Euskal Etxeak egoera larrian dituzten kideei laguntzeko dirulaguntzak eman ditu jakitera Eusko Jaurlaritzak

2011/09/19

Caracasko Eusko Etxea (argazkian) izan da egoera larrian dauden pertsonentzako diru gehien jaso duen elkartea, 32.391 euro; ondotik Mar del Platako Denak Bat, 26.790; eta Viñako Eusko Etxea, 25.978 (argazkia EuskalKultura.com)

PUBLIZITATEA

Jaurlaritzako Kanpo Harremanetarako Idazkaritza Nagusiak eta Kanpoan dauden Euskal Herritar eta Gizataldeentzako Zuzendaritzak jakitera eman dute euskal etxeetan asistentzia faltan eta egoera larrian dauden euskal gizataldeetako partaideentzako 2011ko dirulaguntzen onuradunen berri. Euskal Etxeen bitartez bideratzen laguntza hauek Argentina, Kolonbia, Txile, Uruguai eta Venezuelako 23 euskal etxeko 74 pertsonari eman zaizkie aurtengo edizioan.

Vitoria-Gasteiz. Eusko Jaurlaritzak aditzera eman du euskal etxeen bitartez bideratzen dituen "atzerrian dauden euskal gizataldeetako partaideak diren eta egoera larrian eta asistentzia faltan dauden pertsonei laguntzeko" 2011ko deialdiko dirulaguntzen euskal etxe eta pertsona onuradunen zerrenda.

-Zerrenda osoa Euskadi.com-en kontsulta daiteke, hemen