Hemen zaude: Hasiera Albisteak 'Guernica Gernikara' sinadura bilketa kanpaina jarri du abian udalak, Picassoren margoa eske

'Guernica Gernikara' sinadura bilketa kanpaina jarri du abian udalak, Picassoren margoa eske

2011/03/21

Datorren apirilean Gernikaren bonbardaketaren 74. urteurrena beteko da eta data horri begira herri bizkaitarreko udalak sinadura bilketa kanpaina bat jarri du abian, Picassoren Guernica, margoa inspiratu zuen herrira ekar dezaten. Milioi erdi bat sinadura biltzea da helburua. Egun margoa Madrileko Reina Sofia Museoan da, eta nahiz eta munduko hainbat museotan ikusgai izan den, erakundeko arduradunek ez dute Gernikara ekarri nahi, bidaian margoa kaltetu egin daitekeela argudiatuz.

Gernika, Bizkaia. Gernikako udalak sinadurak biltzeari ekin dio, Pablo Picassoren Guernica margolana Gernikara ekar dezaten eskatuz. Jakina denez, 1937an naziek herri bizkaitarra bonbardatu eta suntsitu zuten, eta, Errepublikar gobernuak eskatuta, Picassok 'Guernica' margotu zuen, bonbardaketa eta hilketak salatzeko. Margoa egun Bakearen eta Giza Eskubideen ikur bihurtu da mundu guztian eta udalak Gernikan erakusteko aukera izan nahi du. 

Udalak nazioarteko sinadura bilketa hasi du, Espainiako Kultura Ministerioari margoa behin betirako Gernikara ekartzea eskatuz. Udalak www.guernicagernikara.net webgunean ematen du kanpainaren berri eta bertan sina daiteke eskaria. Milioi erdi bat sinadura biltzea da helburua; momentuz 2.500 jaso dituzte. Facebook eta Twitter sareetan ere bi kanal sortu dira kanpaina sustatzeko. 

 

Komentarioa gehitu

Komentario bat gehitu zenezake formularioa betata

(Beharrezkoa)
Esaiguzu zure izena
(Beharrezkoa)
(Derrigorrezkoa)
(Derrigorrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)


bisita