Etxepare Institutuak Alemania eta Irlandarako hiru irakurle hautatzeko deialdia egin du

2013/06/07

Cork-eko Unibertsitatearen kanpusa, Irlandan

PUBLIZITATEA

Euskara eta euskal kultura irakatsi nahi al dituzu atzerrian? Zer iruditzen, adibidez, Alemaniako edo Irlandako unibertsitate bateak jardutea? Etxepare Euskal Institutuak herrialde horietan hiru euskara irakurle hautatzeko deialdia argitaratu berri du. Alemaniari dagokionez, Frankfurteko Unibertsitatean 2013-2014 ikasturterako da lanpostua, eta Konstantzako Unibertsitatean, 2013-2014 eta 2014-2015erako. Irlandako Cork University-ren kasuan, lan-eskaintza hiru ikasturterako da: 2013-2016.

Donostia-San Sebastián. Euskal Herriko Agintaritzaren Aldizkariak gaur bertan, ekainaren 7an, argitaratu du deialdia. Etxepare Euskal Institutuak jarri du abian hiru irakurle hautatzeko prozesu hau. Lanpostuak Alemaniako eta Irlandako unibertsitatetan dira eta eskabideak aurkezteko hilabeteko epea egongo da, deialdi hau EHAAn argitaratzen den biharamunetik hasita.

Hautagaiek bete behar dituzten baldintzak honakoak dira: Unibertsitateko graduko titulua izatea (edo lizentzia). Lehentasuna izango dute Euskal Filologiakoek, Euskal Ikasketetako lizentzia edo gradua dutenek edo Itzulpengintza eta Interpretaziokoek (A Hizkuntza: euskara). Aurreko tituluak izan ezean, graduko titulua (edo lizentzia) eta EGA edo baliokidea izatea.

Lanpostuen ezaugarri batzuk:

-Irakurle Konstantzako Unibertsitatean: Zenbatekoa: 29.250 euro irakurletzarako. Klase-orduak: astean 6-8 eskola-ordu. Baldintza zehatzak: Alemaneko A2 maila ziurtatua.

-Irakurle Frankfurteko Unibertsitatean: Zenbatekoa: 27.900 euro irakurletzarako. Klase-orduak: astean 8 eskola-ordu. Baldintza zehatzak: Alemaneko C1 maila ziurtatua.

-Irakurle Corkeko Unibertsitatean: Zenbatekoa: 16.000 euro irakurletzarako. Klase-orduak: 2013-2014 ikasturtean 150 ordu (50-70 eskola-ordu eta gainontzekoak, 150 ordu osatu arte, Etxepare Euskal Institutuari lotutako lanak egiten). 2014-2015 eta 2015-2016 ikasturteetan gehienez 150 klase-ordu. Baldintza zehatzak: Ingeleseko C2 maila ziurtatua.

-Deialdiari buruzko informazio guztia, hemen