euskalkultura.eus

euskal diaspora eta kultura

Albisteak rss

Misioneseko Euskal Jatorriri esker ikurrina taulagainean izan zen lehen aldiz Oberako Immigranteen Jaian

2010/09/13

Euskal Jatorriko banderaria eta beste ordezkariak desfilean (argazkia EuskalJatorriEE)
Euskal Jatorriko banderaria eta beste ordezkariak desfilean (argazkia EuskalJatorriEE)

PUBLIZITATEA

XXXI. edizioan izan da, baina ikurrinak aurtengoan Obera hiri argentinarreko Immigranteen Jaieko taulagainean bere tokia izan du, Euskal Jatorri elkarteko kideei esker. 2005ean sortu zen elkartea duela lau urte hasi zen Immigranteen eguneko desfilean parte hartzen, eta aurtengoan lehen aldiz Luis Norberto Polasek Vizcaychipi banderariak ikurrina jaiaren eskenatoki nagusian erakutsi zuen, herriko beste gizataldeen banderekin batera.

Posadas, Argentina. Posadas hiriko Euskal Jatorri elkarteak, Misiones probintzian, harro eman digu Oberako Immigranteen Eguneko desfilean izan zuen partehartzearen berri. Joan den irailaren 4ean izan zen desfilea, Argentinan ospatzen den Immigranteen Jai Nazionaleko ekitaldien barruan.

Euskal Jatorrik azpimarratzen duenez aurten lehen aldiz ikurrina jaialdiko eskenatoki nagusian izan zen taulagainean, eskualde honetako beste gizataldeetako banderen artean. Luis Norberto Polasek Vizcaychipi bazkidea izan zen elkarteko banderaria eta berak eraman zuen euskal elkartearen ikurra herriko kaleetan barna. 

XXXI. Immigranteen Jaia 1

[Euskal Jatorri elkarteko ordezkariak ikurrinarekin taulagainean 2010eko Oberako Immigranteen jaian (argazkia EuskalJatorriEE)]

XXXI. Immigranteen Jaia 2

[Luis Norberto Polasek Vizcaychipi, Euskal Jatorriko banderaria, elkarteko beste kide batzuekin Oberako 2010ko Immigranteen Jaian (argazkia EuskalJatorriEE)]



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia