du. Orain arte lortu dituzten irudiak eta egin duten muntaia ikusgarriak dira. Emaitza horrek bultzatuta 'Bertsolari' filma finantziazio bila dabil orain eta proiektua zertan den ikusteko hamabi minutuko muntaia jarri dute interneten. Minutu batzuk badituzu, merezi du begiratua ematea.

Gehiago Irakurri…

Euskal Herriko 300 ikastetxetako 15.556 ikaslek landu dute bertsolaritza bukatzear den 2009-2010 ikasturtean

Euskal Herriko 300 ikastetxetako 15.556 ikaslek landu dute bertsolaritza bukatzear den 2009-2010 ikasturtean

2010/05/18

Ikasturteari amaiera emateko bertso jaialdiak egiten ari dira ikastetxetan. Bertsozale Elkarteak bertsolaritza lantzeko ikasturte osoko proiektua eskaintzen du. Euskara ikasgaiaren barruan, astero lantzen dute bertsolaritza, irakasle espezialista batek gidaturik. Ikasle liburuaz gain, ikus-entzunezko materialak baliatzen dituzte gelan. Proiektuan 300 ikastetxek eta 15.556 ikaslek hartu dute parte bukatzear den 2009-2010 ikasturte honetan. Araban, Bizkaian, Gipuzkoan eta Nafarroan hedatutako proiektua da (Nafarroari dagokionez, Hezkuntza Sailaren hitzarmenak babesturik), Bertsozale elkartetik beretik ohar baten bidez jakinarazi zaigunez.

Gehiago Irakurri…


bisita