euskalkultura.eus

euskal diaspora eta kultura

Albisteak rss

Irudimenari eragiteko gogoa al duzu? Hartu soinu bat eta sortu artelana EKEk eta Azkuek abiatu duten lehiaketan

2013/03/06

Irudimena lehiaketaren kartela
Irudimena lehiaketaren kartela

PUBLIZITATEA

"Irudimena" lehiaketaren hirugarren edizio deitu dute Iparraldeko Euskal Erakundeak eta Azkue Fundazioak eta bertan parte hartzeko gonbitea luzatu diete Euskal Herriko zein Diasporako sortzaileei. Erronka polita proposatzen du lehiaketak: Euskal Herrriko soinumapatik hartutako zortzi soinu ematen dituzte aukeran eta, horietatik abiatuta, soinu berri bat, testu bat edo irudi bat sortu behar da. Lanak maiatzaren 15a baino lehenago bidali behar dira. Sariak Fnac dendetan gastatzeko diru-txekeak izango dira: 300 eurotakoak modalitate bakoitzeko lehenengo postuan suertatzen direnentzat; 200 eurotakoak bigarrenentzat eta 100 eurotakoak hirugarrenentzat.

Bilbo, Bizkaia. "Irudimena" lehiaketa gazteei zuzendutako Euskal Kultur Erakundearen Hogei'ta programaren barnean sartzen da. Hirugarren edizio hau lankidetzan sustatu dute EKEk eta Azkue Fundazioak eta berrikuntza batekin dator: aurrekoetan sorkuntzen oinarria argazkiak izan dira; aurten, aldiz, soinuak.

Lehiaketan parte hartu nahi dutenek 8 soinu hauetako bat aukeratu beharko dute euren lanaren oinarri gisa. Soinuak Euskal Herriko "Soinumapa" egitasmotik datoz.

Hautatzen duten soinuan oinarrituz, hiru aukera ditu parte-hartzaileak:

  • soinu berri bat sortzea (edozoin motakoa, musika, kantua, arrabotsa, nahasketa...),

  • euskarazko testu bat idaztea (edozoin generotan, poesia, narrazioa, deskripzioa, bertsoak...)

  • irudi berri bat egitea (argazki, marrazki edo margo bat eginez...).

Sorkuntzak  formulario honen bidez helaraziko zaizkie antolatzaileei, maiatzaren 15a baino lehen.

Sariak Fnac dendetan gastatzeko diru-txekeak izango dira: 300 eurotakoak modalitate bakoitzeko lehenengo postuan suertatzen direnentzat; 200 eurotakoak bigarrenentzat eta 100 eurotakoak hirugarrenentzat. FNAC liburu, CD, bideo, argazki kamera, ordenagailu eta teknologia alorreko produktuak saltzen dituen denda da. Webgunea du eta internet bidez ere egin daitezke erosketak (Diasporako euskaldunentzat ere egokia da, beraz).

Lehiaketaren oinarriak, hemen.  

Harremana: 

-Euskal Kultur Erakundea - Institut Culturel Basque
Jakes LARRE - jakes.larre@eke.org
Tel. 00 33 5 59 93 25 25

-Azkue Fundazioa
Amaia OCERIN - amaia.ocerin@bizkaia.net
Tel.: 00 34 944028081



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia