Kulunka Teatro konpainiak Taiwanera eramango du abuztuan "André & Dorine" antzezlan arrakastatsua

Kulunka Teatro konpainiak Taiwanera eramango du abuztuan "André & Dorine" antzezlan arrakastatsua

2013/08/02

Kulunka Teatro konpainia euskalduna Txinara bidaiatuko da abuztuan arrakasta polita lortzen ari den 'André & Dorine' antzezlanarekin. 2010eko urrian estreinatu zutenetik, mundu osoko 20 herrialde baino gehiagotan izan dira eta, orain, Txinara itzuliko dira, Taiwanera hain zuzen, Taipei Arts Festival jaialdiara. Alzheimerrari eta maitasunari buruzko hausnarketa hunkigarria da lana eta hitzik gabe antzezten dute aktoreek, maskarak jantzita.

Gehiago Irakurri…

Pantzart taldeak "Boli bili boli" antzezlana aurkeztuko du etzi Santa Fe eta Entre Rioseko jaialdiaren baitan

Pantzart taldeak "Boli bili boli" antzezlana aurkeztuko du etzi Santa Fe eta Entre Rioseko jaialdiaren baitan

Pantzart antzerki talde bilbotarrak “Boli bili boli” txontxongilo ikuskizuna aurkeztuko du larunbat honetan Santa Fe eta Entre Rios-eko XI. Nazioarteko Haur Antzerki Topaketan. Ikuskizuna hiru eta sei urte arteko haurrei zuzenduta dago eta Tolosako TOPIC Nazioarteko Txontxongilo Gunearekin lankidetzan sortua da. Ikuskizunak Juan Kruz Igerabideren euskal idazlearen haur olerkigintza du oinarri.

Gehiago Irakurri…

Euskal testuen irakurketa antzeztua datorren igandean Mexikoko Antzerki-Liburuen 2012ko Azokan

Euskal testuen irakurketa antzeztua datorren igandean Mexikoko Antzerki-Liburuen 2012ko Azokan

2012/10/04

Euskal Herriak eta euskarak presentzia izango dute aste honetan Mexiko Hiriko Centro Cultural del Bosque delakoan egiten ari diren Antzerki-Liburuen 2012ko Azokan. ArtezBlai euskal argitaletxeak eta Yorick liburudendak elkarrekin ezarri dituzten bi standetan euskarazko zein gaztelaniazko testuak aurki daitezke eta datorren igandean bi euskal testuren irakurketa antzeztua egingo da, euskaraz bata, Aizpea Goenagarena, eta gaztelaniaz bestea, Goenaga bezala idazle eta antzezle donostiarra den Teresa Calorena, Mexikoko Euskadiren Bulegoaren eta Etxepare Institutuaren sostenguaz.

Gehiago Irakurri…

Kulunka Teatrok "André & Dorine" antzezlana aurkeztuko du bihar Los Angelesen; 13tik aurrera, New Yorken

Kulunka Teatrok "André & Dorine" antzezlana aurkeztuko du bihar Los Angelesen; 13tik aurrera, New Yorken

2012/09/06

Kulunka Teatro talde gipuzkoarra AEBetan da azken asteetan eta arrakastatsu aurkeztu du "André & Dorine" lana Baltimoren eta Alburquerquen. Bihar konpainiak Los Angelesen hasiko ditu emanaldiak (irailaren 7, 8 y 9an) eta hilaren 13tik aurrera beste lau antzezpen eskainiko ditu New Yorken. Alzheimerrari buruzkoa, "André & Dorine" maskarekin antzezten dute lana hiru aktorek, hitzik gabe. Gaia gogorra izanik ere, sentsibilitate eta umorez gainezka aurkezten du taldeak, eta harrera oso ona izan du munduan zehar. Garbiñe Insausti aktoreakin hitz egin du EuskalKultura.com-ek, Los Angeleserako bidean.

Gehiago Irakurri…

Diasporak zuzenean eta internetez segitu ahal izango du larunbatean Hazparneko Mendiague pastorala

Diasporak zuzenean eta internetez segitu ahal izango du larunbatean Hazparneko Mendiague pastorala

2012/09/04

Arrokiaga Herri zuberotarrak 'José Mendiague' pastoralaren hirugarren eta azken emanaldi bat taularatuko du datorren larunbatean, Hazparnen, Zuberoatik kanpo, beraz, Mendiague hazi zen herri lapurtarrean. Euskal Herrian direnek izango dute bertara biltzeko aukera. Diasporari lotua den obra denez, ordea, antolatzaileek ahalegin berezia egin dute Diasporara ere hel dadin, eta asteburuko emanaldiaren irudiak eman eta internetez zabalduko dira, mundu osotik ikus ahal izan ditzaten, larunbat arratsaldetik hasi eta baita igandean ere. Honekin, erraztasuna eman nahi izan dute, euskal etxeetako euskara ikasleek eta talde euskaltzaleek taldeka bildu eta Mendiague eta pastoralaren inguruan bildu ahal izan ditezen, solasa ere sortuz gai hauei buruz.

