Lan eskaintza: sei euskara irakurle hautatzeko deialdia egin du Etxepare Euskal Institutuak

2014/03/25

Etxepare Euskal Institutuak sei irakurle hautatzeko deialdia egin du

PUBLIZITATEA

Etxepare Euskal Institutuak sei Euskara eta Euskal Kultura irakurle hautatzea hautatzeko deialdia argitaratu du. Irakurleak honako unibertsitateetan arituko dira: Bartzelonan, Bartzelonako Unibertsitatea eta Bartzelonako Unibertsitate Autonomoan; Madrilen, UHUN-UNED unibertsitatean; Berlinen, Freie Universität unibertsitatean; Brnon, Masaryk Unibertsitatean; Moskun, Lomonosov Unibertsitatean eta Kalifornian, Santa Barbara Unibertsitatean. Hautagaien betekizunak eta hautagaitzak aurkezteko dokumentazioa, jarraian.

Donostia-San Sebastián. Etxepare Euskal Institutuak sei irakurle hautatzeko deialdia egin du. Deialdia Bartzelonan, Madrilen, Berlinen, Brnon, Moskun eta Kaliforniako Santa Barbarako unibertsitateetan Euskara eta Euskal Kultura irakasle aritzeko dira. 2014-2015 ikasturtereako lan-eskaintza da, eta kasu gehienetan lanpostua hurrengo bi ikasturteetara luzatzeko aukera dago (2015-16 eta 2016-17). Berlingo postua da salbuespena; kasu honetan, lanpostua beste urtebetez luzatzeko aukera soilik eskaintzen da (2015-16, alegia).

Baliabide ekonomikoak

Deialdi honetan ikasturte bakoitzera bideratutako guztizkoa laurogeita hamasei mila eta bederatziehun (96.900) euro izango da, betiere Etxepare Euskal Institutuak bere gain hartu dituen konpromisoei aurre egiteko aurrekontu-baliabiderik badu. Aurreko baliabide ekonomiko guztiak irakurletzak mantentzeko gastuak finantzatzeko erabiliko dira. Beraz, zenbateko hori ez da beti bat etorriko, zehatz-mehatz, irakurleen soldatekin. Honakoa izango da zuzkidura unibertsitateka:

-Bartzelonako Unibertsitaterako eta Bartzelonako Unibertsitate Autonomorako: 10.000 euro ikasturteko eta unibertsitateko.

-Madrilgo UHUN-UNED unibertsitaterako: 5.000 euro ikasturteko.

-Berlingo Freie Universität unibertsitaterako: 26.100 euro ikasturteko.

-Brnoko Masaryk Unibertsitaterako: 15.500 euro ikasturteko.

-Moskuko Lomonosov Unibertsitaterako: 10.500 euro ikasturteko.

-Kaliforniako Santa Barbara Unibertsitaterako: 19.800 euro ikasturteko.

Deialdiari buruzko informazio osoa, hemen.