Urkullu lehendakariak Reno oinarri duen USAC partzuergoko ehun bat ikasle hartu ditu Gasteizen

Urkullu lehendakariak Reno oinarri duen USAC partzuergoko ehun bat ikasle hartu ditu Gasteizen

2014/02/03

Iñigo Urkullu lehendakariak duela hiru hamarkadatik gora Euskal Herrira urtero ikasle estatubatuarrak ekartzen dituen USAC unibertsitate-partzuergoko ia ehun unibertsitari jaso zituen joan den ostiralean Gasteizen Lehendakaritzan, erakunde horretako Carmelo Urza irakasle euskal-amerikarra buru. Egun Estatu Batuetako hainbat estatutan presentzia duen USAC-ek Nevadako Renon dauzka bulego nagusiak, eta euskal jatorria duen erakundea da. 1.983an sortu zenetik hona, 7.250 bat ikasle etorri dira ikastera Euskal Herrira USACek eta EHUk indarrean daukaten ituna medio.

Gehiago Irakurri…

Isidro Legarreta eta Roberto Lejarreta euskal argentinarrekiko elkarrizketak sarean irakur daitezke

Isidro Legarreta eta Roberto Lejarreta euskal argentinarrekiko elkarrizketak sarean irakur daitezke

2014/01/29

Bata Euskal Herrian jaioa eta ondoren argentinaratua, bestea Argentinan jaio, eta Gernikara etorria, haurra zela bonbardaketaren lekuko izateko eta ondoren Argentinara itzulia, emigrazioaren fenomenoa eta Argentinako Euskal Herriaren egia barne-barnetik ezagutzen dute Félix Isidro Legarretak eta Roberto Luis Lejarretak. Biekin izandako elkarrizketak sarean ipini zituen iaz Buenos Aires probintzia erdialdeko UNICEN unibertsitateak bere webgunean. Diasporako beste bi lekukotasun.

Gehiago Irakurri…

Argazkilari gasteiztar bat desagertu da Kolonbian; euskal ordezkaritza bat bisitari dabil egunotan herrialdean

Argazkilari gasteiztar bat desagertu da Kolonbian; euskal ordezkaritza bat bisitari dabil egunotan herrialdean

2014/01/27

34 urteko argazkilari gasteiztar bat desagertuta dago urtarrilaren 7-8 arteko gauetik Kolonbian. Mexikon bizi zen emaztearekin eta joan den azaroan sartu zen Kolonbian. Lo egiten zuen ostatuan, La Guajiran, agertu dira bere arropa, kamarak, ordenagailua, dokumentuak eta dirua. Poliziak ez du hipotesiarik baztertzen baina hasieran hipotesi nagusia zen itsasoak eraman izana izatea indarra ari omen da galtzen. Bestalde, aste honetan bisitari ari da euskal ordezkaritza bat, giza eskubideen alde lan egiteagatik mehatxatu eta jazarriak izateagatik Euskadin babesturik egon ziren eta egun Kolonbiara itzuli diren pertsonen egoera aztertzeko. Argazkilari gasteiztarraz interesatuko direla agindu dute.

Gehiago Irakurri…

Iban Zaldua idazleak euskeraz idazteari buruz hausnarketa egin du Alemanian

Iban Zaldua idazleak euskeraz idazteari buruz hausnarketa egin du Alemanian

2014/01/24

"Ese idioma raro y poderoso" saiakera aurkeztu du aste honetan Iban Zaldua idazleak Alemanian, Etxepare Euskal Institutuak lagunduta, eta bere hitzaldiek harrera beroa izan dute. Frankfurteko Goethe Unibertsitatean izan zen hizlari aurrena Zaldua, eta ondoren bi solasaldi eskaini zituen Marburg hiriko unibertsitatean.

Gehiago Irakurri…

Oxford Unibertsitateko Forum of Iberian Studies-en parte hartzeko lanak bidaltzeko epea irekita

Oxford Unibertsitateko Forum of Iberian Studies-en parte hartzeko lanak bidaltzeko epea irekita

Oxfordeko Unibertsitateak Iberiar ikasketen 16. edizioa beteko du datorren martxoan eta bigarrengoz euskarak leku berezia izango du bertan, Etxepare Euskal Institutuaren laguntzari esker. Antolakuntzak gonbitea luzatu die txostena aurkeztu nahi duten hizkuntzalari eta adituei, euren proposamenak bidal ditzaten hil honetako 31 baino lehen. Aurtengo gaia “Kultur eta hizkuntz aniztasuna Iberiar Penintsulan" izango da.

