euskalkultura.eus

euskal diaspora eta kultura

Albisteak rss

Euskal gaiak Santa Barbara-Kalifornia Unibertsitateak bihar eta etzi egingo duen mintegian

2013/05/15

University of Santa Barbara-California (USBC) unibertsitatearen kanpus ikusgarria
University of Santa Barbara-California (USBC) unibertsitatearen kanpus ikusgarria

PUBLIZITATEA

Kaliforniako Santa Barbara Unibertsitatean euskal gaiei buruzko hitzaldi sorta interesgarria entzuteko aukera izango da etzi, Comparative Iberian Studies Sinposium delako mintegiaren baitan. Hizlarien artean honakoak ariko dira: Viola Miglio, Diana Palenzuela, Begoña Echeverria eta Unai Nafarrate. Horiekin batera, Etxepare Euskal Institutuko Mari Jose Olaziregik “Iberian Studies Within/Beyond the Peninsula: The Current Situation and Desiderata” mintzaldia eskainiko du.

Santa Barbara, AEB. Kaliforniako Santa Barbara Unibertsitateak (USBC) duela zenbait urte jarri zituen abian euskara ikastaroak eta, Viola Miglio irakaslea buru, bide polita egin du azkenaldian euskal ikasketa arloak. Egun, Etxepare Euskal Institutuak sustatuta, Euskara eta Euskal Kultura irakurletza ematen da ikasketa zentro honetan.

Datozen egunetan, euskal gaiek bere tartea izango dute USBC-k antolatu duen Comparative Iberian Studies Sinposium-n. Etzi, Etxepare Euskal Institutuko Euskararen Hedapenerako zuzendari Mari Jose Olaziregik “Iberian Studies Within/Beyond the Peninsula: The Current Situation and Desiderata” izeneko solasaldia eskainiko du.

Ondoren, Basque Studies izeneko atala izango du mintegiak eta bertan Kalifornian euskara irakurle lanean diharduten Diana Palenzuela eta Unai Nafarrate izango dira hizlari, Begoña Echeverría euskal amerikarrarekin batera. Echeverria, euskal gaietan aditua izateaz gain, Kaliforniako Noka talde euskalduneko kantaria da, eta, hain zuzen ere, Noka taldeak itxiko du mintegia, kontzertu batekin

Basque Studies ataleko egitaraua honakoa izango da:

Panel IV:  Basque Studies/Iberian Studies

  • 12:15pm  “Of Harlots and Whores:  Constructions of Female Sexuality in a Basque Old Testament” – Begoña Echeverría (UC, Riverside).

  • 12:40pm  “Retos y obstáculos de la educación bilingüe en el  País Vasco” – Diana Palenzuela (Etxepare Basque Institute,   UCSB).

  • 1:00pm  “Style and Language among Basque Youth” – Unai  Nafarrate (UCSB).

  • 1:20pm  Q & A

Mintegiaren programa osoa, hemen.


« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia