FIVU lehendakari Enrique Poittevin, Elizabeth Ascurrein orde, Lucia Goñi idazkari eta Julian Ariztia diruzain

FIVU lehendakari Enrique Poittevin, Elizabeth Ascurrein orde, Lucia Goñi idazkari eta Julian Ariztia diruzain

2014/08/01

Zuzendaritza Batzordea berritu du FIVUk, Euskal-Uruguaitar Elkarteen Federazioak. Araudiaren araberako hauteskundeen ostean, Enrique Poittevin Gilmet-ek txanda hartu dio lehendakaritzan Miguel Asquetari. Zuzendari Batzorde berriko kide dira baita ere Elizabeth Ascurrein, lehendakariorde; Lucía Goñi, idazkari; eta Julian Ariztia, diruzain. Zorte ona opa diegu hautetsi berriei euren zeregin berrian eta mila esker esaten orain artekoei egindako lanagatik.

Gehiago Irakurri…

AEBetako ordezkaritzan lanpostu eskaintza eta albiste gehiago, "Basques" buletinaren uztaileko alean

AEBetako ordezkaritzan lanpostu eskaintza eta albiste gehiago, "Basques" buletinaren uztaileko alean

"Basques" buletinaren ale berria argitaratu du Euskadiko ordezkaritzak AEBetan eta bertan, beste hainbat albisteen artean, lan eskaintza bat aurkitu dugu: ordezkaritza "market analyst" edo merkatu ikerlari baten bila ari da, NYeko egoitzan lan egiteko. Soldata urtean 60.000 dolarrekoa izango da eta, besteak beste, AEBetan lan egiteko baimena izan behar dute hautagaiek. Horrez gain, beste berri andana dakartza ingelesezko albistariak. Jarraian, laburpentxo bat eta lanpostuari buruzko argibide gehiago.

Gehiago Irakurri…

Valerie Arrechea: "Ez da kointzidentzia dantza, musika eta kantua Diasporan hain indartsu landu eta gorde izana"

Valerie Arrechea: "Ez da kointzidentzia dantza, musika eta kantua Diasporan hain indartsu landu eta gorde izana"

2014/07/31

Valerie Etcharren Arrechea Diasporako belaunaldi berrietako parte da, eta parte aktiboa gainera. San Frantziskon jaioa, bere aita immigrante baxenabartarrak sortu enpresa kudeatzen du gaur egun eta nekazari interesak ere baditu Kalifornia iparraldean. Valerie herritar estatubatuar modernoa da, bere bizitzaren bi zutabeak Atlantikoaren bi aldeetan dituela, hurrenez hurren, Kalifornian eta Euskal Herrian.

Gehiago Irakurri…

Agenda kulturala hobetzera bideratu nahi ditu Coloradoko Euskal Etxeak aurtengo jaialdiko diru sarrerak

Agenda kulturala hobetzera bideratu nahi ditu Coloradoko Euskal Etxeak aurtengo jaialdiko diru sarrerak

2014/07/31

Abuztuaren 10ean ospatuko du Coloradoko Euskal Etxeak aurtengo jaia eta Mayi Petracek-ek, klubeko presidenteak, Euskalkultura.com-i esan legez, bertan lortutako baliabideak agenda kulturala aberastera bideratu nahi dituzte. Duela 11 urte sortu zuten kluba, estatuko euskal etxe bakarra. 33 kiderekin NABOko klub txikienetakoa en honek, federazioak eta gainontzeko euskal etxeek antolatzen dituzten ekintza kulturaletan partaideago izan nahi luke: “Baliabideak bideratu nahi ditugu NABOrekin eta ondoko euskal etxeekin indarrak batu eta Euskal Herritik hizlari zein musikariak ekartzerako”, adierazi du Petracek-ek.

Gehiago Irakurri…

Einer Rodriguez argazkilariak Euskal Herriko paisaiak erakutsiko ditu Peruko Trujillon abuztu eta irailean

Einer Rodriguez argazkilariak Euskal Herriko paisaiak erakutsiko ditu Peruko Trujillon abuztu eta irailean

2014/07/30

Tamaina handiko 28 argazkitan Euskal Herriko toki eta paisaiak jaso ditu Einer Rodriguez argazkilari peruarrak. Azken 12 urtetan Eibarren bizi izan da Einer eta orain Euskal Herriko zatitxo hori bere sorterrian erakutsiko du, Peruko Trujillo hirian. Erakusketa abuztuaren 15ean irekiko da eta irailaren 15a arte izango da ikusgai BBVA Continental Fundazioaren egoitzan. Euskal Herriko paisaietan murgiltzeko aukera paregabea izango da Peruko euskal komunitatearentzat.

