'Euskadi, gure arbasoen lurra' arte erakusketa estreinatuko dute bihar Txileko Viña del Mar-en

'Euskadi, gure arbasoen lurra' arte erakusketa estreinatuko dute bihar Txileko Viña del Mar-en

2012/07/03

Viña del Mar-ko Udalaren, bertako Ondare Unitatearen eta herriko Eusko Etxea elkartearen eskutik bihar zabalduko da Bosgarren Erregio txiletarreko hiri honetan 'Euskadi, la tierra de nuestros antepasados-Gure arbasoen lurra' erakusketa, euskal jatorriko zortzi artista txiletarren margo eta zizelketa lanak biltzen dituen erakusketa, gai amankomuna Euskal Herriarekiko oroitzapena edo irudi gogoan gordea daukatela, obra hauetara gauzatua. Viña del Mar-ko Wulff Gazteluan izango da zabalik uztailaren 4tik 22ra.

Gehiago Irakurri…

Cancungo Kukulcan eskolako ikasle talde batek Guernica margotu du bonbardaketaren 75. urteurrenean

Cancungo Kukulcan eskolako ikasle talde batek Guernica margotu du bonbardaketaren 75. urteurrenean

2012/06/18

Mexikon, Cancungo Kukulcan ikastetxeko ikasle talde batek bat egin du joan den astean Gernikako bonbardaketaren 75. urteurreneko ekitaldiekin eta Picassoren 'Guernica'ren replika den murala margotu du eskolako jardun gisa, 1937an Bizkaiko herri horretan gertatutakoa azaldu zaielarik eta guztiaren emaitza gisa bonbardaketa kari sarraskiaren eta gerlen salaketa gisa historiaratu den obra geratu delarik horma gainean, joan den ostiralean 'inauguratuta'.

Gehiago Irakurri…

Gaur aurkeztuko dira Erroman Euskanta 2012-ren emaitzak: entzun edota ordenagailura jaits ditzakezu

Gaur aurkeztuko dira Erroman Euskanta 2012-ren emaitzak: entzun edota ordenagailura jaits ditzakezu

2012/06/05

Erroman, bada eskola publiko bat, non urtero ikasle talde batek --familiaz edo bestela ere Euskal Herriarekin harremanik ez daukaten gaztetxoak dira-- euskara, musika eta irudimena batera lantzen duen. Euskanta izena du proiektuak eta hiriburu italiarreko 'Associazione Culturale Euskara' delakoaren eskutik dator. Euskanta 2012 gaur aurkeztuko da Erromako Manetti eskola publikoan. Ikasleek kantuak italieraz idatzi eta euskaratu egiten dizkiete eta, euskara jolastzat hartuta, musika gehitu eta kantatu egiten dute. Hau guztia grabatu eta ikasleek euren lehenengo Cda lortzen dute, euren emaitzekin. Orain, emaitzok internetez entzun eta jaisteko aukera daukazu.

Gehiago Irakurri…

Jose A. Irigaray-ren poemak partaide abiatuko da Buenos Airesen ‘Trazu ibiltariak’ pintura erakusketa

Jose A. Irigaray-ren poemak partaide abiatuko da Buenos Airesen ‘Trazu ibiltariak’ pintura erakusketa

2012/05/17

Dina Rivera margolari argentinarraren eskutik helduko dira Buenos Airesera Jose Angel Irigaray olerkari nafarraren euskarazko poemak. Olerkiek “egile liburu” txikiak osatzen dituzte, eta eskuz idatziak dira. Erakusketako parte dira eta pintore argentinarraren irudien muina islatzen dute. Datorren astelehenean, maiatzaren 21ean, 'Trazu ibiltariak' izenpean inauguratuko den pintura erakusketan aurkeztuko dira. Lanak ekainaren 4a arte egongo dira ikusgai NES Zona 54 Arte Galerian, Piedras kaleko 182an, Buenos Aires hiriburuan.

Gehiago Irakurri…

Maider Lopez artista donostiarraren 'Polder Cup' erakusketa ikusgai da New Yorken martxoaren 10a arte

Maider Lopez artista donostiarraren 'Polder Cup' erakusketa ikusgai da New Yorken martxoaren 10a arte

2012/02/21

Nazioartean izena ari da egiten Maider Lopez artista euskalduna (Donostia, 1975) eta ibilbide motz baina aberatsean mundu zabalean egin ditu jada hainbat erakusketa eta interbentzio: Shanghai, New York, Erroma, Rotterdam eta baita Euskal Herrian ere, besteak beste. Azken erakusketa New Yorken du ikusgai donostiarrak, Brooklyn-go Internacional Studio & Curatorial Program (ISCP) delakoan. Bertan egongo dira martxoaren 10a arte 'Polder Cup' bere interbentzioko argazki eta bideoak: zanga eta ubide artean jokarazi zuen futbol txapelketa bitxi eta orijinalaren emaitza.

