EuskalKultura.com irailean itzuliko da, erabat berrituta; hona azken zozketaren emaitzak

EuskalKultura.com irailean itzuliko da, erabat berrituta; hona azken zozketaren emaitzak

2014/08/01

Begien aurrean daukazun hau EuskalKultura.com zaharraren azken alea da. Abuztuan, Euskal Herrian uda petoa eta opor garaia delarik, EuskalKultura.com-ek bere barru osoan aldatuko du eta irailaren 1ean berrituta eta diseinu, sail, egitura eta eduki eraberrituz plazaratuko da. Pixkanaka egingo dugu, abuztu osoa prestaketa lanetan emanez. Inkestari erantzun diozutenei mila esker, segidan datoz azken zozketan sariak eskuratu dituzutenen izenak. Eskerrrik asko eta pasa uda on (udan bazaudete). Irailaren lehenera arte!

Gehiago Irakurri…

'Euskaldunen Argentina' erakusketa ibiltaria Argentinako hainbat hiritan ikusgai 2015eko apirila arte

'Euskaldunen Argentina' erakusketa ibiltaria Argentinako hainbat hiritan ikusgai 2015eko apirila arte

2005ean Baxenabarreko Irisarri herrian aurkeztutako 'Euskaldunen Argentina' erakusketa ibiltaria ekainean iritsi da Argentinara eta datorren urteko apirila arte ikusi ahal izango da zenbait herritan, tokian tokiko euskal etxeak ere arduratuko direlarik ekitaldien antolaketaz. Buenos Aires eta Posadasetik pasatu ondoren, Azul, Olavarria, Marcos Juarez, La Plata eta Mercedesera bidaiatuko da erakusketa datozen hilabeteetan. La Platan, Euskal Aste Nazionalean egongo da ikusgai.

Gehiago Irakurri…

Kiki Bordatxo musikari lapurtarrek joko dute San Frantzisko eta Chinoko euskal jaietan, abuztu amaieran

Kiki Bordatxo musikari lapurtarrek joko dute San Frantzisko eta Chinoko euskal jaietan, abuztu amaieran

2014/08/01

Biarritz dute bilgune baina ohikoak dira dagoeneko Kaliforniako udako euskal jaietan. Kiki Bordatxo boskote lapurtarra, atzera ere, San Frantzisko eta Chinoko jaietan arituko da, abuztuko azken bi asteburuetan. “Bost bat aldiz jo dute hemen eta plazera da taldea berriz ekartzea”, esan dio Pierro Etcharrenek, San Frantziskoko Euskal Etxeko delegatuak, Euskalkultura.com-i.

Gehiago Irakurri…

Guillermo Larregui EEak eta Buenos Airesko Nafar Etxeak Dantzari Topaketa antolatuko dute abuztuan

Guillermo Larregui EEak eta Buenos Airesko Nafar Etxeak Dantzari Topaketa antolatuko dute abuztuan

Ekitaldia Buenos Aires probintzian, Chacabuco herriko Guillermo Larregui euskal etxearen 25. urtemugaren programa barruan garatuko da, bertako euskal erakundea eta Buenos Aireseko Nafar Etxea antolatzaile. Topaketa abuztuaren 9an hasiko da, goizean, Dantza Tailer batekin eta biharamunean bukatuko, agur bazkariarekin. Baina, dudarik gabe, asteburuko ekintza nagusia larunbat arratsaldean, herriko San Martin Plazan egingo den dantzaldia izango da. Ekitaldia ‘udal interesekoa’ izendatu dute hiriko agintariek.

Gehiago Irakurri…

Gaur azken eguna EuskalKultura.com-en inkestan eta zozketan parte hartzeko, aukera baliatu eta ekiozu!

Gaur azken eguna EuskalKultura.com-en inkestan eta zozketan parte hartzeko, aukera baliatu eta ekiozu!

2014/07/31

Gaur osteguna gaueko 24:00etan amaituko da EuskalKultura.com-ek antolatu duen inkesta eta zozketan parte hartzeko epea. Euskal diaspora ardatz duen gure proiektu honetan ahotsa eta partaidetza berezia eman nahi diegu gure irakurleei eta euren iritzi eta ekarpenak bildu datozen asteetan gauzatuko dugun urrats berri eta aldaketa esanguratsuan. Garaiz zaude oraindik parte hartzeko. Aldez aurretik eskertzen dizugu partaidetza. Eta, aldi berean, liburu, CD eta DVD zozketa batean parte hartzeko aukera ematen dizugu. Ekiozu!

