EHUko irakasle Olatz Gonzalezen 'Carmen' filmak Amerikar Elkarte Antropologikoaren saria eskuratu du

2012/10/19

Carmen, filmaren protagonista, zaintiratuak sendatzen dituen emakume bizkaitarra da

PUBLIZITATEA

Lau minutuko film labur antropologikoa da 'Carmen' eta Bizkaian bizirik dirauen 'Santiritu' izeneko sendatzeko errituala azaltzen du. Filmaren protagonista Carmen, Gamiz-eko emakume bat, da eta teknika honen bitartez bihurdurak edo zaintiratuak sendatzen ditu. Olatz Gonzalez Abrisketa EHUko Antropologia irakasleak egin du filma eta azaroaren 16ean San Frantziskon American Anthropological Association (AAA) elkarteko Society for Visual Anthropology sailaren film laburren saria jasoko du. Gonzalez Abrisketak pilotari buruzko liburua argitaratu zuen 2006ean eta egun gai honi buruzko dokumental antropologikoa ari da egiten.

Donostia-San Sebastián. Galtzerdi beltza, hari zuria, orratza, titarea eta eskaera bat: 'Santitum zaina urtu, zaina bere lekuen sartu'. Horiek dira Carmenek zaintiratuak eta bihurrituak sendatzeko erabiltzen duen erritual majikoa. Prozedura hiru egunez errepikatu ei behar da, bihurritua sendatzeko. Herri jakinduriak belaunaldiz belaunaldi gorde du sendabide tradizional hau, baina Carmen-ek esz du oinordekorik eta berarekin galduko denaren beldur da.

Horixe da lau minutuko film laburrean Olatz Gonzalez Abrisketa antropologoak eta UPV/EHUko Balioen Filosofia eta Gizarte Antropologia Saileko irakasleak, jaso duen istorioa. Filmeak AEBetako American Anthropological Association (AAA) elkarteko Society for Visual Anthropology sailaren film laburren saria lortu du. Datorren azaroaren 16ean San Frantziskon izango da Gonzalez Abrisketa, elkartean urteroko kongresuan, saria jasotzeko.

Olatz Gonzalez Abrisketa

[Olatz Gonzalez Abrisketa antropologoa]

Euskal pilotari buruzko dokumentala

Egun, Olatz Gonzalez Abrisketa (Bilbao, 1973) euskal pilotari buruzko dokumentala ari da prestatzen, Jorgen Leth zinemagilearekin batera. 2006ean 'Pelota vasca: un ritual, una estética' liburua argitaratu zuen, euskal pilotari buruzko sei urteko ikerkuntza antropologikoaren emaitza. Orain Abrisketak dokumentala egingo du liburua oinarri hartuta, eta horrez gain, ingelesez argitaratuko du ikerketa Nevadako Unibertsitateko Center for Basque Studies-ek.

Olatz Gonzalez Abrisketa Antropologia bisualaren inguruan ikerketa proiektu garatzen ari den HAUtaldea-ren kidea da.

-Saintiritu teknikari buruzko informazio gehiago, hemen.