Gaztemundu 2014: "Diasporako dantzari onenek ez diete inbidiarik hemengoei, maila oso ona dute"

Gaztemundu 2014: "Diasporako dantzari onenek ez diete inbidiarik hemengoei, maila oso ona dute"

Horrela dio 2014ko Gaztemundu programako koordinazioaren ardura izan duen Oier Araolaza dantzari, aditu eta irakasleak. "Diasporako dantzarien maila hemengoaren berdintsua da; badira oso onak, erdipurdikoak eta justutxoak, hain zuzen ere hemengo taldeetan gertatzen den bezala". Halarik ere, maila oso ona dutenek Euskal Herrian aritzen diren onenen parekoak direla dio. Aurten, Diasporako dantza irakasleen selekzio batek hartu du parte Gaztemundun. Ikastaroak iraun dituen bi asteetan "informazio zaparrada" jaso omen dute, "hemengoek ere ez daukagun ikasteko aukera trinkoa izan dute".

Gehiago Irakurri…

“Geure kulturarekin aurrera egiteko beste aukera bat” da NABO Kantari Eguna, Noel Goyhenetche-rentzat

“Geure kulturarekin aurrera egiteko beste aukera bat” da NABO Kantari Eguna, Noel Goyhenetche-rentzat

Aurtengoarekin hirugarren aldiz ospatuko dute Kaliforniako Rocklin-en Ipar Ameriketako 'Euskal Kantari Eguna' eta gogotsu dabil Noel Goyhenetche, bertako Iparreko Ibarra Euskal Etxeko lehendakaria. “Guretzat, gure kulturarekin aitzina egiteko beste xantza edo aukera bat da Kantari Eguna”, adierazi dio Euskalkultura.com-i, NABOren aterkipean urtero egiten den festa honetaz galdetutakoan.

Gehiago Irakurri…

Munduan Euskara eta Euskal Kultura ikasketen unibertsitate-eskaintza duten hiriei gehituko zaie Tokio

Munduan Euskara eta Euskal Kultura ikasketen unibertsitate-eskaintza duten hiriei gehituko zaie Tokio

Tokioko Atzerriko Ikasketen Unibertsitateak akordioa sinatuko du Etxepare Institutuarekin 2015etik aurrera Euskara eta Euskal Kultura irakurletza berria zabal dadin hiriburu japoniarrean. Hitzarmenari esker, Unibertsitateak 'School of International and Area Studies' eta 'School of Language and Culture Studies' fakultateetan euskal hizkuntza, kultura, gizarte eta historiako ikasketei ekiteko konpromisoa hartuko du. Tokiokoarekin, datorren urtean Euskara eta Euskal Kultura mundi osoko 17 herrialdetako 34 unibertsitatetan irakatsiko dira, 27 irakurleren eskutik.

Gehiago Irakurri…

Inkesta: Zure iritzia eskatzen dizugu EuskalKultura.com hobetzeko, erantzun eta zozketan parte hartu

Inkesta: Zure iritzia eskatzen dizugu EuskalKultura.com hobetzeko, erantzun eta zozketan parte hartu

2014/07/25

EuskalKultura.com-ek aldaketa nabariak sartuko ditu bere buletin eta webgunean. Denbora daramagu horretan lanean eta heldua da momentua gure irakurleei ere euren iritzia eskatzeko, zeuok baitzarete ekimen eta proiektu honen alderik behinena, munduan barreiaturiko Euskal Herria zareten neurrian. Proiektu honetan zer gustatzen zaizuen gehien eta zer gutxien, zer kendu, ipini edo ezabatuko zenuten galdegin nahi dizuegu. Bidali zure iritzia eta esker onez zozketa bateko partaide egingo zaitugu, zenbait liburu DVD eta CD sari.

Gehiago Irakurri… [ Erantzun bat ]

Wilhelm Von Humboldt-en EH eta euskarari buruzko lan hautatuak aurkeztu dituzte Bilbon, ingelesez

Wilhelm Von Humboldt-en EH eta euskarari buruzko lan hautatuak aurkeztu dituzte Bilbon, ingelesez

'Humboldt: Selected Basque Writings' du izena liburuak, Iñaki Zabaleta Gorrotxategi editore, eta bederatzigarren izenburua du Renoko Euskal Ikasteketa Zentroak eta Bizkiako Foru Aldundiaren arteko akordioak argitara emana. Kulturako foru diputatu Josune Ariztondok, Renoko Euskal Ikasketen Zentroko irakasle Joseba Zulaikak eta Basque Studies bildumaren editore Pello Salaburuk aurkeztu dute obra asteazken honetan Bilbon, euskaltzale prusiar nabariaren lan hautuen biltzaile, batzuk argitaragabeak oraino.

