euskalkultura.eus

Montevideo, Uruguai. "Ekimena Euskal Erria Euskal Etxeari dagokio eta bere engaiamenduari euskal gizartearekin eta Euskal Herriak bizi duen une historikoarekin, Bruselako 2010eko martxoko Aldarrikapena abiapuntu, eta segidan urte hartako irailean etorri zen Gernikako Akordioarekin, 2011eko urriko Aieteko Adierazpenarekin Donostiako Aieten, hor markatzen baita Euskal Herrian gizabidezko bake egongorra lortzeko bidea. Baita 2013ko urriaren 17an Mexikon Euskal Herriaren Bakearen Alde egin zen Elkarretaratze Kontinentalean ere", azaldu dute Euskal Erria euskal etxe montevideotarretik.

"Gure euskal etxetik, pentsatzen dugu orain arte eman diren urratsek aurrerapen nabaria ekarri diotela euskal gatazka behin betiko soluziobidean ipintzeko bilaketari, Nazioarteko Kontaktu Taldea lankide isntantzia horieta guzietan, eta espero dugu adostutako bidearekin segitzea bakea hel dadin eta behin betikoa izan dadin".

Ekitaldian, Jauregi Legegileko Ordezkarien Ganbaran antolatua, Ordezkari-Ganberako lehendakaria mintzatuko da, baita ere Uruguaiko alderdi politiko guztietako ordezkariak, Lucia Topolansky senadorea, Julio Mª Sanguinetti errepublikako lehendakari ohia, Nazioarteko Kontaktu Taldeko kide den Alberto Spectorowsky eta, Lokarriren izenean, Paul Rios koordinatzailea.

Ondoren, Euskal Herriko Bakerako Uruguaiko Elkarretaratzearen Aldarrikapena irakurriko da.

Hitzaldien zatia bukatuta, Voces de la Plaza izeneko abesbatzak bertaratutako gizon-emakumean ohoratuko ditu, zenbait euskal kantu abestuz, tarteak Agur Jaunak.

-Euskal Erriaren bloga: http://http//euskalerria1912.blogspot.com
-Facebook: https://www.facebook.com/euskal.erria.9?ref=ts&fref=t
-Bat egiteko: encuentrouruguaypaz@gmail.com