euskalkultura.eus

Donostia-San Sebastián. Egun berezietan gai jakinei buruzko marrazkiak (doodle-ak) jartzen ditu Google internet atari erraldoiak eta Eusko Ikaskuntza elkarteak Euskararen Nazioarteko Egunean (abenduaren 3an) 'euskal doodle' jartzeko eskatuz sinadira-bilketa jarri du abian sarean.

Eusko Ikaskuntzak 1949an sortu zuen Euskararen Nazioarteko Eguna eta ospakizunak arrakasta handia izan du, batez ere Diasporako euskaldunen artean.

Kanpainan parte hartzea oso erraza da: jo hona eta sinatu eskakizuna. Urriaren 30ean hasi zen kanpaina eta abenduaren 1a bitartean jasoko ditu sinadurak Euskal Ikaskuntzak. Ondoren, abenduaren 2an Google-i helaraziko dizkio sinadurak eta eskakizuna.

Kanpainan izena ematen dutenen artean HABEren 2013ko agendak eta egutegiak zozketatuko dira. Irabazleen izenak abenduaren 3a jakitera emango dira, Euskararen Nazioarteko Eguneko beste ekimenen artean.