Gehiago Irakurri…

Ospakizun ugari Diasporan San Inazio eguna dela eta: Arrecifes, Necochea, Mexiko, Boise, Santiago, Asuncion...

Ospakizun ugari Diasporan San Inazio eguna dela eta: Arrecifes, Necochea, Mexiko, Boise, Santiago, Asuncion...

Diasporako euskal etxeak bizi-bizi ari dira egunotan San Inazio Eguneko ekitaldiak prestatzen. Gipuzkoa eta Bizkaiko patroiaren egunak tradizio handia du munduko euskal komunitatetan eta makina bat dira festak, bazkariak, mezak eta kultur ekitaldiak egingo dituzten elkarteak. Batzuk asteburu honetan bertan hasiko dira, esaterako Boiseko Euzkaldunak elkartekoak. Ondotik etorriko dira Arrecifes, Necochea, Santiago, Valparaiso, Comodoro Rivadavia, Asuncion, Caracas, Mexiko, Bartzelona, Montevideo, Madril, Rosario, Laprida... Jarraian, hitzordu horietatik informazioa heldu zaigun hainbaten berri.

Gehiago Irakurri…

Ann Erreca: "Itzela izan da, sekula ez dut ahaztuko bisita Kanalara, nire aurrekoen jaiotetxera"

Ann Erreca: "Itzela izan da, sekula ez dut ahaztuko bisita Kanalara, nire aurrekoen jaiotetxera"

Kaliforniako arrantxu giroko herria da Los Banos, kabalak eta abelzaintza eta nekazaritza eta ortu zabalak aberastasun diren eremua, eta hortxe jaio zen Ann Erreca duela 53 urte. Irakaslea da bera, irakurketa arazoak dauzkaten haurren arretan espezialdua. Baina hirugarren belaunaldiko euskal-kaliforniarra ere bada Ann, bertako familien euskal giroan sortu eta hazia, dantzaria --horretan amatxiren oinordeko-- eta Los Banosko Euskal Etxeko dantzarien irakasle azken hogei urteotan.

Gehiago Irakurri…

Euskara arrakastatsu Naxeran; aurten bigarren kurtsoa antolatu du Errioxako kultur talde batek

Euskara arrakastatsu Naxeran; aurten bigarren kurtsoa antolatu du Errioxako kultur talde batek

Iaz 20 bat ikasle izan ziren, eta aurtengo ikastarorako horiek eta beste askok interesa agertu dute dagoeneko. Euskararekiko jakinminak kultur mugimendu polit bat sortu du Errioxako Naxera herrian eta iaz harrera oso ona izan zuen bertako talde batek antolatu zuen ikastaroak. Taldeak Logroñoko Laminiturri Euskal Etxearen babesa du eta aurten HABEren Euskara Munduan programaren baitan emango dira eskolak. Ikastaroa urrian abiatuko da. Interesa baduzu, hau da izena emateko unea!

Gehiago Irakurri…

Euskara Munduan: Hego Amerikako Neguko Barnetegian eta irakasleen trebakuntzan ari dira Chascomusen

Euskara Munduan: Hego Amerikako Neguko Barnetegian eta irakasleen trebakuntzan ari dira Chascomusen

Brasil, Uruguai, Txile eta Argentina bertako 25 ikasle bildu dira joan den larunbatetik hona Chascomus hiri argentinarrean, HABEk sustatzen duen Euskara Munduan programaren 2014ko Neguko Barnetegian partaide. FEVA eta Zingirako Euskaldunak Euskal Etxea antolatzaile, larunbat eguerdi arte luzatuko da euskara ikastaro trinkoa. Larunbat arratsaldean, berriz, irakaskuntzan urteak daramatzaten irakasleak elkartuko dira haiei zuzendutako trebakuntza jardunaldi batean.

Gehiago Irakurri…

Caraboboko Euskal Etxea Begoñako Amaren festa prestatzen, San Fermin arrakastatsua eta gero

Caraboboko Euskal Etxea Begoñako Amaren festa prestatzen, San Fermin arrakastatsua eta gero

Carabobo estatu venezuelarreko Valenciako Euskal Etxea buru belarri dabil egunotan bere jai egun handia prestatzen, Begoñako Amaren festa. Euskal komunitatearen eraginez, Begoñako Ama euskal etxea dagoen herriko, Naguanaguako patroia da eta elkarteko kideentzat hitzordu garrantzitsua da. Bitartean, euskal etxeko kideak gogoan dute oraindik berriki egin zuten San Fermin festaren arrakasta, entzierro eta guzti!

Gehiago Irakurri…


bisita