euskalkultura.eus

Uztaritze, Lapurdi.  Nekatoenea idazle-egonaldiari esker, idazle bati hilabete osoz Hendaiako Abbadia eremuko Nekatoenea baserri zaharberrituan bere idazketa lanean aritzeko aukera ematen zaio. Beka honen sustatzaile dira Euskal Kultur Erakundea, Euskal Idazleen Elkartea, eta Euskal Itsasbazterreko Ingurumen Aldeko Ekimen Zentro Iraunkorra (IAEZI).

Aurtengoa laugarren edizioa da eta lehendabizikoz, zientzilari batek jasoko du beka, antolatzaileek aditzera eman dutenez. Irabazlea Aitzol Lasa (Barañain, 1978) da, matematikalaria eta matematikako irakaslea Nafarroako Unibertsitate Publikoan eta bigarren hezkuntzako ikastetxeetan. Bere proposamena matematikak eta literatura batzea izan zen, zientzia gazteengan hurbiltzeko asmotan, eta halatan, zenbakiak eta formulak baino, hizki, esaldi eta esaerak landuko ditu.

Matematika irakasle izanik, zientzia bereziki gazteei ulertaraztea izan du helburu idatzitako hainbat artikuluekin. Baina haratago joan nahi izan zuen eta eleberritan hasi zen 2009. urtetik. Irabazi sarien artean, Elhuyarrek ematen duen saria irabazi zuen 2011. urtean, Elhuyarren zientzia-narrazioak kategoriko saria irabazi zuen, “Hodeietan” gazteei zuzendutako liburuarekin.

Egonaldiaren egitasmoak bigarren jarduera bat proposatzen du, idazleak gazteekiko elkarlan bat eskainiz. Lana aurreratua izango duelarik, Aitzol Lasa, eskualdeko kolegio bateko gazteekin arituko da lanean. Gazte taldeak literatur zientifiko horretan sartzeko aukera izanen du, ikasturte osoan zehar idazleak egin duen idazketa prozesua hurbiletik segituz. Horren ondotik, haiek ere beren idazlana egiteko aukera ukan dezaten.