Gehiago Irakurri…

Lisa Corcostegui amerikarraren Euskal Herriko argazkiak salgai daude Argazkilana.com webgunean

Lisa Corcostegui amerikarraren Euskal Herriko argazkiak salgai daude Argazkilana.com webgunean

2012/02/06

Oregonen hazia eta bizkaitarren biloba, Lisa Corcostegui euskal-amerikarrak betidanik izan du gogoko argazkilaritza. 1985. urtean arbasoen herrialdera egin zuen lehen bidaiaz geroztik, gai kuttuna du Euskal Herria eta sarri bueltatu da, egun duen argazki bilduma mardula bildu arte. Orain www.argazkilana.com webgunean jarri ditu salgai, etxean Euskal Herriko zatitxo bat izan nahi duen edonorentzat eskuragarri. Donostiako Alde Zaharra, Lekeitioko portua, Zuberoako Gotaineko bazterrak, Baztan eta Amaiur Nafarroan, Gatzaga Araban... bada non aukeratu!

Gehiago Irakurri…

Giro bikaina '@roma basco-euskara' jaialdian; bihar bukatuko da, Xabier Montoiaren kontzertuarekin

Giro bikaina '@roma basco-euskara' jaialdian; bihar bukatuko da, Xabier Montoiaren kontzertuarekin

2011/12/16

Erromako euskal komunitateak italiar hiriburuko biztanleak harritzen darrai, elkartearen marka diren proposamen koloretsu eta orijinalekin. Berriena "@roma basco-euskara" izeneko jaialdia izan da, asteburu honetan bertan bukatuko dela. Azaro hondarrean abiatu zen ekimenak euskal, italiar eta nazioarteko sortzaile, artista eta sukaldarien topagune bihurtu du Erroma, fusio zirraragarriak sortuz: pintxoak eta bertsolaritza, estatubatuar kantariak eta euskaraz kantatzen duten talde erromatarrak, bertsolariak eta italiar poetak... Larunbatean kontzertu eta itxiera jaiarekin bukatuko da jaialdia: taulagainean ariko dira Xabier Montoia poeta eta kantaria, Mursego txelista eibartarra, Ibon Rodriguez musikaria eta Banda Jorona talde erromatarra.

Gehiago Irakurri…

Itsasoa, dantza, poesia, musika eta bertsoak ekarri ditu Berlinera Euskal Koreografoen II Jaialdiak

Itsasoa, dantza, poesia, musika eta bertsoak ekarri ditu Berlinera Euskal Koreografoen II Jaialdiak

2011/12/15

'Euskaldunak ozeanoari begira' izan da bukatu berria den Euskal Koreografoen II. Jaialdiaren gaia, eta itsasoaren gomuta Berlinera ekartzea lortu dute jaialdian parte hartu duten artistek, dantza, musika, literatura eta bertsolaritzaren bitartez. Zazpi dantza konpainiek arlo honetan Euskal Herrian egiten den artea erakutsi dute; are gehiago, bertso eta olerkiekin uztartuz ikuskizun zinez bereziak sortu dituzte taulagainean. Horren adibide Mikel Aristegui koreografoak zuzenduriko 'Bertsolari/dantzari' saioa: bertsolariak botatzen zuen bertsoari bapatean pausoak jarri zizkioten dantzariek. Arrakasta kari, datorren urtean Londresen antzeko jaialdia egingo dela iragarri du Aristeguik.

Gehiago Irakurri…

'Goazen Txinara! 2012' euskal artistentzako erresidentzia programa aurkezteko epea ireki dute

'Goazen Txinara! 2012' euskal artistentzako erresidentzia programa aurkezteko epea ireki dute

2011/11/29

Laugarren urtez, Judas Arrieta artista hondarribiarrak zuzentzen duen MA Studio-k 'Goazen Txinara!' arte-beka deitu du. Beka hauen bitartez bi euskal sortzailek Beijing-en bi hilabeteko egonaldia egin dezakete, euren proiektu bat gauzatzeko. MA Studiok bidaia eta lan egiteko lokalaren alokairua ordaintzen ditu. Proposamenak bidaltzeko epea 2012ko urtarrilaren 30ean itxiko da. Egonaldia abuztuaren 1etik irailaren 30era izango da. Etxepare Euskal Institutuaren laguntza du programa honek.

Gehiago Irakurri…

Bodarin, flamenkoa eta euskal dantza uztartzen dituen ikusgarria, Bordelera ekarri du Eskualdunen Biltzarra EEak

Bodarin, flamenkoa eta euskal dantza uztartzen dituen ikusgarria, Bordelera ekarri du Eskualdunen Biltzarra EEak

2011/11/24

Anaigazteak dantza konpainiak sortu duen 'Bodarin' ikusgarria erantzun ezinhobea ari da jasotzen, flamenkoa eta euskal dantza lotzen dituen apustu ausartari esker. Cristian Larralde dantzariak eta Maiana Coronado flamenko koreografoak zuzendua, ikusgarri honetan euskal dantzarien eta 'bailaore'en arteko sedukzio jolasa sortzen da; sorginkeria, bideo-emanaldi eta lapurtar Maskarada artean. Heldu den larunbatean Bordelen aurkeztuko dute, Eskualdunen Biltzarra Euskal Etxearen eta Euskal Kultur Erakundearen laguntzarekin, besteak beste.

Gehiago Irakurri…


bisita