euskalkultura.eus

Sao Paulo, Brasil. "Pintxo-potea" (poteo berezi bat, alegia basoerdi edo zerbait-edate jira bat zenbait tabernatan, non edariarekin batera pintxo bat ere jaten den, biak elkarrekin prezio beheititu berezi batean eskainia) Euskal Herrian ezezik, Diasporan ere hasi omen da bere bidea zabaltzen. Hala pentsa daiteke, behintzat, Sao Paulotik datorkigun azken deialdi hau ikusita.

"Pintxo-pote" brasildar hau pasa den ekainaren 20an egin zen Almodovar izeneko jatetxean, Sao Paulon, eta bertara euskal enpresari edo enpresa-langile talde polita bildu zen --Sao Paulon SPRIko zuzendari den Paulo Abasolok deiturik-- Eusko-Brasildar Etxeko zenbait lagunez lagunduta. 

Behar da esan, deituta zeudenetako asko bidean geratu zirela edo arazoz heldu zirela hiria protesta-egoerak hartuta baitzegoen, 2014ko Futbol Mundu-Kopagatik protestaka, politikoen hustelkeria, garraio publikoaren prezio-egoera eta herrialdea bizitzen ari den beste hainbat egoera salatzeko", esan dio EuskalKultura.com-i Oskar Goitiz Eusko-Brasildar Etxeko lehendakariak.

Heldu ahal izan zutenek, ordea, ekimen berritzaile honetaz gozatu ahal izan zuten, eta bigarren baterako deia ere zabaldu zuten, arrakasta ikusita. Sanfermin garaian egitekoa zen, baina protesta-egoerak ez du oraindik egitea ahalbidetu. Deiari adi egoteko gaztigatu du Oskar Goitiak.