euskalkultura.eus

euskal diaspora eta kultura

Albisteak rss

Olavarriako 'Gure Etxe Maitea' Euskal Etxe berrituak Susana Mendizabal hautatu du lehendakari

2010/07/14

Olavarriako 'Gure Etxe Maitea' Euskal Etxeko Zuzendaritza Batzorde berria, uztailaren 5ean hautatua, Maria Susana Mendizabal buru
Olavarriako 'Gure Etxe Maitea' Euskal Etxeko Zuzendaritza Batzorde berria, uztailaren 5ean hautatua, Maria Susana Mendizabal buru

PUBLIZITATEA

Bersortu ondoren sendotze bidean hasia den Olavarria herri argentinarreko 'Gure Etxe Maitea' Euskal Etxeak Biltzar Nagusirako deia egin zuen eta erantzun polita eskuratu zuen bazkide eta adiskide ugari inguratu baitziren uztailaren 5ean egindako elkarretaratzera, tartean FEVAko ordezkari legez federazio horretako lehendakariorde eta Coronel Pringles-eko 'Eusko Biltzar' Euskal Etxeko lehendakari den Juan Jose Olasagastia; eta Lapridako 'Lagunen Etxea'ko diruzain den Maria Ester Arrondo. Zuzendaritza Batzordea erabakitzeko hauteskundeak ere egin ziren, Maria Susana Mendizabal atera zelarik elkartea kudeatuko duen gobernu taldeko buru eta lehendakari.

Olavarria, Argentina. Olavarriako 'Gure Etxe Maitea' Euskal Etxeak 2010eko uztailaren 5ean egin berria du bere aro berriko Biltzar Nagusi hau, elkartearen egoitzean, hiriko Hipolito Irigoyen 2573 helbidean, helburu behinena Zuzendaritza Batzorde berria izanik, Buenos Aires Probintziako Pertsona Juridikoen Zuzendaritzak ezarritakoaren arabera eta Euskal Etxearen araudiarekin bat eginez.

Hona, hauteskundeak eginik, eta bertaraturik bozkatzeko eskubidea zeukatenen bozkak zenbaturik Zuzendaritza Batzorde berria osatzen dutenen izen-deitura eta karguak:

-Lehendakaria: Maria Susana Mendizabal
-Lehendakariordea Antonio F. Asteasuain
-Idazkaria Juan Emilio Dambolena
-Idazkariordea: Liliana Elena Arzubieta
-Diruzaina: Hilda Isabel Eyherabide
-Diruzainordea: Maria Alejandra Arouxet

-Batzordekide titularrak: Maria Julia Arouxet Ramongassie eta Gabriel Castañares
-Batzordekide ordezkoak: Ileana Candela Sosa eta Pedro Furrer Mendizábal

-Kontu ikuskatzaile titularrak: Norma De Simone de Mendia, Héctor Dambolena eta Pablo Ormazabal
-Kontu ikuskatzaile ordezkoak: Ana Guazzone Elortegui eta Daniel Suarez

Ekitaldia, biltzar-agiria sinatzeko izendatutako bazkideek euren lan hori bete ondoren amaitu zen. Zuzendaritza Natzorde berria berehala hasia da lanean, datorren epean segituko dituen lerro nagusiak ezarrita eta heldu diren ekintzak markaturik, erakundea berriz ere herrian izan zuen lekuan ezartzeko helburuz.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia