euskalkultura.eus

euskal diaspora eta kultura

Albisteak rss

"Ruta 66" taldeko txirrindulariak Chicagora heldu dira, AEB erdia handbikez igaro ostean

2014/05/29

Iñaki Castañeda eta Alfredo Olabegoia txirrindulariak Chicagoko kaleetan (argazkia Ruta66)
Iñaki Castañeda eta Alfredo Olabegoia txirrindulariak Chicagoko kaleetan (argazkia Ruta66)

PUBLIZITATEA

Estatu Batuetan dabiltza egunotan Iñaki Castañeda eta Alfredo Olabegoia kirolariak, Ruta 66 errepide mitikoan barrena, kirol egokitua sustatzeko helburuarekin. Castañeda arlo honetan goi mailako kirolaria da eta txirrinda egokituan, handbike delakoan, ari da egiten bidaia. Txirrindulariak Kaliforniako Santa Monican, Los Angeles inguruan hasi zuten bidaia eta dagoeneko Chicagora heldu dira. Helmuga, New York.

Chicago, AEB. Haizearen Hirian, Chicagon dira dagoeneko Iñaki Castañeda eta Alfredo Olabegoia euskal kirolariak, "Ruta 66" abenturaren erdian: AEBak alderik alde ari dira zeharkatzen, txirrindaz, kirol egokitua sustatzeko asmoz. Castañedak hainbat urte daramatza beteranoen alorrean kirol egokituaren munduan lanean eta marka ikusgarriak eskurttu ditu: Ironman bat, triatloirik gogorrena, amaitzea lortu zuen aurreneko minusbaliotasundun euskal kirolaria izan zen (2009an) eta espainiar estatuko triatloi egokituan marka onena berak du (11h,7’,14”).

Bidelagun du Alfredo Olabegoia, Hawaiiko Iromana amaitu zuen espainiar estatuko aurreneko kirolaria (1988). Olabegoiak orotara 18 Ironman egin ditu eta bidaia honetan laguntzaile, kazetari eta itzultzaile gisa ariko da.

Jarraituiezu sarean

Nahi dutenek bidaia honetan parte har dezakete sare sozialei esker eta eguneko argazkiak eta berriak irakur ditzakete kirolarien Facebook orrian. Hona hemen bidaia honetako "postal" batzuk:

Ruta 66 2014

[Illinois aldean aurkitu zituzten txinatar txirrindulari batzuekin. Iñakik bere iloba Aitorrek Pekinen duen jatetxera joatea gomendatu zien (argazkia Ruta66)]

Ruta 66 2014 Paola's Vinus

[Chicagon kirolariek bertan bizi den bizkaitar bat bisitatu zuen. Orain zazpi urte etorri zen hirira eta Paola's Vinus kafetegia du bertan. "Hitz egin, pintxoak dastatu, gehiago hitz egin... eta konturatu orduko, lau ordu paseak ziren" (argazkia Ruta&66)]

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia