euskalkultura.eus

Asuncion, Paraguai. Paraguaiko hiriburuko euskal etxeak martxoaren 6an hasi zituen 2012 ikasturte berriko eskolak, aurreko urteetan bezala Jesus Nazabal irakasle eta HABE laguntzaile. Eskolak astero astearte eta ostegunetan dira Euskal Etxearen egoitzan, Juan Manuel Frutos Pane 268 helbidean (Rio de Janeiro eta Berges artean) eta parte hartzeko epeak zabalik dirau.

Zortzi dira oraingoz euskara ikasle diren bazkide eta lagunak, tartean elkarteko lehendakaria eta batzordekide batzuk, baita etxeko bazkide ez diren bi pertsona eta euskal jatorrikorik ez denik ere. Eskolak ordainketa miniko bat dute, baina horretara heldu ezin dutenentzat doanik dira.

Eskolak hartzeko interesa lukeen edonor harremanetan jar daiteke arduradunekin, 595 - 21 - 200479 telefonora deituz. Taldeak, bestalde, abesteko talde txiki bat abiatu du, eta elkarteak deitutako ekitaldietan kantatu izan dute, euskal kantu errepertorio batekin.

Euskal Etxeak, bestalde, Batzar Nagusirako deia zabaldu, izan ere apirilaren 27rako. Gai zerrendak biltzen dituen gaien artean Zuzendaritza Batzordea berritzea dago, estatutuak finkatzen dutenez, bi urteko eperako. Euskal Etxetik iragartzen digutenez, "zabalik dago hautagaiak aurkezteko epea, guztion lankidetza ongi etorria izan delarik".