Gehiago Irakurri…

Mendiague pastorala Arrokiagan galdu zutenek azken aukera bat izango dute irailaren 8an Hazparnen ikusteko

Mendiague pastorala Arrokiagan galdu zutenek azken aukera bat izango dute irailaren 8an Hazparnen ikusteko

Diasporako bizitza euskaltzalean goi-mailako ekile eta eragile izan zen Jose Mendiague-ri buruzko pastorala, uztailaren 29an eta abuztuaren 5ean Arrokiaga herriak Zuberoan emandakoan galdu bazenuen, zorteko kontsidera zaitezke Jainkoek azken aukera bat eskainiko baitizute irailaren 8an Hazparnen, Hazparneko herriak bertako biztanle eta herritar izan zuen seme kuttuna ohoratzeko antolatu dituen omenaldi ekintzen baitan. Arrokiagako jokolariak, hazpandarren eskariz, salbuespena egin eta pastoralaren emanaldi berezia taularatuko dute Manexerrian, ohi diren meza, kabalkada eta abarrez, aurretik zein ondotik erakusketa bat, Johaño Bordaxarren hitzaldia eta eskoletan Mendiague eta bertsolaritzari buruzko ekitaldiak programatu direlarik.

Gehiago Irakurri…

Kulunka Teatroren André & Dorine-k arrakastatsu darrai: orain Panama, gero Turkia, Errusia, AEB...

Kulunka Teatroren André & Dorine-k arrakastatsu darrai: orain Panama, gero Turkia, Errusia, AEB...

2012/03/12

Martxoaren 22tik 25era Panaman egingo den Arte Eszenikoen 5. Nazioarteko Jaialdian izango da Kulunku Teatro konpainia gipuzkoarra "André & Dorine" antzezlan arrakastatsua aurkezten. Alzheimer-ari eta maitasunari buruzko hausnarketa hunkigarria da lana eta hitzik gabe antzezten dute aktoreek, maskarak jantzita. "Hitzik ez dugu erabiltzen eta, paradoxikoki, horrek lana edonon ulergarri izatea dakar; Kuban zein Nepalen", azaldu dio EuskalKultura.com-i Kulunkako Garbiñe Insausti aktoreak. Azken urtean gelditu gabe ibili da taldea nazioartean eta, antza, horrelaxe segituko du aurten ere: Panamaren ostean Turkia, Errusia, Finlandia, Norvegia, AEB, Txina... etorriko dira.

Gehiago Irakurri…

'Que par che' antzerki konpainiak Argentinako 9 euskal etxeko bira egin du, hainbat tailer eta funtzio emanez

'Que par che' antzerki konpainiak Argentinako 9 euskal etxeko bira egin du, hainbat tailer eta funtzio emanez

2011/12/14

'Que par che' antzerki konpainia 2008an jaio zen, Maite Guevara euskaldunaren eta Mariano Di Franco argentinarraren eskutik. Antzezlan eta pedagogia nahasten ditu bikoteak bere ikuskizun eta tailerretan, eta proposamen honekin Euskal Herri bertako, Espainiako eta Argentinako antzoki zirkuituetan aritu da urte hauetan. Joan den urrian, eta Eusko Jaurlaritzak Bira Kulturalak egiteko eskaintzen duen diru-laguntzak medio, Argentinara bueltatu ziren gazteak, Buenos Aires probintziako bederatzi euskal etxetan “Los Pardos” eta “Soltarlo al aire” antzezlanak eta Barreterapia eta Clown tailerrak aurkeztera. “Biraren balantzea ona baino hobea da. Euskal etxeetako jendea ez ezik, ikuskizunak ikustera edo tailerretan parte hartzera hurbildu diren lagun guztiak ere oso pozik agertu dira gure lanarekin”, adierazi dio Maite Guevarak EuskalKultura.com-i, ibilbidea bukatzean.

Gehiago Irakurri…

Joxemari Carrere ipuin kontalaria Kolonbian da Bogotako 'Quiero Cuento' 2011 jaialdian parte hartzen

Joxemari Carrere ipuin kontalaria Kolonbian da Bogotako 'Quiero Cuento' 2011 jaialdian parte hartzen

2011/10/04

Hilaren hasieratik eta datorren larunbata arte Bogotan da Joxemari Carrere ipuin kontalari gipuzkoarra, 'Quiero Cuento' izeneko jaialdian parte hartzeko. Jaialdiaren hamaikagarren edizioa da aurtengoa eta bertan Kolonbiako, Mexikoko, Estatu Batuetako eta Costa Ricako narratzaileekin batera ariko da Carrere. 'Todo lo que se nombra existe. Los vascos en el País de las Maravillas' izenburupean, euskal kultura eta ipuinak dakartza Karrerek Karibeko herrialdera.

Gehiago Irakurri…

Euskal antzezlan bat protagonista Bogotan, Isiltasuneko Sortzaileen 7. Topaketan

Euskal antzezlan bat protagonista Bogotan, Isiltasuneko Sortzaileen 7. Topaketan

2011/09/22

Arrakastaz arrakasta darrai nazioartean 'Kulunka Teatro' euskal antzerki konpainia, 'André y Dorine' antzezlanarekin. Kolonbian txalo zaparrada jaso zuen iragan urrian, Manizaleseko jaialdian izan zenean. Alzheimer-ari buruzko lan honek ez du dialogorik, baina edonon uler daitekeen hausnarketa egiten du gaisotasunari buruz, eta harrera beroa izan du Madrilen, Kathmandu-n, Itsaso Beltzean, Santo Domingon, eta azken bira honetan Ekuadorren, Argentinan eta Kolonbian. Bihar eta etzi Bogotan izango da ikusgai, Isiltasuneko Sortzaileen 7. Topaketan. Euskal Herria da aurten topaketaren ohorezko gonbidatua.

Gehiago Irakurri…


bisita