euskalkultura.eus

Vitoria-Gasteiz. Hiru lanpostuok 2014ko enplegu eskaintzaren baitan plazaratu ditu atzo Eusko Jaurlaritzako Kanpo Harremanetarako Idazkaritza Nagusiak.

Euskadik New Yorken eta lan-esparru Estatu Batuak eta Kanada dituen Ordezkaritzaren kasuan, honakoak dira bi lanpostuak:

-Idazkaritza arloko langile bat (idazkaritza funtzioak, administrazioa, Ordezkaritzako kontularitza, harrera publikoari eta telefono bidezko arreta, Ordezkariaren aginduetara), eta Idazkaritzako Goi Mailako Teknikaria, Administrazio Kudeaketako Teknikaria, B.A. (Bachelors degree in arts), edo baliokidea izatea eskatzen da, ingelesa eta gaztelania menperatzearekin batera

-Market Analyst / Goi Mailako Enpresa Teknikaria / Merkataritza Teknikaria lanpostua (ikasketak, Zuzenbidea, Enpresa Administrazioa, Ekonomia, Industri Ingenieritza edo baliokidea edo Nazioarteko Merkataritza, ingelesa eta gaztelania menperatzearekin batera)

Euskadiren Mexikoko Ordezkaritzaren kasuan, hau da eskaintzen den lanpostua:

-Goi mailako enpresa-teknikari/arlo arduradun kategorian (ikasketak, Zuzenbidea, Enpresa Administrazioa, Ekonomia, Industri Ingenieritza edo baliokidea edo Nazioarteko Merkataritza)

Hiru lanpostuetara aurkezteko behar den informazio garrantzitsu guztia hemen topa daiteke