euskalkultura.eus

euskal diaspora eta kultura

Albisteak rss

EuskalKultura.com AEBetan izango da maiatzean, Los Banos, Bakersfield eta San Frantziskoko euskal jaietan

2014/05/05

NABO Convention 2014 eta Kern County Basque Club-aren 70. urteurrenaren logoa, Bakersfield bertako Pierre Ygoa euskal artista diseinatzaileak egina
NABO Convention 2014 eta Kern County Basque Club-aren 70. urteurrenaren logoa, Bakersfield bertako Pierre Ygoa euskal artista diseinatzaileak egina

PUBLIZITATEA

Joseba Etxarri EuskalKultura.com-eko zuzendariak Kaliforniara bidaia egingo du hil honen erdialdera, besteak beste NABO federazioaren Convention 2014 bileran parte hartzeko, maiatzaren 23an Bakersfield-en, Kern County Basque Club euskal etxearen 70. urteurrenarekin batera. Horrez gain, maiatzaren 17 eta 18an Los Banoseko euskal jaialdian hitzaldia emango du eta bidaia San Frantziskon amaituko du, San Francisco Basque Club-en urteroko euskal piknikean.

Donostia-San Sebastián. EuskalKultura.com-eko zuzendari Joseba Etxarri AEBetako euskal piknik sasooia irekitzen duten zenbait jaialditan izango da datozen asteetan, Kaliforniara egingo duen bidaiaren baitan. Bidaia honetako aurreneko hitzordua maiatzaren 17an izango da, Los Banos-en bertako euskal etxearen Euskal Piknikean.

Los Banos Basque Club elkarteak mende erdia bete du aurten eta, hori dela eta, egitarau zabala antolatu du 17 eta 18ko jai asteburu honetarako. Ekitaldien artean aipagarriak dira, besteak beste, Noka talde euskal-kaliforniarrak eta Luhartz taldeak emango dituzten kontzertuak. Luhartzeko musikariak Euskal Herritik Los Banosera joango dira propio elkartearen erromerian giro ederra jartzeko. Horrez gain, aipatu ere Joseba Etxarrik hitzaldia emango duela asteburuan, Kaliforniako euskaldunen historiari buruz. Piknikaren egitaraua, hemen.

Bigarren hitzordua Bakersfield-en izango da, Kern County Basque Club elkartearen urteroko euskal jaialdian. Elkarte honek ere urteurrena ospatzen du maiatzaren 23, 24 eta 25ean: 70 urte betetzen ditu kaliforniar euskal etxe honek. Egitarau zabala dakar ospakizunak, eta proposamenetako batzuk aipatzearren, merezi du azpimarratzea asteburu horren baitan egingo dela ere Accordion Festival delakoa eta Noka taldeak eta Mikel Markez kantariak emanaldiak eskainiko dituztela. Egitarau osoa, hemen.

Halaber, Bakersfield-en egingo da, maiatzaren 23an, Ipar Ameriketako euskal etxeen federazioaren 2014ko bilkura, NABO Convention delakoa. Joseba Etxarrik ere parte hartuko du bileran, eta ondoren asteburuko ekitaldietara bilduko da, beste ordezkari eta bisitariekin batera.

Azkenik, EuskalKultura.com-en Kaliforniara bidaia maiatzaren 31ko asteburuan amaituko da, San Francisco Basque Club elkartearen urteroko piknikean. 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia