euskalkultura.eus

euskal diaspora eta kultura

Albisteak rss

Fermin Muguruzak "No More Tour" dokumentala aurkeztuko du ostiralean San Frantziskon

2014/03/10

"No More Tour" dokumentalaren afitxa
"No More Tour" dokumentalaren afitxa

PUBLIZITATEA

Ostiralean South San Francisco-ko Basque Cultural Center euskal etxea zine emanaldi berezia egingo da, Basque Educational Society elkarteak antolatzen duen euskal zinema sailaren baitan. Fermin Muguruza musikaria bertan izango da "No More Tour" dokumentala aurkezteko. Irundarraren azken bira jasotzen du lanak: 55 kontzertu bost hilabetetan, egileen esanetan "erresistentzia eta elkartasun mapa bat".

San Frantzisko, AEB. Ostiralean, martxoaren 14ean, San Frantzisko hegoaldean dagoen Basque Cultural Center elkarteak Fermin Muguruza musikari irundarra hartuko du. Muguruzak "No More Tour" dokumentala aurkeztuko du bertan, Basque Educational Organization (BEO) erakundeak urtero antolatzen duen euskal zinema sailaren baitan.

Dokumentalak Muguruzak 2013 urtean egin zuen "No More Tour" birako irudiak jasotzen ditu. Bira hau Muguruzaren azkena izan zitekeela esanez aurkeztu zen, eta bost hilabetetan 55 kontzertu eman zituen musikari ezagunak. Dokumentalaren zuzendariak Daniel Gomez eta Muguruza bera dira.


Emanaldia arratsaldeko zazpietan hasiko da eta Muguruzak berak aurkeztuko du. Ondoren, musikariarekin solasteko aukera izango dute ikusleek. Emanaldira joateko beharrezkoa da aldez aurretik lekua gordetzea, e-maila bidaliz BEO-ra (info@BasqueEd.org) edo Facebook bidez.  

Informazio gehiago, BEO-ren webgunean.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia