euskalkultura.eus

euskal diaspora eta kultura

Albisteak rss

Pariseko Sorbonne III unibertsitateak euskarari buruzko mintegia hasiko du gaur

2014/04/03

Pariseko Eskual Etxean egin zen bertso afari batean, ezkerretik hasita,Miren Ibarluzea irakurlea Sorbonne III unibertsitatean eta Xan Alkhat eta Miren Amuriza bertsolariak (argazkia PEE
Pariseko Eskual Etxean egin zen bertso afari batean, ezkerretik hasita,Miren Ibarluzea irakurlea Sorbonne III unibertsitatean eta Xan Alkhat eta Miren Amuriza bertsolariak (argazkia PEE

PUBLIZITATEA

Gaur eta bihar euskarari buruzko mintegia hartuko du Pariseko Sorbonne III unibertsiateak, bertako Euskara eta Euskal Kultura irakurletzak antolatuta. Gaurko saioan, Udane Atutxa eta Eneko Zuloaga EHUko ikerlariek Ipar Euskal Herriko euskara irakaskuntzaren historia izango dute hizpide. Bihar, aldiz, "Euskararen jatorria: enigma europar bat" dokumentalaren emanaldiarekin hasiko da eguna eta, jarraian, bideokonferentzia bitartez Ivan Igartua EHUko irakaslearekin solasaldia egingo da.

Paris, Frantzia. Pariseko Sorbonne III unibertsitateko Euskara eta Euskal Kultura irakurletzak gaur bertan jarriko du abian Miren Ibarluzea irakurleak antolatu duen euskarari buruzko mintegia. Topaketan hizlari arituko dira Euskal Herritik etorritako zenbait ikerlari eta aditu, eta horrez gain, euskarari buruzko dokumental bat ere izango da ikusgai. 

Gaur, apirilaren 3an, 17:30tan hasiko dira saioak, bi hitzaldirekin: batetik, Udane Atxutxa irakasleak (EHU) "Alfabetización y enseñanza del euskera entre 1975 y 2010: evolución y dificultades" berbaldia eskainiko du (Gaztelaniaz), eta ondoren Eneko Zuloagak (EHU) "Apuntes para la historia de la lengua vasca al Norte del Bidasoa" gaiari helduko dio.

Biharko saioa, berriz, dokumental baten emanaldiarekin abiatuko da. Hasier Etxeberria idazle eta kazetariak zuzendua, "Euskararen jatorria: enigma europar bat" lanak nazioarteko hizkuntzalari eta adituak biltzen ditu, euskararen misterioa argitu nahian. Besteak beste, Lyle Capmbell, Daniel Creissels, Ricardo Gomez, Joaquin Gorrotxategi, Javier de Hoz eta Joseba Lakarra agertzen dira bertan. 

Emanaldiaren ostean bideokonferentzia bidez solasaldia egingo dute ikusleek Ivan Igartua EHUko irakaslearekin. 


« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia