euskalkultura.eus

Valencia, Venezuela. Valenciako Euskal Etxea buru belarri dabil dagoeneko elkarteko eta Naguanagua herriko patroiaren festa antolatzen: Begoñako Amaren Eguna. Abuztuaren erdialdera egingo da jaia, urtero legez eta aurreko edizioetan bezala inguruetako euskal etxeetako bazkideak ere bertaratuko dira. Caracaseko Eusko Etxetik, esaterako, autobus bat ari dira antolatzen.

[Valencia-Carabobo Euskal Etxearen zuzendaritzako kide batzuk (argazkia CaraboboEE)]

Patroiaren eguna heldu bitartean, elkartea pozik dabil San Fermin eguneko festak izan zuen oihartzun eta arrakasta dela eta. Iragan uztailaren 5ean egin zen festa, Sanferminal baino lehenxeago, eta urerto legez 200 lagun inguru bildu ziren elkartera.

Eguneko unerik zirraragarriena "entzierroa" izan zen: elkarteko kide batzuk bigantxen aurrean korri egitera ausartu ziren eta ikusleek biziki gozatu zuten ikuskizunaz. Aurretik, bazkaria egin zen, babarrunak eta txistorra bezalako euskal jaki tipikoekin. Informazio gehiago, Notitarde egunkarian.