Txileko Colectividad Vasca euskal etxeak kantari eta Pintxo Lehiaketa eratuz ospatu du bere 7. urteurrena

Txileko Colectividad Vasca euskal etxeak kantari eta Pintxo Lehiaketa eratuz ospatu du bere 7. urteurrena

2014/06/25

Colectividad Vasca de Chile izeneko euskal etxeak joan den igandean ospatu du bere 7. urteurrena, ospatu ere egoitza duen Las Condes-ko Estadio Español erakundean, bertako Reyes Catolicos aretoan egindako Pintxo Lehiaketa medio. "Pintxo apartak dastatu ditugu eta musika tradizionala, dantzak eta poz handia partekatu dugu, Txileko Colectividad Vascako bazkide eta lagun asko partaide", adierazi dio EuskalKultura.com-i elkarteko presidente Rossana Arza Pizarrok.

Gehiago Irakurri…

Lumila Tellechea, Frank Servat eta Gustavo Irazabal saridun Lapridako Euskal Etxearen 11. Lehiaketan

Lumila Tellechea, Frank Servat eta Gustavo Irazabal saridun Lapridako Euskal Etxearen 11. Lehiaketan

2014/06/25

Lapridako Lagunen Etxea Euskal Etxeak, Buenos Airesko probintzia argentinarrean, joan den igandean eginiko ekitaldian egin zuen zozketa, bere 11. Lehiaketako sariak --zortzi liburu, beste hainbeste irabazlerentzat-- nori banatu erabakitzeko. Izan ere, 226 pertsonak zuzen erantzun dute galdetegia, horietarik 153 haurrak, 42 gazteak eta 31 helduak. Sarituen artean, Lumila Tellechea, Frank Servat eta Gustavo Irazabal, besteak beste.

Gehiago Irakurri…

Izarren argipean ikusi zen New Yorken "Emak Bakia" pelikula, Brooklyngo Rooftop Films jaialdian

Izarren argipean ikusi zen New Yorken "Emak Bakia" pelikula, Brooklyngo Rooftop Films jaialdian

2014/06/19

Iragan igandean Oskar Alegria zuzendariaren "Emak Bakia Etxea" ikusgai izan zen Brooklyngo "Rooftop Films" zine sailaren baitan. Emanaldia berezia izan zen oso, eraikin baten teilatuko zabaltzan, izarren argipean. Ikusle asko bildu zituen dokumentalak, nahiz eta, eguraldi txarra medio, emanaldia ostiraletik igandera atzeratu behar izan zen. New Yorkeko euskaldun talde bat ere bertaratu zen, Oskar Alegria zuzendariak EuskalKultura.com-i agertu dionez. "Baina beti gertatzen da honela, egon naizen leku ia guztietan beti agertu da euskaldun talde bat: Vancouverren, Shanghain, Tetuanen edo Telluriden...", azaldu du zinemagile iruinsemeak.

Gehiago Irakurri…

Bere 18. urtebetetzearen astean filma bat proiektatuko du bihar Gral. Rocako Gure Etxea elkarteak

Bere 18. urtebetetzearen astean filma bat proiektatuko du bihar Gral. Rocako Gure Etxea elkarteak

2014/06/19

Ekitaldia gaueko 9etan hasiko da eta estreinatuko den filma, arrakasta handia izaten ari den Emilio Martinez-Lazaro zuzendariaren ‘Ocho Apellidos Vascos’ (Zortzi euskal abizen) pelikula. Emanaldiaren baitan, hotzari aurre egiteko oso afari aproposa eskainiko dute Rio Negro probintziako Gure Etxea-ko lagunek, neguko solstizioaren bezperan. Sarrerak 100 peso balio ditu eta instituzioaren egoitzan bertan erosi ahal izango da.

Gehiago Irakurri…

Zuzendaritza berritu du Argentinan Gure Ametza Euskal Etxeak: Sergio Ramon Eguiazu, lehendakari

Zuzendaritza berritu du Argentinan Gure Ametza Euskal Etxeak: Sergio Ramon Eguiazu, lehendakari

2014/06/16

Ohiko Batzar Nagusia egin zuen joan den ostegunean Cordobako Rio Cuarton bertako Gure Ametza Euskal Etxeak, Zuzendaritza berritzeko bozkak barne eta, ondorioz, agintealdi berri honetan Sergio Ramon Eguiazu da lehendakari, besteak beste lagun dituela batzordean Edurne Bilbao, lehendakariorde; Manuel Ignacio Campoamor, idazkari; José Irazoqui, idazkariorde; Elba Regina Viano, duruzain; eta Eduardo David Aguirre, diruzainorde.

