euskalkultura.eus

Chino-Los Angeles, Estatu Batuak. Kalifornia hegoaldeko Chino-Los Angelesen egin dute iragan astean zehar, larunbatera arte, abuztuaren 31etik irailaren 4era, Euskal Etxeen arteko Munduko XXXIII. Mus Txapelketa. Hamahiru bikote aritu dira lehian, hala nola Frantzia, Euskadi, Kanada, Mexiko, Argentina, Txile, Australia, Peru, Venezuela, Espainia eta Estatu Batuetako ordezkariak, horietarik Espainia bi bikoterekin (aurtengo ohiko ordezkariak gehi iazko munduko txapeldunak) eta baita Estatu Batuak ere (txapelketa antolatzen duen herrialdeak eskubide hori baitu). Txapela aise eraman du Euskadiko bikoteak, Angel Rivero eta Jose Antonio Vicente, partida guztiak irabazi baititu. Sailkapena honela geratu da:

01. Euskadi (Angel M. Rivero, Juan Antonio Vicente): 12 partidak irabazirik
02. Frantzia (Roger Mendiondo, Pierre Mendiondo): 9 irabazi, 3 galdu
03. Argentina (Gustavo E, Perez, Horacio Carrascal): 9 irabazi, 3 galdu
04. Espainia-2 (Norberto Rodriguez, Andres Fernandez): 8 irabazi, 4 galdu
05. Estatu Batuak-1 (Alberto Blanco, Pedro Sanz): 6 irabazi, 6 galdu
06. Txile (Juan Mendiburu, Juan Carlos Lago): 6 irabazi, 6 galdu
07. Australia (Jose Lasa, Pedro Altuna): 6 irabazi, 6 galdu
08. Espainia-2 (A. Arratibel Jauregui, M. Larrañaga): 5 irabazi, 7 galdu
09. Mexiko (Ramon Zugarramurdi, Antonio Barrena): 5 irabazi, 7 galdu
10. Venezuela (Ausencio Eguilaz, Jon Zubiri): 4 irabazi, 8 galdu
11. Estatu Batuak-2 (Josephine Curutchet, Etienne Jorajuria): 4, 8 galdu
12. Peru (Juan Jose Meneses, Raul Noblecilla): 3 irabazi, 9 galdu
13. Kanada (Domingo Mihura, Pedro Etchart): 1 irabazi, 11 galdu

Nahi duenak, sailkapena, osorik, musaren mundu mailako webgune berri batean kontsulta dezake, beste hainbat jakingarrirekin batera, euskaraz, espainolez, frantsesez eta ingelesez: www.globalmus.com