Hemen zaude: Hasiera Albisteak Jon Ander Ramos eta Oscar Alvarez Gila ikertzaileak euskal diaspora gaiez mintzatu ziren UNLPn

Jon Ander Ramos eta Oscar Alvarez Gila ikertzaileak euskal diaspora gaiez mintzatu ziren UNLPn

2012/06/06

Bi hitzaldi eman zituzten hurrenez-hurren Jon Ander Ramos eta Oscar Alvarez Gila historialari euskaldunek La Platako Unibertsitate Nazionalean (UNLP), Argentinan, goi-ikastetxe horretako Irlandar Pentsamendu eta Kulturaren Katedra Libreak eta Etxepare Institutuko Irakurletzak antolaturik. Jon Ander Ramosek Argentinara emigratutako Mendizabal Gorostizu familiaren gutunetan euskararen presentzia aztertu zuen eta Oscar Alvarez Gilak, berriz, Hollywood-ek Estatu Batuetako euskal immigranteei emandako tratamentua hartu zuen hizpide.

La Plata, Argentina. Hitzaldiak UNLPko Zientzia Ekonomikoen Fakultatean egin ziren joan den asteko asteartean, maiatzaren 29an. Jon Ander Ramos izan zen mintzatzen lehena eta Nire biotzeco aita.... la presencia del euskera en el epistolario de la familia Mendizabal Gorostizu izenburupeko hitzaldia eman zuen. Victor Mendizabal gipuzkoarra eta bere familiako beste kide batzuk La Plata hirian bizi izan ziren.

Jatorri apaleko familia ziren eta denborarekin gora egin zuten eta urte asko geroago, Victor Mendizabalek bere jaioterriko ume eta gazteei laguntza eman zien, ikasketa laguntzak hain zuzen. Ameriketako esperientzia haren ondorio ehundik gora eskutitz daude eta horiei buruz hitz egin zuen irakasleak.

Ondoren, Oscar Alvarez Gilak Los inmigrantes vascos en los EE.UU. a los ojos de Hollywood. Estereotipos, prejuicios y equivocaciones iaukeratu zuen bere hitzaldirako izenburu, eta tituluak berak ongi islatzen duenez, Hollywoodek euskaldunak nola irudikatu dituen azaldu zuen irudiz eta irudimenez betetako hitzaldian.

Hitzaldira bertaratu ziren entzuleek gogotsu hartu zuten parte irakasleak plazaratu zituen galderetan, adierazi digu UNLPko Euskara eta Euskal Kultura Irakurle den Idurre Lekuonak.

Bukatzeko, bi historialariek entzuleek luzatutako galderak erantzun zituzten.

Komentarioa gehitu

Komentario bat gehitu zenezake formularioa betata

(Beharrezkoa)
Esaiguzu zure izena
(Beharrezkoa)
(Derrigorrezkoa)
(Derrigorrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

Jon Ander Ramos eta Oscar Alvarez Gila ikertzaileak euskal diaspora gaiez mintzatu ziren UNLPn

Euskal Herriko Unibertsitateko Oscar Alvarez Gila historialaria La Platako Unibertsitate Nazionalean hizlari

E-postaz harpidetu albisteetara

Erlazionatutako elementuak


bisita