Gehiago Irakurri…

Zeledonen jaitsiera barrutik bizi nahi duzu? Gasteizko blusa talde batek Diasporako kideak gonbidatu ditu

Zeledonen jaitsiera barrutik bizi nahi duzu? Gasteizko blusa talde batek Diasporako kideak gonbidatu ditu

2014/06/13

Andre Mari Zuriaren jaietako giro aparta bertakoek bezala bizi nahi baduzu, aurten Gasteizko Margolariak kultur elkarteak gonbite berezia luzatu die Diasporako lagunei: blusa kuadrila honekin batera euskal jaietan murgildu eta gozatzeko aukera. Koadrila hau 2013an sortu zen eta gaur egun 200 kide inguru ditu. Aurtengo festak abuztuaren 4tik (astelehena) 9ra (larunbata) izango dira. Animatzen direnek arropa eta koadrilaren bazkari eta afarien kostua baino ez dute ordaindu beharko, bertakoek egiten duten bezala.

Gehiago Irakurri…

Berri buletinaren 15. edizioarekin batera San Fermin bazkaria iragarri du Chascomuseko euskal etxeak

Berri buletinaren 15. edizioarekin batera San Fermin bazkaria iragarri du Chascomuseko euskal etxeak

2014/06/13

Euskal etxean edota euskal etxearen partaidetzarekin burutu diren hainbat ekintzen berri dakar Chascomuseko Zingirako Euskaldunak-ek kaleratutako azken berri buletinak. Eta gauzatutakoekin batera, hurrengoak ere iragartzen ditu buletin digitalak: bihar elkarte barruko Mus Txapelketaren hirugarren saioa burutuko da; ekainaren 23an, berriz, Sukaldaritza Tailerraren beste elkarretaratze bat. Data hauetaz gain, beste gonbite bat ere luzatzen dute chascomustarrek: uztailaren 6an Sanferminak ospatuko dituzte bazkari batekin Marcha elkartearen instalazioetan.

Gehiago Irakurri…

Ekin Dantza Taldeak ordezkaturik euskal gizataldeak ere parte hartu du Buenos Airesko Folk Open Air Jaian

Ekin Dantza Taldeak ordezkaturik euskal gizataldeak ere parte hartu du Buenos Airesko Folk Open Air Jaian

2014/06/11

Argentinako hiriburuak kolektibitateen alde burutzen dituen ekimenen artean dago Buenos Airesko Folk Open Air Jaia. Berezitasun du, ordea, Europako hainbat herritako folk musika eta dantzak direla festaren protagonista nagusi. Iaz bezala aurtengo edizioan euskal dantzariek ere partekatu zuten agertokia Europa Iparraldeko herrien ordezkariekin. Aitor Alavak zuzenduta, Lizarraenea-ko Ekin Dantzari Taldeak tauletan eta baita kalean ere hainbat koreografia dantzatu zituen Avellaneda Parkean.

Gehiago Irakurri…

18 urte zituela, istripuz hil da Nevadan Josh Rose, NABOko Udalekuetako partaide ohia

18 urte zituela, istripuz hil da Nevadan Josh Rose, NABOko Udalekuetako partaide ohia

2014/06/10

Berriro ere heldu zaigu albiste lazgarria, Estatu Batuetako NABO Udalekuetan partaide izandako gaztetxo bat hil baita azken egunotan, istripuz, 18 urte besterik ez zituela. Ezaguna zen AEBetako euskal komunitateetako hainbat gazteen artean, Udalekun ibilitakoa eta lagunak egindakoa baitzen, bere ama Winnemucca-ko Andree Bidart Rose izanik.

Gehiago Irakurri… [ Erantzun bat ]

Txileko 'Colectividad Vasca' euskal etxeko korala Antofagastan; elkarteak liburu bat aurkeztu du

Txileko 'Colectividad Vasca' euskal etxeko korala Antofagastan; elkarteak liburu bat aurkeztu du

2014/06/10

Txileko Colectividad Vasca edo Euskal Gizataldea izeneko euskal etxea azken boladan gauzatu dituen ekimenetako biren berri emanez datorkigu: ekainaren 1ean bere baitango abesbatza Antofagastara joan zen, bertako Centro Español-en 105. urteurrenean kantatzera. Bi aste lehenago, berriz, euskal etxe berak 'Voces entrecruzadas' liburuaren aurkezpenean hartu zuen parte, 1973tik Bilbo eta Gorlitzen bizi izan den Lucy Sepulveda idazle txiletarraren antologia poetikoa.

Gehiago Irakurri…


bisita