Immigrantearen Eguna kari, gutuna idatzi dio Concordiako Maria Rosario Echeverriak amona immigranteari
Argentinan urtero ospatzen dute irailean Immigrantearen Eguna eta, horrekin batera, ospakizunak eta ekitaldiak hilabete osoan luzatzen dira zenbait kasutan, immigranteek ostatutako herrialdea izanik presentzia eta garrantzia handia baitauka oro har immigrazioaren egitateak. Beste batzuetan egin legez, Concordia herrian, bertako euskal gizataldeko kide den Maria Rosario Echeverria bertako prentsara atera da, eta honakoan gutuna zuzendu dio bere amatxi edo amona euskaldunari, Euskal Herritik argentinaratu eta euskalduntasun sentimentuaren lekukotasuna eman zionari.
Concordia, Argentina. Idazkia Entre Rios probintziako Concordian eman da argitara, 'Mi abuela, «la inmigrante»' izenburupean, El Heraldo egunkarian. Hona egunkariarako esteka, zuzenean bertan irakurtzeko.
Immigrantearen Eguneko Concordiako ospakizunen 2011ko edizioan parte hartu duen euskaldun talde bat (argazkia Mariano Silca-Torrea/EuskalKultura.com)