Gehiago Irakurri…

Pariseko Euskal Etxeak Nafarroa Behereko Larzabalen ospatuko du Euskaldunen Eguna abuztuaren 21ean

Pariseko Euskal Etxeak Nafarroa Behereko Larzabalen ospatuko du Euskaldunen Eguna abuztuaren 21ean

Pariseko Euskal Etxeko Eskualduna elkarteak urtero antolatzen du Journée des Basques edo Euskaldunen Eguna delako festa eta aurten Nafarroa Behereko Larzabale herria aukeratu dute bazkideek topagune gisa. Hitzordua abuztuaren 21ean izango da, Larzabaleko Trinketearen Hotel eta Jatetxean. Bertara bilduko dira elkarteko hainbat lagun eta bazkide, eta urtero legez, giro bikaina espero dute antolatzaileek.

Gehiago Irakurri…

Saladilloko Itxaropen EEak gaur inauguratuko du bere egoitza: goizeko 10etan, zerrenda-mozketa eta harrera

Saladilloko Itxaropen EEak gaur inauguratuko du bere egoitza: goizeko 10etan, zerrenda-mozketa eta harrera

Sei urte luze igaro dira Buenos Aires probintziako Saladilloko euskal gizataldea bere euskal etxearen egoitza eraikitzen hasi denetik. Ibilbidea ez da erraza izan baina azkenean, eraikuntza, gaur –uztailaren 31an, San Inazio eta hiriaren 151. urteurren egunean– inauguratuko da. Zeremonia goizeko 10etan hasiko da eta euskal etxeko kide eta lagunez gain, Euskadiko eta Argentinako agintariak bilduko ditu, tartean Argentina eta Mercosur-erako Euskadiren Ordezkaria, FEVAko eta euskal etxeko lehendakariak eta hiriko alkatea.

Gehiago Irakurri…

Gipuzkoako Diputatu Nagusiak mezua zuzendu die munduan barreiatutako gipuzkoarrei San Inazio Eguna dela-eta

Gipuzkoako Diputatu Nagusiak mezua zuzendu die munduan barreiatutako gipuzkoarrei San Inazio Eguna dela-eta

2014/07/30

Martin Garitano Gipuzkoako Diputatu Nagusiak bideo mezua zuzendu die munduan barreituta dauden gipuzkoar eta euskaldunei eta Diasporako euren ondorengoei, San Inazio dela-eta. Lehenengo aldia da Gipuzkoako agintari gorenak honelako mezu instituzionala Gipuzkoako zaindaria den San Inazioren egunean bidaliz Diasporari zuzentzen zaiona. Uztailaren 31a, San Inazio Eguna [santu gipuzkoarra 1556ko halako egunean zendu zen Erroman], jai egun ofiziala da Gipuzkoan eta Bizkaian.

Gehiago Irakurri…

Santa Rosa hiriko 'Zelaiko Euskal Etxea'k sortu berri duen abesbatza aurkeztu du San Fermin jaian

Santa Rosa hiriko 'Zelaiko Euskal Etxea'k sortu berri duen abesbatza aurkeztu du San Fermin jaian

Publikoaren aurreko bere lehenengo aurkezpenean, euskaraz abestu zuen Santa Rosako euskal etxeko koralak, San Fermin jaiaren programa barruan. Debuta arrakastatsua izan zen eta erakundearen enbaxadore bihurtuta, euskal gizataldearen ordezkaria izango da datorren igandean Santa Rosako Kolektibitateen Festan. Abuztuan, bere 22. urteurren festara gonbidatzen ditu 'Zelaiko Euskal Etxea'k bazkide eta lagunak.

Gehiago Irakurri…

Eman iritzia EuskalKultura.com-ez eta parte hartu euskal liburu, CD eta DVD zozketa batean, osteguna azken epea!

Eman iritzia EuskalKultura.com-ez eta parte hartu euskal liburu, CD eta DVD zozketa batean, osteguna azken epea!

2014/07/29

Ostegun honetan gaueko 24:00etan bukatuko da epea EuskalKultura.com-ek antolatu duen inkesta eta zozketa berrian partzeko. Helburua, gure webgune eta buletina hobetzea. Inkestan parte hartzearekin zenbakia lortuko duzu, honakoak sari: hiru liburu ('Vascos en Buenos Aires', 'Euskaldunen Amerika' eta 'Modern Basque History'), 'Zerurik sua dator' DVDa eta Kherau taldearen 'Aukhera' CDa. Ez zazu gerorako utzi, epea ostegunean itxiko baita. Mila esker parte hartzeagatik, behar dugu zure iritzia.

Gehiago Irakurri…


bisita