euskalkultura.eus

euskal diaspora eta kultura

Albisteak rss

Emakume bat buru lehendabizikoz Montevideoko Centro Euskaro-n; Lucia Goñi da presidente berria

2012/06/01

Montevideoko Centro Euskaro Euskal Etxea, elkartearen egoitzaren inaugurazio egunean
Montevideoko Centro Euskaro Euskal Etxea, elkartearen egoitzaren inaugurazio egunean

PUBLIZITATEA

101 urteko ibilbide luzean, lehen aldiz emakume bat aukeratu dute Montevideoko Centro Euskaro elkarteko bazkideek presidente. Lucia Goñi Spinoglio da bera, eta 2012-2013 jardunaldian euskal etxea gobernatzeko ardura hartuko du. Iragan maiatzaren 26ean egin zituen Centro Euskaro-k hauteskunde "historiko" hauek; izan ere, elkarteko arduradunek EuskalKultura.com-i adierazi diotenez, "presidenteaz gain beste lau emakume hautatu dituzte bazkideek zuzendaritza postuetarako eta, aurrenekoz, gizonek baino emakume gehiagok osatzen dute elkarteko buruzagitza". "Egoerak normaltzen eta aurrera goazen seinale", markatu digute.

Montevideo, Uruguai. Joan den asteburuan Montevideoko Centro Euskarok egindako Bilkura Orokorrean aukeratu da elkartearen buruzagitza berria, 2012-2013 aldirako. Honakoek osatzen dute:

-Presidente: Lucía Goñi Spinoglio
-Presidenteorde: Julio Garcia Denis
-Idazkari: Martha Perdomo
-2. Idazkari: Teresita Arcelus Belloni
-Diruzain: Carlos Larragueta
-2. Diruzain: María del Carmen Latienda
-Liburutegiko arduradun: Juan Pedro Arin San Martin
-Batzordekide: Pedro Biscayzacú eta Silvia Ortone Enderiz

"Hautaketa hau historikoa izan da gure elkartearentzat, izan ere 101 urteko ibilbidean lehen aldiz emakume bat du buru Montevideoko Centro Euskaro-k", azpimarratu diote EuskalKultura.com-i euskal etxeko iturriek. "Beste datu aipagarri bat zera da, lehen aldiz zuzendaritzan gizon baino emakume gehiago direla: bost emakume eta lau gizon", nabarmendu dute.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia