euskalkultura.eus

Llavallol, Argentina. Euskal Echea eskolak benetako jendetza bildu zuen joan den urriaren 4ean bere Euskal Jaira. Jai honekin eskolako irakasle eta ikasleek erakundea sortu zuten euskal argentinerren helburua ekartzen dute gogora: euskaldun eta argentinerren artean harremana sortu, sustatu eta mantentzea. Dantzari jantzita, 1.500 ikasle bildu ziren errugbi zelaian, urtero legez 'Euskal Estanpa' delako irudi koloretsua osatzeko. Jaialdian gainera, urteko eskolako ikasleen lanak ere izan ziren ikusgai. Guztira, ikasle, guraso eta senitartekoak bilduz 3.000 lagun inguru izan ziren jaian.

[Euskal Echeako 1.500 ikasle danztari jantzita errugbi zelaian 'Euskal Estanpa' ikusgarria osatzen]

[Kalejira alai batekin bete zuten zelaia Euskal Echeako ikasleek Euskal Jaian]

[Eskolako txikiak izan ziren kalejiraren buru, ikurrina eta Argentinako bandera zeramatzatela]

[Dantzariek erakustaldia eskaini zuten Euskal Echea eskolaren 2008 Euskal Jai honetan]

Irudi gehiago, Argazki Galerian.