Gehiago Irakurri…

Juan Itcea lehendakari ber hautatu dute Rodriguezko Eusko Aterpean; Raul Taretto, lehendakariorde

Juan Itcea lehendakari ber hautatu dute Rodriguezko Eusko Aterpean; Raul Taretto, lehendakariorde

2014/01/22

Buenos Aires probintziako General Rodriguez herriko Eusko Aterpea Euskal Etxeak, euskal argentinar elkarte hau datozen bi urteotan gidatuko duten hautetsien zerrenda plazaratu berria du eta, adierazi duenez, Juan Itcea eta Raul Tarettok segituko dute agintaldi berrian lehendakari eta lehendakariorde, hurrenez hurren. Hautatutako zerrenda, bakarra izan zen aurkezten eta abenduaren 21ean aldarrikatu zituzten kargu berrietarako, estatutuek agindu bezala martxoaren 31ean karguratuko direlarik.

Gehiago Irakurri…

Lehendakariak mezua zuzendu dio Diasporari, "munduan zehar dagoen euskal familia"ren balioa goretsiz

Lehendakariak mezua zuzendu dio Diasporari, "munduan zehar dagoen euskal familia"ren balioa goretsiz

2013/12/23

Iñigo Urkullu lehendakariak gabon-mezua zuzendu dio Diasporari, kargu honetan eman duen lehenengo urte honetako Gaztemundu eta Global Training proiektuak aipatu ondoren "gazte espiritu hori eta balore horiek" azpimarratzeko, "munduan zehar dagoen euskal familia" goretsiz eta komunitate bereko partaide aitortuz Euskadin zein Euskaditik kanpo bizi diren euskaldunen multzoa. Lehendakariak Jaurlaritzaren "konpromiso sendoa" berresten du "euskal komunitate osoarekiko harreman sareari" lagundu eta "gure Herriaren barne taupada partekatzen" jarraitzeko, Euskadi / Basque Country marka ezagutarazi eta aintzaesteko bidean.

Gehiago Irakurri…

Karmele Jaiok euskal literatura zabaldu du Mexiko DFn eta Guadalajaran, Etxepareren sostenguarekin

Karmele Jaiok euskal literatura zabaldu du Mexiko DFn eta Guadalajaran, Etxepareren sostenguarekin

2013/12/13

Astebeteko bira egin berri du Karmele Jaio idazleak Mexikon, Etxepare Euskal Institutuak gonbidatuta, herrialde honetan euskal literatura zabaltzeko eta ezagutzera emateko helburuarekin. Horren baitan, Guadalajarako Nazioarteko Liburu Azokan eta Mexiko Hirian hainbat irakurraldi, literatur topaketa eta ekimenetan parte hartu dute idazleak eta Etxepareko Euskararen Sustapenerako zuzendari Mari Jose Olaziregik.

Gehiago Irakurri…

Karmele Jaio idazlea Guadalajarako Liburu Azokan da  gaurtik aurrera, Etxepare Institutuaren sostenguarekin

Karmele Jaio idazlea Guadalajarako Liburu Azokan da gaurtik aurrera, Etxepare Institutuaren sostenguarekin

2013/12/05

Etxepare Euskal Institutuak jakinarazi duenez, euskal literatura aurten ere Guadalajarako Nazioarteko Liburu Azokan izango da eta euskal editoreek standa jarri dute ferian. Gaurtik hasita, bertan ari dira sustapen lanetan Etxepareko Euskara zuzendari Mari Jose Olaziregi eta Karmele Jaio idazlea. Abenduaren 9tik aurrera Mexiko DFn izango da Jaio eta han hitzaldiak eskainiko ditu UNAM unibertsitatean eta Centro de Creación Literaria Xavier Villaurrutia kultur gunean, besteak beste.

Gehiago Irakurri…

Buenos Airesko Euskaltzaleak-entzat izan da 2013ko Euskararen Nazioarteko Eguneko (ENE) Saria

Buenos Airesko Euskaltzaleak-entzat izan da 2013ko Euskararen Nazioarteko Eguneko (ENE) Saria

Buenos Airesen 1944tik hona euskara bere ekinbideen ardatz izanik lanean gogor ari den Euskaltzaleak elkartea (euskaltegi eta gau-eskolatzat ere definitzen du bere burua) izan da Euskararen Nazioarteko Eguna kari Eusko Ikaskuntzak urtero banatzen duen ENE Sariaren 2013ko jasotzailea. Aurtengo saridunaren izena atzo adierazi zuen erakunde deitzaileak eta oso ondo jasoa izan da Diasporako mundu euskaltzalean. Bistan denez, Euskaltzaleak elkartean ere bozkarioz hartu dute eta datorren larunbatean bestela ere ENE ospatzeko antolatuta zeukaten topaketa eta festan ospatuko dute, ezpainetan satisfazio irribarre handiagoz hain segur. Zorionak, Euskaltzaleak!

Gehiago Irakurri… [ 6 erantzun ]


bisita