Gehiago Irakurri…

Zea Mays-ekin jo nahi al duzu Bartzelonan? Parte hartu Euskal Herria Sona jaialdiaren lehiaketan!

Zea Mays-ekin jo nahi al duzu Bartzelonan? Parte hartu Euskal Herria Sona jaialdiaren lehiaketan!

Bartzelonako Euskal Etxeak EH Sona musika jaialdiaren baitan lehiaketa antolatu du hirugarren urtez jarraian eta deialdia egin die Euskal Herriko musika taldeei bertan parte hartzeko. Abestiak aurkezteko epea datorren irailaren 28a arte egongo da irekita. Saria honakoa da: jaialdiaren barnean kontzertu bat eskaintzea Bartzelonan, Razzmatazz aretoan Zea Mays talde ezagunarekin batera. Kontzertua azaroaren 21ean izango da.

Gehiago Irakurri…

Silvia Iriondo kantari argentinarra Necocheako Euzko Etxeko San Inazio jaietan arituko da gaur gauean

Silvia Iriondo kantari argentinarra Necocheako Euzko Etxeko San Inazio jaietan arituko da gaur gauean

Necocheako Euzko Etxeak urtero San Inazio dela-eta antolatzen duen jai egitarau aberatseko parte arituko da gaur gauean kantari Buenos Aires probintzia kostaldeko herri honetan Silvia Iriondo folk kantari argentinar ezaguna. Hiriburu federalean jaioa, Silvia Iriondo bere aiton-amona euskaldunen hizkuntza eta kantarekiko amodioa lagun hazi zen eta herentzia horrekin folklore argentinarraren bidea ibiltzeari ekin zion, bertako jatorriko herrien kulturekin lotuetako kantuetatik kantariak berak sortutako piezetaraino, guztiek osatzen baitute bere errepertorioa. Mar de Noticias webetik egokitu dugu artikulu hau.

Gehiago Irakurri…

Salaberry Goyenechea apezpikuak Lagun Onak EEren zaindari den San Inazio tronuratuko du bihar

Salaberry Goyenechea apezpikuak Lagun Onak EEren zaindari den San Inazio tronuratuko du bihar

2014/07/25

Buenos Aires probintzia argentinarreko Laprida herrian, bertako Lagunen Etxea euskal etxeak deia luzatu die bazkide eta lagunei San Inazio dela-eta antolatu duen egitarauan parte har dezaten. Ekitaldiak bihar bertan hasiko dira, EEko zaindari den San Inazioren estatua bat tronuratuko baitu bertako apezpiku den Hugo Salaberry Goyeneche josulagunak. Uztailaren 31ean ere meza emango da eta beste zenbait ekitaldi, Lagunen Etxeak 25 urte betetzen dituen urteko programako parte.

Gehiago Irakurri…

Uholdeengatik bertan behera gelditu ostean, "Barbau Hamalau" ikuskizuna bueltan da aste honetan Xiberoan

Uholdeengatik bertan behera gelditu ostean, "Barbau Hamalau" ikuskizuna bueltan da aste honetan Xiberoan

Asteazken eta ostegunean ikusgai izango da Ozazen "Barbau hamalau", pastolara eta maskarada berritzen dituen ikuskizuna. Hebentik kolektiboak antolatu du ikusgarria, Dominika Rekalten gidoiarekin, dantza, kanta eta antzerkia nahasturik. Ikuskizunaren estreinaldia bertan behera gelditu zen iragan uztailaren 4an eta 5ean, Zuberoan izan ziren uholdeak direla eta. Antolatzaileek ez dute amore eman nahi izan eta berriz ere ikusgai izango da lana aste honetan.

Gehiago Irakurri…

Aitor Alava: "500 bat euskal dantza ikasle dauzkat Lavallol-en eta beste 75 bat Buenos Aires hirian"

Aitor Alava: "500 bat euskal dantza ikasle dauzkat Lavallol-en eta beste 75 bat Buenos Aires hirian"

Arabako Zuhatzan jaioa, Aitor Alavak 41 urte dauzka eta horietarik azkeneko hamarretan Buenos Airesen bizi izan da. Hiri horretako euskara irakasle baten bikote, Maialen neskatilaren aita ere bada. Aitorrek euskal dantzak irakastea dauka ogibide Buenos Airesen eta, azken urteotan, baita tangoa eta argentinar folklorea ere, tangoaren hiriburuan. Laketua da Argentinan eta bertako indarra eta dinamismoa dauzka gustuko.

Gehiago Irakurri…


bisita