euskalkultura.eus

Baiona, Lapurdi. Kepa Etchandy argazkilariak sarean jartzen ditu aspalditik Euskal Herriko hainbat leku, ohitura eta gertakariei buruzko argazkiak. Ibaifoto.com webgunean bildu du hainbat urtetako lana: 50.000 argazki inguru, Euskal Herrira argazki bidezko bidaia egiteko adina, tartean paisaiak zein euskal bizimoduaren eta eguneroko gertakarien adierazpideak.

Azken honetan sareratu duen argazki-sortak negua hartu du ardatz. Baina oro har bisitariek aurtengo neguko irudiak, Arrokiagako pastorala, Baionako jaiak, Aturri ibaiaren inguruko bizimodua, itsasoa, mendiak, natura, Inauteriak... makina bat gairi buruzko galeriak ikusi ahalko dituzte bertan. 

"Euskal Herriko irudi hauek 20 urteko lanaren emaitzak dira. Irudi hauen bidez, Euskal Herriko herri eta hirien arkitekturak erakutsi nahi ditut, bai eta ere interes berezia duten edergune eta tokiak. Euskal Herriko biztanleen bizia ezagutarazi nahi dut, ekonomiaren, kulturaren, ohituren, besten edo kirolen bidez", azaltzen du argazkilariak.