euskalkultura.eus

Albisteak

Goizueta-Latassa familia nafarraren ondorengo argentinarrak hirugarren aldiz elkartuko dira, La Platan

2007/10/02

Pedro Andrés Goizueta eta Lorenza de Latassaren ondorengoek bat egiteko bilkura hilaren 13an izango da La Plata eskualdean, Villa Elisako “Cabaña El Rincón” kintxoan. Bi nafartarrak oso gazte zirela iritsi ziren Argentinara gerra karlistak zirela eta, bizimodu hobe baten bila, 1833 urte inguruan seguruenik. Ondorengoak hirugarrenez elkartuko dira, aurretik beste bi aldiz bildu baitziren Goizueta Casco adarrekoak 2001. urtean. Topaketa honek ere badu beste asmo bat: abizen bera izanik oraindik familia-loturaren nondik norakoak deskubritu ez dituzten Goizueta deituradun gehiago ezagutzea.

Pedro eta Lorenzaren ondorengoak duela sei urte elkartu ziren lehenengo aldiz. Bilera hori Goizueta Casco adarrekoek egin zuten eta lehenengo zuhaitz genealogikoa osatzen saiatu ziren. Hiru urte beranduago, eta interneten laguntzaz, Fox Goizueta adarrekoekin bat egin eta familiakide gehiagorekin jarri ziren harremanetan, besteak beste, Salta, Tucuman, Santa Fe, San Juan, Mar de Plata, 9 de Julio, Boston eta Pasadenan bizi zirenekin. Hirugarren bilkura honekin ezagutzen diren goizuetarrak berriro elkar ikustea eta familiako kide gehiagoren berri izatea da, elkarrekiko loturak estutuz eta zuhaitzari adar gehiago emendatuz.

Ekintza honen bultzatzaile den Fernando Goizuetak EuskalKultura.com-i adierazi dionez, honakoa aukera paregabea izango da pasarteak eta iraganeko kontuak elkarrekin trukatzeko 'eta batez ere Euskal Herriko odol tantarik dutenen artean loturak sortu eta indartzeko'. Hilaren 13ko elkarretaratzean parte hartu nahi dutenek aski dute hona idaztea.


Lotura interesgarriak

Familiaren zuhaitz genealogikoa
www.linajes.com

“Cabaña el Rincón” egoitzaren argazkiak
http://picasaweb.google.com

---

---

Irakurrienak

• 2024/04/12
  Pintxo Gaua Chivilcoyn Amalur sukaldaritza taldearen eskutik, baita euskara eta helduentzako dantza eskolak ere
• 2024/04/09
  Alfonso Mendiburu - Francisco Martínez bikote txiletarra txapeldun La Platan Mercomus 2024ko Mus Txapelketan
• 2024/04/11
  Bilera batera deitu dute Boisen Euskal Etxean, musikari bila Euskal Herriko moduko txaranga bat sortzearren
• 2024/04/11
  Batzordea berrituta, Cañuelaseko Denak Batek larunbatean ospatuko du Aberri Eguneko Koru eta Dantzarien Topaketa
• 2024/04/10
  FEVAk Batzar Orokorra egingo du Asier Iriberri zerrenda bakarreko buru dela eta Arantxa Anitua lehendakariorde

Azken komentarioak