euskalkultura.eus

euskal diaspora eta kultura

Albisteak rss

Mariann Vaczi ikerle hungariarra Bilbon da Renon aurkeztuko duen Athletic-i buruzko tesia egiten

2010/02/15

Mariann Vaczi Athletic-en bufanda jantzita San Mames zelaia atzean duela (argazkia CorreoMitxelAtrio)
Mariann Vaczi Athletic-en bufanda jantzita San Mames zelaia atzean duela (argazkia CorreoMitxelAtrio)

PUBLIZITATEA

Mariann Vaczi antropologo hungariarra Bilbora iritsia da duela pare bat aste bertan urtebete pasexe egin eta Athletic futbol taldearen eta honen inguruko fenomenoari buruzko ikerlan bat egiteko, ondoren Nevada-Renoko Unibertsitateko Euskal Ikasketa Zentroan doktorego-tesia lortzearren aurkezteko. Vaczi-k entzuna zuen "soilik bertako jokalariekin jokatzen zuen futbol talde bat bazegoela eta filosofia honetan ehun urte zeramatzala kategoriatik jaitsi gabe" eta harrituta geratu zen. Gaia Renoko Unibertsitatean aurkeztuta, onartu egin zioten eta Hungariako unibertsitate baten bidez lortu zuen honi ekiteko beka.

Bilbo, Bizkaia. Futbol talde bat ala zerbait gehiago? Zer da Athletic-ekoa izatea, taldea 4 eta 1 galtzen ari dela ere animo oihuak eta zaleen sostenguak menturaz irmoago edo areagotuta segitzen dutenean? Partidak ikustea bakarrik da? Gainerako taldeetan ere Athletic-engan ematen diren ezaugarriak biltzen dira?

Hau guztia nahi du ezagutu 32 urte dituen Mariann Vaczi antropologo hungariarrak. Budapesten jaiotako emakume honek dokotego-tesi batera bilduko ditu ateratzen dituen emaitzak. Horretarako Bilbora aldatu berria da eta urtebete baino gehiago egoteko eta Bilboko Athletic taldearen inguru guztiak, zaleak, historia eta gainerakoak ikertu eta aztertuko ditu.

"Athletic-ek euskal identitatea islatzen du, eta kultura horretako parte da. Filosofia horrenak nire arreta deitzen du bereziki. Aldatzen gaitza den zerbait da. Oso barneratuta dago. Baina hau ez dute hemen bakarrik ikusten. Leku askotako jendea Athletic zalea da soilik bere euskal jokalariekin edo harrobiko jokalariekin jokatzen duelako", dio ikertzaileak.

Honi buruz, artikulu bat ekarri dugu geure gaztelaniazko bertsiora, joan den larunbatean Correo egunkariak argitara emana. Hemen irakur dezakezu.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia