euskalkultura.eus

euskal diaspora eta kultura

Albisteak rss

Bihar abiatuko dira Polonian Poznango Euskal Egunak: ipuinak, zinea, dantza, euskera eta giro bikaina

2014/04/08

2014ko Poznango Euskal Egunen afitxa
2014ko Poznango Euskal Egunen afitxa

PUBLIZITATEA

Poznango Adam Mickeiwicz unibertsitateko Euskara eta Euskal Kultura irakurletzak urtero legez Euskal Jaia antolatu du, ikasleen partaidetza eta laguntzarekin. Helburua euskal kultura unibertsitatetik atera eta gazteen artean ezagutzera ematea da. Horretarako, egitarau zabala eta gozagarria dute aurtengo "Dni Baskijskie" edo Euskal Egunek: ipuin kontalariak, "Gazta zati bat" dokumentalaren emanaldia, janari beganoa eta euskal pintxoak, euskal kulturari buruzko online lehiaketa, dantza tailerrak eta hitzaldiak, besteak beste.

Poznan, Polonia. Amaia Donés irakurlea buru, urtero legez buru belarri aritu dira Poznango Adam Mickiewicz Unibertsitateko ikasleak aurtengo Euskal Egunak antolatzen. Jaialdia aurten hiru egunekoa izango da eta, ostirala bitartean, izango da zer ikusi eta zer gozatu Poznanen. Arduradunek agertu dutenez, jaiaren helburu nagusienetakoa unibertsitatetik kanpo euskal kultura ezagutaraztea da eta, horregatik, kanpo eragileekin harreman estuan antolatu dituzte jarduerak.

Esan bezala, jaialdia bihar abiatuko da, euskarari buruzko hitzaldi batekin, goizeko hamarretan. Donés bera eta Anna Szychowska izango dira hizlari. Ondoren, 17:00tan "Gazta zati bat" dokumentalaren emanaldia egingo da Muza Zineman (hiriko erreferentziazko zine-aretoa), ikasleek polonierara itzulitako azpitituluekin. Filmaren ostean, mahaingurua egingo da, Amaia Dones, Katarzyna Mingos eta Alfons Gregori adituekin. 

Poloniarrak bertsotan

Etzi, Dragon klubarekin elkarlanean antolatutako jarduera ugari egingo dira: hitzaldiak, kultura eta bertsolaritzari buruzko eztabaidak, eta eguna amaitzeko, 19:00 euskal festa... poloniar bertsolariekin! Etzidamu, ostiralean, 18:00tan pintxo lehiaketa egingo da Pika Pika tabernan eta ondoren, nola ez, pintxo dastaketa. Ostean, Karawana Opowiesci ipuin kontalari taldearekin elkarlanean ipuin kontaketa saioa antolatu da. Eguna amaitzeko, euskal jaia egingo da Glosna klubarekin elkarlanean.

Horrez gain, Skad Bierzesz Bialko kolektibo beganoak prestatutako janaria, SuperMemo argitaletxearekin batera antolatutako euskal kulturari buruzko online lehiaketa, Fzientzia eta Artearen festibalaren baitan eskainiko den euskara eskola irekia eta Bal Folk Poznan taldearekin elkarlanean antolatutako dantza tailerra ere egingo dira.  

Informazio gehiago jaialdiaren Facebook orrian, hemen.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia