euskalkultura.eus

euskal diaspora eta kultura

Albisteak rss

Larunbatera arte luzatuko dira Mar del Platan Denak Bat-en 'Aralarko Mikel Deuna'ren ohorezko ospakizunak

2011/09/26

Mar del Platako Denak Bat Euskal Etxearen afixa, 2011ko Aralarko Mikel Deunaren programarekin
Mar del Platako Denak Bat Euskal Etxearen afixa, 2011ko Aralarko Mikel Deunaren programarekin

PUBLIZITATEA

Urtero bezala sasoin honetan Argentinako Mar del Platan, Denak Bat Euskal Etxea murgilduta dabil bertan euskaraz 'Aralarko Mikel Deuna' deitzen duten ospakizun programaren baitan. Aurtengo ekitaldiak Euskal Herriaren zaindaria deitua den San Migelen ohoretan iragan asteazkenean hasi ziren paleta txapelketa batekin eta hurrengo ekitaldia datorren larunbatean izango dute, egun horretan egingo baita 'Taska Baska' deitzen den ekimena, tartean euskal janari tipikoak, etxeko Beti Alai dantzarien emanaldiak, sari-banaketa, haurrentzako puzgarriak, Txapela taldearen musika eta erromeria, guztia Mar del Platako euskal etxe honen egoitzan.

Mar del Plata, Argentina. Urtero bezala irailaren 29aren bueltan --iraileko egun hori baita San Migel eguna-- Mar del Platako Denak Bat Euskal Etxeak programa bat prestatu du aurten ere Euskal Herriaren zaindaritzat hartua den San Migelen edo Mikel Deunaren ohoretan.

Larunbatean egingo den ekitaldiarekin amaituko da programa, baina lehenago, ostegun honetan arratsaldeko zazpi t'erdietan, irailaren 29an beraz, San Migel egunean, hitzaldia iragarri da Denak Bat-eko 'Jose Ariztimuño' Liburutegian Mauro Vitulloren eskutik 'Euskal gizataldeko emakumeen laguntza Guda Zibileko errefuxiatuei' izenburupean.

Biharamunean, ostiralean, gaueko hamar t'erdietan, mus eta kanasta txapelketa jokatuko dira, bi joko horien tailerrak ere egitearekin batera, ikasi nahi dutenentzat. Euskal Etxeko jatetxean izango da hau eta larunbatean, arratsaldeko hiruretan izango du segida, txapelketa bururatu arte.

Programako ekitaldi nagusia, ostera, larunbat gauean izango da, gaueko bederatzietatik aurrera, EEaren egoitzan, eta ohiko Taska bat izango da, euskal janaria zerbitzatuko delarik eta gauean zehar besteak beste honako beste osagai hauek bilduko direla: etxeko Beti Alai dantzarien emanaldiak, txapelketetako irabazleei sariak ematea, haurrentzako puzgarriak egongo dira, eta Txapela musika taldea arituko da gauari erromeria batekin amaiera ipiniz.

'Aralarko Mikel Deuna'ren ohorezko 2011eko programa joan den asteazkenean, irailaren 21ean, hasi zen EEaren 'Teyú Cuaré' kantxan jokatu zen ohiko Paleta Txapelketarekin, ondoko larunbatean, hilaren 24an, euskal elkarteko txiki eta ertainek FEVAk urtero Llavallolgo Euskal Echea eskolan euskal etxeetako gazteenentzat antolatzen duen jaian parte hartu zutela.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia