Gaztemundu 2014, euskal dantza talde zuzendariei dedikatua, Donostian uztailaren 5etik 20ra

2014/05/05

Gaztemundu 2014 deialdia maiatzaren 2ko EHAAn argitara emana

PUBLIZITATEA

Eusko Jaurlaritzak 2014ko Gaztemundu programarako deia zabaldu du, iragarriz aurtengoan Donostia oinarri izanik egingo dela uztailaren 5etik 20a bitartean eta Diasporako dantza taldeetako zuzendari eta arduradunei dedikatuko zaiela, Oier Araolaza dantzari eta dantza irakasle eibartarra buru. Aurtengoan ez da parte hartzeko adin mugarik izango eta eskabideak aurkezteko epea ekainaren 3an amaituko da.

Vitoria-Gasteiz. Eusko Jaurlaritzak joan den ostiraleko EHAA buletin ofizialean eman zuen argitara 2014ko Gaztemundu programaren deialdia, aurtengoan euskal dantzari eta dantza taldeetako zuzendari eta arduradunei zuzendua. Eskabideak aurkezteko epea ekainaren 3an agortuko da.

Ez dago aurten deialdian parte hartzeko adin mugarik, eta hemezortzi urtetik gorakoek har dezakete parte. Parte hartzaile bakoitzak, urteroko betekizunak bere beharko ditu, baina aurtengoan, dantza izanik Gaztemunduren ardatza, bideo bat bidali beharko du, hiru bat minutukoa gutxienez, kalitate onean, agertuz bertan bere burua euskal dantza tradizional klase bat ematen.

2003tik honako Gaztemunduetan parte hartutakoek ezingo dute parte hartu, urte hartan arautu baitzen Eusko Jaurlaritzaren programa hau.

-Aurreko datuak laburpena baino ez dira. Deialdi osoa, balioa duten eskabide eta betekizunekin, hemen irakur dezakezu