Itxartu dantzari taldea pozik bueltatu da Argentinako Euskal Astetik, han bizi izandakoak gogoan
Etxean dira Itxartu taldeko getxoztarreko dantzariak, iragan urriaren 26tik 28ra Rosarion egin zen Argentinako 2012 Euskal Aste Nazionalean parte hartu ondoren. Taldeak bazuen aurretik Diasporarekin harremanik, izan ere Itxartuko bi kidek dantza ikastaroak eman zituzten Rosarion bertan orain dela urte batzuk eta iaz Rosarioko dantzari bi izan ziren Getxon. Bidaia esperientzia aparta izan dela azaldu diote EuskalKultura.com-i, hango euskaldunek "dantza eta abertzaletasuna zein sakon bizi duten" ikustea oso berezia dela azpimarratuz.
‘Gora Euskadi askatuta’ oihuek eta ikurrinak aireratzeak eman zioten amaiera 2012ko Euskal Asteari (V)
Mugimendu handiko asteburua bukaerara iritsi zen Rosarion, igande arratsaldean. Eguraldia lagun, dantzariak, euskara ikasle eta irakasle, euskal erakundeetako ordezkari eta Euskal Herriko zein Argentinako politikari eta agintariak Rosarioko Oroño bulebarrean bildu ziren jaiaren programako azken ekintzez disfrutatzeko. Bazkariaren, Zazpirak Bat-ekoek, hunkituta, esker beroak eman zizkieten bertaratutako guztiei eta Villa Mariako Euzko Etxeari pasatu zioten 2013ko edizioa antolatzeko lekukoa. Hona 2012ko Euskal Asteari buruzko argazki kroniketako azkena.
27 euskal dantzari taldek osatu zuten Rosarioko Euskal Asteko El Circulo Antzokiko emanaldia (IV)
Dantzak eta omenaldiak. Trebezia eta zirrara. Zazpirak Bat euskal etxearen Mendeurreneko Euskal Astean hogeita zazpi dantza taldek ospatu zuten etxe anfitrioiaren ehungarren urtebetetzea. Ikuskizunean zehar, ‘Zazpi’-ko garai guztietako dantzariak ekarri ziren gogora hitz eta bideoekin. Izen handiko El Circulo antzokia gorriz, berdez eta zuriz jantzi zen Argentinako euskal gizataldea hartzeko. EuskalKultura.com-ek aurrera darrai artikulu honekin Rosarioko ekimenaren berri ahalik eta osatuen emateko egin duen ahaleginarekin: hona larunbateko dantza emanaldiaren argazki erreportajea.
Datozen Euskal Asteen egoitzak iragarri ziren Rosarion: 2013an Villa Maria eta 2014an La Plata (III)
Ardurakizuna eta parranda oso ondo uztartzen dira Euskal Asteak irauten dituen hiru egunetan. Jaia erakargarria egiten zaie gonbidatu guztiei baina bilerek, hitzaldiek eta debateek ez dute interes gutxiago pizten. 2012ko Euskal Asteak hori guztia izan du: larunbateko ekintzak FEVAko bilerarekin hasi ziren goizeko 9etan eta ordu txikietan bukatu, Ruralean, Maral, Urko, Naia Robles, Natxo Knörr eta Itxartu Dantza Taldearen ikuskizunekin. Tartean, alderdi politiko abertzaleen mahai-ingurua burutu zen euskal etxean, danborrada kalean, eta emanaldi artistikoa antzokian. Hona hemen Rosario 2012ko hirugarren argazki erreportajea.
Rosarioko Zazpirak Bat EEak bere mendeurreneko euskal astea ospatu zuen milatik gora lagunekin (II)
Asteburu bat, milaka momentu. Esaldi honekin labur dezakegu Argentinako Euskal Aste Nazionala. Eta momentu horiei guztiei aukera emateko antolatu zuten Rosarioko Zazpirak Bat Euskal Etxeko arduradunek aurtengo Euskal Astea. Hiru egunetan zehar mota askotako proposamenak eskaini zitzaizkien Rosariora bertaratu ziren lagunei, eta jendeak erantzunik onena zien antolatzaileei: giro ederra jarriz Diasporaren jai nagusiari. Ohi bezala, EuskalKultura.com horren guztiaren lekuko eta berri-emaile aritu zen. Hona Rosarioko kronikaren bigarren alea.
