euskalkultura.eus

David Mugica/Bordele, Frantzia. Horra, beraz, denak loriaturik ginauden, Eskual Etxeko kideak eta «kanpotiarrak» ! Bistan da gaualdi goxo hori aipagai izan da sasoinaren azken Biltzarrean, beste ekintzen artean, zeren, Mixel Salagoity presidenteak gidaturik, denetarik proposatzerat entseatzen baigira, hala nola:

• Mintzaldiak (euskal gizarte tradizionala Maite Lafourcaderekin, sorginak eta De Lancren auziak Claude Labatekin, Olentzerori buruzko mintzaldia berriz ere Claude Labatekin, euskal literatura Lucien Etxezaharretarekin, Pirinioetako hitzarmena A. de la Cerdarekin)

• Bazkariak (Adinekoen bazkaria Olentzero egunean, Adiskideen bazkaria) eta Mus eguna

• Euskal Eguna: inportantzia haundiko besta, hor programa herrikoia proposatzen dugu (meza, pilota partida, zintzur-bustitze, haurren dantza ikusgarria, bazkaria), aurtengoa APBH elkarteak antolatu Euskal Aste berezian sartua zen;

• Ekintza ezohikoak: piano kontzertu bat Hegoaldetik jin Itxaso Aristizabal eta Esther Barandiaranekin, Miss Eskual Etxea, lehen edizio horrek ez zuen espero ginuen bezain arrakastarik, bainan zer irriak!

• Bordeleko Herriko Etxearekilako ekintza: bigarren urtekotz, Ondare Egunak programan parte hartu dugu, asteburuan bi ekintzekin: ebiakoitzean Cour Mably-n euskal kulturaren inguruko erakustoki bat, animazioak Biltzarra haurren dantza taldearekin eta Bestalariak koruarekin, eta igandean pilota partida eta erakustoki bat Jakes Bordarekin

• Sail berriak: Etxeko soinuak (tailer hortan hiruzpalau ikaslek ikasten dute txistua jotzen) eta pintxoak tailerra arrakasta haundia duena.

Horra beraz Biltzarreko kideek proposatzen ditugun ekintzak; aipa ditzagun ere hasiak ditugun lanak: ezen Eskual Etxea entretenitu, berriztatu eta egokitu behar dugu, beti ere geroa gogoan, lehenagoko kideen lana gogoan atxikiz.