euskalkultura.eus

Tres Arroyos, Argentina. Hiru Erreka Euskal Etxeak 'Immigrante bati elkarrizketa' lehiaketaren sari banaketa egin zuten joan den urriaren 17an. Irabazleak Tres Arroyos bertako Nora Giménez eta Chaco probintziako Fabio Echarri izan ziren. Gimenezek irabazi zuen sari nagusia, bere aitona arabiarrari egindako elkarizketa batekin. Epaimahaiaren esanetan berak aurkeztutako elkarrizketa “lan bikaina da, bai literaturaren aldetik, bai historiari dagokionez. Horrezaz gain, sentimendu aldetik ere, hunkitu egin gaitu testuak”. Echarriren lana, aldiz, euskaldun bati egindako elkarrizketa izan zen. “Lan honetan oso argi ikusten da nola bizi ziren euskaldunak XX. mendearen hasieran”, azaldu zuen epaimahiak.

Elkarrizketen artean Holanda, Afrika, Italia, Espainia eta Kolonbiako immigranteei buruzko lanak jaso zituen elkarteak. “Lehiaketaren asmoa gazteek etorkinek gure historian, batez ere, herrialdearen garapen sozial eta ekonomikoan, izan duten garrantziaz konturatzea izan da", azaldu zion Gladys Salcedo euskal etxearen kideak Euskalkultura.com-i. “Ez genuen nahi Immigrantearen Eguna ospakizun hutsa izatea. Jendeak gaia ikertzea zen gure helburua”.

[Alcira Lembi eta Ana Ardengui epaimahaiko kideek 'Immigrante bati elkarrizketa' lehiaketaren lan irabazleak irakurri zituzten sari banaketa ekitaldian (argazkia Hiru ErrekaEE)]

Lehiaketaren lehenengo saria --laurehun peso-- aurresku batekin hasi zen ekitaldi honetan eman zioten Gimenezi. Echarrik, Chaco probintziakoa izanik, ezin izan zuen bertara bildu eta Euskal Astean emango diote saria Euskal Etxeko ordezkariek.

Slide show control

Delay 1s3s5s10s

Scale minithumblargelistingtilepreviewiconfullscreen

Transition basiccross wipecross fade

 

[Ekitaldira bildu zen jendeak adi-adi jarraitu zuen lan irabazleen irakurketa (argazkia Hiru Erreka EE)]

Slide show control

Delay 1s3s5s10s

Scale minithumblargelistingtilepreviewiconfullscreen

Transition basiccross wipecross fade