Arrakasta handiz bukatu ziren atzo Rosarion 2012ko Argentinako Euskal Aste Nazionalaren saioak (I)
Joan den asteburuan egin dira Rosario hirian 2012ko Euskal Argentinar Aste Nazionalaren saioak, aurten bertako Zazpirak Bat Euskal Etxea antolatzaile, izan ere elkarte honek berak bere lehenengo Mendeurrena ospatzen zuelako eta bi ospakizunak ospagai handi bihurtu eta euskal-argentinar komunitate zabalarekin konpartitu eta gizarteratzeko asmoa zuelako eskatu baitzion aspaldi FEVAri 2012ko festa nazionala Rosariora ekartzea. Helburuak erabat beterik, joan den asteburuan Rosario euskal festaz jantzi da, Argentina osotik iritsitako euskaldunei eta euskaldunen lagunei ongietorria emanez, eta aldameneko Uruguai eta Brasildik ere jendea etorririk, baita Euskal Herritik ere. Gaurtik hasita eta ohi duenez, EuskalKultura.com-ek artikulu saila argitaratuko du, euskal-argentinar hitzordu nagusi honen argazki eta irudi kronika eginez.
Festa lehertuko da gaur Rosarion 2012ko Euskal Argentinar Astearen baitan: egitarau eguneratua
Hemen da, iritsi da azkenean 2012ko Euskal Argentinar Aste Nazionaleko asteburua eta motorrak prest dira gaur eguerditik aurrera argentinar euskal egutegiko hitzordu nagusia den honetara herrialde osotik eta ondoko Uruguai, Brasil, Txile eta Paraguaitik, baita Euskal Herritik beretik ere, etorriko den jende saldoari ongietorria emateko. Rosarioko Zazpirak Bat-ek bere Mendeurrena ospatzeko ekitaldien barne kokatu du aurtengo Euskal Astea.
Ateak joka ari da Rosarioko 2012ko Euskal Argentinar Aste Nazionala: hona programa bere osotasunean
Zinea, musika, dantzak, hitzaldiak, sukaldaritza, musa, erakusketak, paseoak, bazkariak, kirola… oparo baino oparoagoa da Zazpirak Bat Euskal Etxeak aurkeztutako Aste Nazionalaren egitaraua. Parte-hartzaileen zerrenda ere ez da laburra eta Euskal Herritik propio etorriko diren zenbait gonbidatuk hartuko dute parte Diasporaren jai handi honetan, tartean, Juan Jose Ibarretxe lehendakaria, Urko, Naia Robles eta Natxo Knörr abeslariak eta Itxartu Dantza Taldea daudela, besteak beste. Hauekin batera hainbat artista argentinar ere pasatuko dira Euskal Asteko tauletatik. EuskalKultura.com-eko artikulu honetan, jaiaren azkeneko egitaraua eta vocher-ei buruzko informazioa.
Azken aukera Rosario 2012ko Euskal Asteko Testu eta Afixe lehiaketetan parte hartzeko
Aurten Rosarion urriaren 26tik 28ra bitartean egingo den Euskal Argentinar Aste Nazionalak deitutako Testu eta Kartel Lehiaketan, helduenean edo txikienenan, parte hartzeko asmoa bazeneukan eta oraindik egin ez baduzu, erne egon zaitezke, azken aukera baitaukazu zure lanak bertara bidaltzeko. Irailaren 30a izan da ipinitako epe muga, nahiz eta, antolatzaileek EuskalKultura.com-i adierazi diotenez, malgutasunez jokatuko duten epeari begi zabalez begiratuz, baina dena den, epea gainean da eta zeure lana(k) nabarmentzeko aukerak ere datozen ordu edo egunetan ahituko dira. Parte hartu nahi izatekotan, egizu berehala!
'Agur eta Rosariora arte', bazkari erraldoi batekin bukatu zen igandean Necocheako euskal astea (eta IV)
Urte osoa itxaron behar eta gero ziztu bizian pasatzen da Euskal Astea. Izan ere, epea laburra egiten zaigu nahi dugun guztia egiteko: dantzatu, kirola egin, abestu eta lagunekin elkartzeko, batzuk aipatzearren. Hala ere azaroaren 7tik 13ra gauza hauek eta euskal sentimendua adierazten dituzten beste hainbat ekintzetan hartu zuten parte Necocheara bildu zirenek. Baina “agur” esateko momentua ere heldu zen eta bederatziehun bat lagunentzako bazkari batekin itxi zen 2011ko Euskal Astea. Igande goizean, meza ospatu zen Karmen parrokian eta ondoren enparantzako dantzek gorri, zuri eta berdez jantzi zituzten hiriko kaleak. Bazkarian zehar, berriz, lehiaketetako sariak banatu ziren.
