Igandera arte, "Euskaldunak eta Pazifikoa" erakusketa zabalik Donostiako Untzi Museoan

2011/03/16

Azken astea du Donostiako Untzi Museoko "Euskaldunak eta Pazifikoa" erakusketak, igandera arte, gainera, sarrera doanik izango duela

PUBLIZITATEA

Azken astea du Donostian "Euskaldunak eta Pazifikoa, Urdanetaren omenez" erakusketak. Datorren igandera arte egongo da zabalik kai donostiarreko Untzi Museoan, azkeneko aste honetan gainera sarrera libre izango duela. Gipuzkoako Foru Aldundiaren baitango itsas museo honek hilabetez itxiko ditu ateak ondoren, hurrengo erakusketa, "Baleazaleak" izenekoa, balearen ehizaren historia eta orainari buruzkoa, euskaldunen partaidetza ere bertan, apirilaren erdialdean zabaltzekotan.

Donostia-San Sebastian. “Euskaldunak eta Pazifikoa, Andres Urdanetaren omenez” erakusketa ikusteko azken egunak dira aste honetakoak Donostiako Untzi Museoan. Karia hortara, sarrera dohainik izango da martxoaren 20ra arte, heldu den igandera arte.

Ondoren, Untzi Museoak atean itxiko ditu hilabetez, orain amaitzen dena desmontatu eta “Baleazaleak” hurrengo erakusketaren muntaia lanei ekiteko. Erakusketa honen inaugurazioa apirilaren erdiraldera izango da.

Erakusketa berri honek balearen ehizaren iragana eta oraina kontatuko ditu, euskaldunek langintza horretan izan duten parte hartzea azpimarratuz. Erdi Arotik hasi eta gaurdainoko balearen ehizaren ibilbidean eramango gaitu “Baleazaleak”-ek.

Aste honetako bisita orduak:

-Asteartetik ostegunera: 10:00–14:00 / 16:00-19:00
-Ostirala eta larunbata: 10:00-13:30 / 16:00–19:30
-Igandea: 11:00–14:00