Kortajarena: "Euskadin, mehatxatuak demokratak gara, 13 urtez izan dut eskolta eta badakit zertaz ari naizen"

2010/08/10

Elvira Kortajarena, joan den astean Paranára egindako bisitan (argazkia Uno)

PUBLIZITATEA

Elvira Kortajarena, Eusko Jaurlaritzak Buenos Airesen egoitza duen baina lan-esparrua Argentina, Uruguai, Paraguai eta Brasil daukan Ordezkaritzako buru denak segitzen du eremu horietako euskal etxeak eta udalak bisitatzen. Joan den astean, Paraná, Entre Rios probintzia argentinarreko hiriburua egokitu zaio, besteak beste, bidean Concepcion del Uruguay-en eta bertako Euskal Etxean ere ibili baita esaterako. paranárako bisitaren karietara, bertako Uno egunkariak elkarrizketatu du. Gai-sorta zabala erabili du, gerra zibileko bere familiaren erbesteratzetik, egungo krisi ekonomikora, PSE-PP gobernu-itunetik, euskal gatazka bat badagoenik ukatzera, hori guztia egun Ordezkaritzatik helburu duen Euskadiren sustapen ekonomiko eta turistikotik pasatuz.

Buenos Aires, Argentina. Elkarrizketa luzea, Paraná-ko Urrundik Euskal Etxean hitzaldia egungo Euskadiz eman behar zuela-eta egindako bidaiaren barnean eman dio Kortajarenak Uno egunkari entrerriostarrari. Errepaso polita egiten dio bertan Euskadiko Ordezkariak hainbat gauzari buruz dauzkan ikusmoldeez. Interesgarria izan zitekeelakoan ekarri dugu hona.

-Elkarrizketa osorik eta jatorriko bertsioan, hemen