euskalkultura.eus

euskal diaspora eta kultura

Albisteak rss

Santa Fe-ko Gizataldeen Elkarteak, tartean Euskal Etxeak, elkartasuna adierazi dio herri japoniarrari

2011/03/25

Carlos Lalisu zuzendu zitzaien Santa Feko Espainia Plazan bildutakiei, bertako japoniar gizataldeko kide gisa eskerrak emanez elkartasunarengatik
Carlos Lalisu zuzendu zitzaien Santa Feko Espainia Plazan bildutakiei, bertako japoniar gizataldeko kide gisa eskerrak emanez elkartasunarengatik

PUBLIZITATEA

Santa Fe hiri argentinarreko Gure Etxea EEko partaideak esku hartu zuten joan den astean, probintziako hiriburuko Gizataldeen Elkarteak deiturik, eta Buenos Aires hiriburu federalean Argentinako FANA Nikkei Elkarteen Federazioak antolatutako deiarekin bat eginez gauzatutako elkarretaratzean. Bildutakoek, Espainia Plazan baturik, Santa Fen presentzia daukaten gizataldeen izenean ere hartu zuten parte, nazio bakoitzeko banderariak tarteko, guztia Japoniako herria igarotzen ari den kinka elkartasunez gogoan.

Santa Fe, Argentina. Elkartasun ekitaldia joan den asteko ostiralean egin zen Santa Feko Espainian Plazan, bertako Tokyo tabernaren aurrean, honek sinbolikoki duen esangurarekin, eta bertara, hainbat herritarrekin batera, Santa Fen antolatuta dauden kanpoko gizataldeetako hainbat ordezkari ere bildu ziren.

Bildutakoek  euren "gizarte japoniarrekiko elkartasuna hain kinka larrian" nahi izan zuten agertu, eta bat egin zuten, honi dagokionez, Argentinako FANA Nikkei Elkarteen Federazioak Buenos Aires hiriburuko Obeliskoan egindako deiarekin. Santa Feko ekitaldia bertako Gizataldeen Elkarteak deitu zuen, kide dituen gizataldeek bakoitzak bere kideei parte hartzeko gonbitea egin ziolarik.

Ekitaldian mintzatu ziren Jose Corral, Udal Kontseiluko presidentea eta alkategai ere badena, Cristina Usedo, Gizataldeen Elkarteko lehendakaria den heinean, eta Carlos Kakisu, Santa Feko japoniar gizataldearen izenean. Ondoren, minutu bateko isilunea eskatu zen.

Agintari, auzokide eta gizataldeetako zuzendari eta banderarien artean Santa Feko Gure Etxea Euskal Etxeko zuzendaritza batzordekide eta bazkideak zeuden, elkarteko banderariarekin batera.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia