San Balendin egunean Boiseko euskara ikasleek maitasun gutunak bidali dizkiete munduko ikaskideei

2012/02/20

Boiseko 2011ko Euskararen Eguneko irudian, erdian Itxaso Cayero, Boise State Universityko euskara mintzapraktika irakaslea (argazkia NaboEuskaraz)

PUBLIZITATEA

Santu guztiak ospatzeko asmoz dabiltza antza aurten Boiseko euskara ikasleak eta, aurreko Santa Ageda bezperako kantaldien ostean, San Balendin dela eta ekimen ederra jarri dute abian. Ideia oso xinplea eta deigarria da: ikasleek klasean maitasun gutunak idatzi dituzte --euskaraz, noski-- eta munduko beste euskara ikasleei bidali dizkiete. Datozen egunetan Australiako, Boiseko eta Europako zenbait ikaslek jasoko dituzte eskutitzak. Maitasun-testu hauek guztiek erantzuna jasoko dutela espero dugu, eta agian, aterako da hemendik beste zer kontaturik.

Boise, AEB. San Balendin eguna ospatzeko Boiseko Eukara ikasleek ideia ederra izan dute aurten: irakasleek lagunduta, klasean maitasun gutunak idatzi dituzte azken egunetan, eta, Maiteminduen Egunaren karira, munduko zenbait euskara ikasleei bidali dizkiete.

North American Basque Organizations (NABO) elkarteko Euskara koordinatzaile Izaskun Kortazarrek azaldu duenez, oinarrizko mailako ikasleek Boise State University-ko ikasleei bidali dizkiete, bertatik bertara; eta erdi mailakoek Australiako euskara ikasleei. Goi mailakoek, berriz, Europako hainbat lekuetako ikasleei zuzendu dizkiete: Londres, Erroma, Bartzelona, Euskal Herria...

Boise Maitasun Gutuna 1