euskalkultura.eus

euskal diaspora eta kultura

Albisteak rss

AthletiKuba futbolzale taldea: urte eta erdi Habanan euskaldunak bilduz afari, partidu eta kultur ekintzetan

2010/12/28

Errealeko bandera bat ikus daiteke AthletiKubakoen talde argazki honetan; Athletikeko eta Errealeko zaleek harreman ona ('pikeak' gorabehera) daukate Habanan
Errealeko bandera bat ikus daiteke AthletiKubakoen talde argazki honetan; Athletikeko eta Errealeko zaleek harreman ona ('pikeak' gorabehera) daukate Habanan

PUBLIZITATEA

Futbola eta kultura bikain nahasten dituzte Kubako talde honetan. Joan den abenduaren 11ean Urteroko Bilkura egin zuten eta bertan urte eta erdiko ibilbide honen balioespena. Positiboa, doaike. Ekimen ugari egin dituzte eta Habanako euskaldunen topaleku bihurtu dira tarte honetan: hileroko afariak, futbol partidak ikusteko hitzorduak, harrera Kubara datozen euskal artistei (aurten Ruper Ordorika, Rafa Rueda eta Edorta Jimenez izan dira bertan, besteak beste). Datorren urterako jarduera berriak prestatzen ari dira jada, tartean ohikoa bilakatu den Aberri Eguneko ospakizuna Habanan.

Josemi Arrugaeta/Habana, Kuba. Joan den abenduaren 11an AthletiKuba futbolzale taldeak Urteroko Bilkura egin zuen Habanan, Javier Zuloaga presidentearen etxean. Bertara 40 bat lagun bildu ziren, elkarteko kideak gehienak eta gonbidatuak beste batzuk. Zuzendaritza Batzordeak urte osoan zehar egindako ekimenen txostena eta urteko kontuen balantzea aurkeztu zituen.

Urte eta erdiko ibilbidea baino ez du taldeak, baina hasieratik bizitasun handia agertu du, Kubako euskaldunen bilgune dinamikoenetakoa bihurtuz. Urtean zehar eginikoen artean azpimarragarriak dira hileroko topaketak (hileko azken ostiralean), futbol partidak telebistan ikusteko hitzorduak (hamaika aurten) edo kultur arloko hainbat jarduera, hala nola Ruper Ordorika kantariari egin zioten harrera -kitaldi eta afari-omenaldia, eta joan den hilean Edorta Jimenez idazleari eta Rafa Ruedari eginiko ongi etorria.

Euskal tradizio finenari eutsiz, Urteroko Bilkuraren ostean bazkaria egin zuten taldeko kideek. Felix Sarasola bera izan zen sukaldaria eta menua, honakoa: sasoiko entsalada epela, atuna tomatearekin eta usoak ehiztari saltsan; ardo ona eta giro bikaina errezetako parte. Datorren urterako ekimen berriak ari dira prestatzen jada eta taldeak kide eta lagunei deia luzatu die apirilean Aberri Eguneko ospakizunaren prestaketan parte hartzeko Habanan.

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia